JEREMIAH 20:5 - Hakcipta - Biatah Bidayuh

⁵ Aku gŭh re tandah pinganyu ngara pirinda sopŭrŭg pinyikaya kupo ati ka sirapas sopŭrŭg kayuh ngga buat-rata adi darŭm-i, samŭn rata raja raja Judah, ka taban ngga bu sopŭrŭg kayuh ka Babylonia.

JEREMIAH 20:5 ပူးပေါင်းရင်းမြစ်များ

2 KRONIKEL 36:10

Kan-i mbŭh tipuh bunga, Raja Nebuchadnezzar taban Jehoiachin ka Babylonia jadi daya-takap, ka taban ngga bu rata Ramin TUHAN. Komŭnŭ Nebuchadnezzar bada Zedekiah adi tua Jehoiachin jadi raja Judah ngga Jerusalem.

ISAIAH 39:6

tipuh-i re mandŭg kan sopŭrŭg kayuh darŭm istana mu, sopŭrŭg kayuh adi tayung-babuk mu mbŭh nyikŭn ndŭg andu ati, re dog taban ngga bu ka Babylonia. Mating re dŭm.

JEREMIAH 12:12

Di ndi tarun tana-pajam darŭd daya mbŭh mandŭg di pirinda. Aku mbŭh pait perang bada pirusak ndi tarun tana; mating daya dapŭd udip darŭm damai.

JEREMIAH 15:13

TUHAN nang di aku, “Aku re pait bara pinganyu bada taban ngga bu pinyikaya ngga buat-rata daya Ku, ngga ngukum ngara yŭn dosa adi ngara mbŭh ndai di ndi tarun tana rais.

JEREMIAH 17:3

ka di tunduh darŭd darŭd di sapa tarun tana rais. Aku re bada pinganyu ngan taban ngga bu pinyikaya ngan ngga buat-rata ngan sabab sopŭrŭg dosa adi angān mbŭh ndai di ndi tarun tana rais.

JEREMIAH 3:24

Pak nyambah Baal, tapa adi taban mangŭh, mating nyiramat dāng kudip ami, anak anak dari ami ngga anak anak dayung ami; anŭ inŭh sopŭrŭg adi tayung-babuk ami mbŭh dapŭd so turang udas ngara so jaman jah.

JEREMIAH 32:24

“Daya Babylonia mbŭh nugung tana ngga nyikapung kupo ka sirabut-i, ka ngara mbŭh nyerang madin. Perang, udip sikirau, ka andam re bada kupo ati rabu ka darŭm tangan ngara. Kaam dapŭd kiris sopŭrŭg kayuh, adi Kaam mbŭh nang, jadi bitŭtŭk.

JEREMIAH 39:2

Di andu adi prii darŭm buran adi pat darŭm sawa adi simŭng ndi Zedekiah jadi raja, pinganyu dapŭd miratos sindung kuta kupo.

JEREMIAH 39:8

Atan anŭ, bara soldadu Babylonia badang istana raja, ramin ramin daya ka nyirubuh sindung Jerusalem.

JEREMIAH 4:20

Pinyirusag ndi dog tunda pinyirusag andi; ndi tarun tarun tana rais mbŭh rabur. Gŭgŭh bari bari ami mbŭh dog pirusak; dudu tabir-i mbŭh tiratak.

PUĀS 1:10

Pinganyu-i mirupak sopŭrŭg pinyikaya-i. Ayŭh kiris ngara mŭrŭt Ramin TUHAN, adi TUHAN nagah daya adi dŭh daya Jahudi mŭrŭt.

PUĀS 1:7

Darŭm-i mbŭh rubuh, Jerusalem ingat sangŭn-i adi jah. Darŭm-i rabu ka darŭm tangan pinganyu, mating daya turung ayŭh; bara adi nyerang ayŭh tawŭh pinyirabu-i.

PUĀS 4:12

Mating daya, bait raja raja so bangsa tami, sabah nang pinyerang dapŭd mŭrŭt tiban Jerusalem.

EZEKIEL 22:25

Bara pinguru mbŭh keya ka dudu singah nyidaong ripas-i mbŭh siŭ dangah-i. Ngara siŭ daya, tambit sopŭrŭg duit ngga buat-rata adi ngara dapŭd, ka bada bagŭ dayung jadi dayung uban.

DANIEL 1:2

TUHAN tandah ayŭh nakap Raja Jehoiakim ka sirapas kada rata Ramin TUHAN. Ayŭh taban kada daya-takap pari ngga adŭp-i ka bari-sambah tapa adŭp-i di Babylon, ka na rata adi ko dog sirapas di birit pinyirikŭn bari-sambah.

HOSEA 13:15

Sunggu Israel mujur mun uduh di tana adi damŭn, Aku re pait sabak timor adi paras so tarun tana-pajam, ka-i re nyibadŭh anak anak sungi ngga prigi ngara. Ka-i re taban ngga bu sopŭrŭg kayuh adi brega.