JEREMIAH 21:13 - Hakcipta - Biatah Bidayuh

¹³ Kuu, Jerusalem, guru bigatung so rubān rubān, mun ndi batuh adi mijog bigatung di rabak. Pak Aku re rawan kuu. Kuu nang mating daya tungang nyerang kuu bait mŭrŭt tambus kuta kuta mu.

JEREMIAH 21:13 ပူးပေါင်းရင်းမြစ်များ

MAZMUR 125:2

Nimun dudu darŭd maning Jerusalem, simŭnŭ inŭh TUHAN maning daya-I madin ngga ndŭg situi tui.

PINYIRUAH 13:20

Bara daya Israel matak so Sukkoth ka bibari di Etham, di bŭngŭn tarun tana-pajam.

PINYIRUAH 13:8

Kan gawai anŭ piguru, kidaan rati-i di bara anak ngan nang angān ndai simŭnŭ sabab kayuh adi TUHAN mbŭh ndai yŭn ngan darŭm angān ruah so rais Egypt.

ISAIAH 22:1

Ati inŭh agah pasar Rubān Pinandŭng. Ani mbŭh jadi? Mani sopŭrŭg daya darŭm kupo bigawai di tibung ramin?

JEREMIAH 17:3

ka di tunduh darŭd darŭd di sapa tarun tana rais. Aku re bada pinganyu ngan taban ngga bu pinyikaya ngan ngga buat-rata ngan sabab sopŭrŭg dosa adi angān mbŭh ndai di ndi tarun tana rais.

JEREMIAH 21:5

Aku re rawan kuu ngga sopŭrŭg pinyibake Ku, baji Ku, magā Ku, ka bangok Ku.

JEREMIAH 49:16

Atin sambuh ngan mbŭh nipu angān. Mating daya taru di angān sak adi nang ngan. Angān rŭŭ di jenjang adi pibatuh, bigatung di tibung darŭd; pak sunggu angān rŭŭ di tarun yŭn adi bigatung mun beuh, TUHAN babŭ gŭh re taban angān ka sagān. TUHAN mbŭh minyu.”

JEREMIAH 50:31

“Babylonia, kuu mbŭh dog nguasa atin gambung mu, jadi Aku, adi TUHAN Bisa-pŭrŭg, mbŭh rawan kuu! Tika-i mbŭh mandŭg adi ngga Ku ngukum kuu.

JEREMIAH 51:25

Babylonia, kuu inŭh keya ka darŭd adi pirabur ndi ong ong, pak Aku, adi TUHAN, inŭh pinganyu mu. Aku re nakap kuu, pirata kuu di tana, ka tandah kuu jadi apŭk.

JEREMIAH 7:4

Dŭh tia sabah pinganang kadong adi nang, ‘Ata siramat! Ati inŭh Ramin TUHAN, ati inŭh Ramin TUHAN, ati inŭh Ramin TUHAN!’

PUĀS 4:12

Mating daya, bait raja raja so bangsa tami, sabah nang pinyerang dapŭd mŭrŭt tiban Jerusalem.

EZEKIEL 13:8

Jadi TUHAN Raja nang di ngara, “Pinganang ngan dŭh sawŭ, ka kayuh anŭ adi angān kiris keya ka darŭm pŭmŭh inŭh kayuh kadong. Aku rawan angān.

EZEKIEL 21:3

nang Aku, adi TUHAN, nang: Aku ati pinganyu ngan. Aku re tarik pedang Ku ka siŭ sopŭrŭg ngan, adi kana ngga adi arap.

EZEKIEL 34:10

Aku, adi TUHAN Raja, kidaan Aku ati pinganyu ngan. Aku re tambit biri biri Ku so angān ka re dŭh tia bada angān jadi pingingat ngara; re dŭh tia Aku bada angān kingat adŭp ngan adŭ. Aku re nyiramat biri biri Ku so angān ka re dŭh bada angān man ngara.

EZEKIEL 5:8

Ngapŭi Aku, adi TUHAN Raja, kidaan di kuu nang Aku ati inŭh pinganyu mu. Aku re ngukum kuu di sirung jawin sopŭrŭg bangsa.

MICAH 3:11

Bara pimritah kupo mritah ngga dapŭd suap, bara imam nggen rati Ukum-adat ngga dapŭd upah, bara nabi kidaan pinandŭng ngga dapŭd duit; ka sopŭrŭg ngara samah nang TUHAN agi ngga ngara. “Ata dŭh re dog nyatŭk pinyirusag,” ngara nang. “TUHAN agi ngga ata.”

NAHUM 2:13

“Aku ati pinganyu mu!” nang TUHAN Bisa-pŭrŭg. “Aku re badang krita krita kuda mu. Bara soldadu mu re dog siŭ darŭm perang, ka Aku re taban ngga bu sopŭrŭg kayuh adi kuu ko sirapas so daya. Sirŭŭn bara pinyisung mu re dŭh tia dog dingah.”