JEREMIAH 20:8 - Hakcipta - Biatah Bidayuh

⁸ Kan aku minyu, aku an minyu bana ka nyirais, “Pinyiganas! Pinyirabur!” TUHAN, aku ari dog tawŭh ka dog ngamun sabab aku piagah pinganang Mai.

JEREMIAH 20:8 ပူးပေါင်းရင်းမြစ်များ

2 RAJA 2:23

Elisha bu so Jericho di ka Bethel, ka di aran agi kada anak dari adi gi-mara ruah so ndi kupo ka napat ayŭh. “Bu so ti, sirakas!” ngara nyirais nang.

2 KRONIKEL 36:16

Pak ngara napat bara pinyisung Tapa, dŭh tambit piduri di pinganang-I ka tawŭh bara nabi-I, ndŭg ka pinŭbŭn-i TUHAN mbŭh raru baji di daya-I ka mating aran ngara re tungang pirupas adŭp-i so ukum-I.

ISAIAH 57:4

Asi anŭ adi angān napat? Asi anŭ adi angān daya pingadong nyirimbe?

JEREMIAH 15:10

Mbŭh sera inŭh pimudip ku ati! Mani sindŭ ku biranak aku ka darŭm ong? Aku dŭh siŭn dŭh bikaii ka bikarit ngga barang naan daya di tarun tana ati. Pŭn ka aku bŭn nginjam duit so daya bait nginjam duit ka daya, ka daya mangu aku.

JEREMIAH 15:15

Komŭnŭ aku nang, “TUHAN, Kaam mirati sopŭrŭg-i. Ingat aku ka turung aku. Bada aku maras dendam di ngara adi kisiis aku. Dŭhnyah paŭh dŭdŭt ngga ngara, te ngara dapŭd siŭ aku rai-i. Ingat, yŭn kana adŭn Mai inŭh aku dog pimangŭh.

JEREMIAH 17:27

Pak ngara dŭh siŭn dŭh nundok di Aku ka sita andu Sabbath bada jadi andu adi kudus. Ngara dŭh siŭn kabis tadŭ tadŭ kayuh mŭrŭt ruah tiban tiban-bās Jerusalem di andu anŭ, amai kambŭi ngara ndai simŭnŭ, Aku re badang tiban tiban Jerusalem. Apui re man istana di Jerusalem, ka mating daya re tungang mura-i.”

JEREMIAH 20:7

TUHAN, Kaam mbŭh nipu aku, ka aku mbŭh dog nipu. Kaam bake so aku, ka Kaam mbŭh ngarah aku. Barang naan daya nyirimbe aku; ngara tawŭh aku sandu singarŭm.

JEREMIAH 28:8

Bara nabi muko minyu jah, diŭ so jaman ku ngga jaman mu, ninjau nang perang, udip sikirau, ka andam re mandŭg ka bagŭ bangsa ngga pritah adi bikuasa.

JEREMIAH 5:1

Daya di Jerusalem, panu matak mari di aran kupo ngan! Tingga bait tauh! Tingga adŭp ngan! Jiroh di ndi passar passar! Tungang kuu dapŭd ndi naan daya adi ndai kayuh adi batur ka suba tŭtŭd di Tapa? Kambŭi agi, TUHAN re apun Jerusalem.

JEREMIAH 5:6

Anŭ inŭh sabab ngara re dog siŭ singah so tuān; kasong tarun so tarun tana-pajam re nyirigat nyiratak ngara, ka busing tarun adi mangah re panu mŭrŭt kupo kupo ngara. Kambŭi ngara anŭ ruah, ngara re dog nyirigat sabab dosa ngara raru bagŭ ka pari pari ngara tagan Tapa.

JEREMIAH 6:10

Aku nam, “Asi re an dingah aku kambŭi aku minyu ka bakan ngara? Ngara baking ka abah dingah pinganang Mai; ngara tawŭh kayuh adi Kaam bada aku nang.

JEREMIAH 7:9

Angān naku, siŭ daya, tanggah, nggen taksi kadong, jugan sadis ka Baal, ka nyambah tapa tapa adi angān bŭn puan.

HABAKKUK 1:3

Mani Kaam tandah aku kinyam pinyusah adi mun ati? Simuki Kaam tan kiris daya ndai sarah? Pinyirabur ngga pinyiganas taŭn mbŭh dog ndai maning aku, ka kaii ngga karit mbŭh di barang yŭn.

LUKE 11:45

Ndi naan so ngara adi gurū Ukum-adat Jahudi nang di Ayŭh, “Gurū, darŭm Kaam minyu sakanŭ Kaam mbŭh pimangŭh gŭh kieh!”

HEBREW 11:26

Ayŭh puan nang kinyam sangsara yŭn Kristus mbŭh jo biguna dŭ so sopŭrŭg pinyikaya Egypt, amai ayŭh nŭtŭn tingga upah adi re mandŭg jŭ.

HEBREW 13:13

Ja ata di ka yŭn-I di sapa tarun yŭn daya bibari ka sua dapu mangŭh-I.

1 PETER 4:14

Sanang inŭh angān kambŭi angān dog pimangŭh sitagar angān mbŭh pinunda Kristus; sirati-i, Roh adi bragah, anŭ inŭh Roh Kudus, agi ngga angān.