JEREMIAH 20:18 - Hakcipta - Biatah Bidayuh

¹⁸ Mani aku dog biranak? Isa aku kinyam sangsara ka pinyusah ngga pirŭŭ udip ku darŭm mangŭh kah?

JEREMIAH 20:18 ပူးပေါင်းရင်းမြစ်များ

1 RAJA 19:4

Elijah panu ndi andu andu di ka tarun tana-pajam. Ayŭh rŭŭ ka guru di sayung tŭngŭn kayuh ka mite adŭp-i kabŭs adŭ. “Dŭh aku tan, TUHAN,” ayŭh nang darŭm dua-i. “Tambit adŭ asŭng ku; mbŭh kana dŭ aku kabŭs!”

JOB 14:1

Ata dog biranak ramah ka dŭh bigaya. Sopŭrŭg kinyam pimudip purok ka adi susah.

JOB 14:13

Kasi ka Kaam sukan aku darŭm ong daya adi mbŭh kabŭs; bada aku dog sukan ndŭg ka Kaam muko baji, komŭnŭ natu jam adi ngga Kaam ingat aku.

JOB 3:20

Mani tandah manusia udip darŭm sangsara? Mani nggen jawa di ngara adi susah?

JOB 5:7

Adŭp manusia inŭh adi taban pinyusah ka adŭp-i, keya ka bŭtŭp apui adi mikabur so apui.

MAZMUR 102:3

Pimudip ku miyap mun asuh; pŭrŭng ku nyam adi sau.

MAZMUR 69:19

Kaam puan munki aku dog pimangŭh, munki aku dog kinarap ka dŭh dog stabi; Kaam kiris sopŭrŭg pinganyu ku.

ISAIAH 1:6

So ubak ndŭg kaja ngan mating tapo adi pidanah. Angān mbŭh puno bada karag, bakang, ka tawan. Tawan ngan gibayuh dog ngu ka dog marut, puan kah dog nguri ngga inyo.

ISAIAH 51:7

“Dingah Aku, angān adi puan kayuh adi batur, adi mbŭh nyikŭn ajar ku darŭm atin ngan. Dŭhnyah taru kan daya kinuas ka ngamun angān;

JEREMIAH 15:10

Mbŭh sera inŭh pimudip ku ati! Mani sindŭ ku biranak aku ka darŭm ong? Aku dŭh siŭn dŭh bikaii ka bikarit ngga barang naan daya di tarun tana ati. Pŭn ka aku bŭn nginjam duit so daya bait nginjam duit ka daya, ka daya mangu aku.

JEREMIAH 15:18

Mani aku babŭ sangsara? Mani tawan ku abah bua? Kaam re piasa aku kah mun anak sungi adi badŭh di tipuh paras?”

JEREMIAH 3:25

Kieh patut guring darŭm mangŭh ka bada mangŭh ami nutu kieh. Kieh ngga tayung-babuk ami mbŭh ari bidosa rawan TUHAN adi Tapa ami; kieh bŭn tunda pinyipesan-I.”

JEREMIAH 8:18

Pinyusah ku dŭh dapŭd dog pibua; Atin ku susah buang mandam.

PUĀS 1:12

“Tingga aku!” ayŭh nyirais nang di barang naan adi murah. “Gi-mating daya kinyam sangsara mun jaku, Sangsara adi TUHAN mbŭh bada nyatŭk aku darŭm-I baji.

PUĀS 3:1

Aku inŭh adi puan nyamki nŭŭh dog ukum Tapa.

HABAKKUK 1:3

Mani Kaam tandah aku kinyam pinyusah adi mun ati? Simuki Kaam tan kiris daya ndai sarah? Pinyirabur ngga pinyiganas taŭn mbŭh dog ndai maning aku, ka kaii ngga karit mbŭh di barang yŭn.

JOHN 16:20

Aku kidaan di angān kayuh adi sawŭ: angān re sien ka muās, pak ong re gaŭn; angān re susah, pak atin susah ngan re marui jadi pinyigaŭn.

PINGANDAI 5:41

Darŭm bara pinyuruh bu so Kunsil, ngara mbŭh sanang asŭng, sabab mbŭh tibirang di sirung jawin Tapa kinyam mangŭh yŭn adŭn Jesus.

2 TIMOTHY 1:12

ka-i mbŭh sitagar anŭ inŭh aku mbŭh sangsara madin. Pak aku babŭ puno ngga atin-sabah ku, sabab aku puan asi Ayŭh adi yŭn ku bisangan; ka aku sabah Ayŭh re jaga da pagŭng kayuh adi ko-I mbas pasan di tangan ku.

HEBREW 10:36

Angān an sabar, siŭn angān tungang ndai pinyiraan Tapa ka kambat kayuh adi-I bijanji an nggen.

HEBREW 11:36

Kada ngara dog pimangŭh ka dog madŭs, ka adi bŭkŭn dog muak ngga parik basi ka dog pibŭrŭt ka darŭm jer.

HEBREW 12:2

Ja ata adu adu nyigura ka Jesus, di yŭn pinyabah ta bisangan so sibungas-i ndŭg sikasŭn-i. Ayŭh dŭh arah da rigang! Pak, sabab pinyigaŭn adi kajŭn Ayŭh, Ayŭh dŭh kira mangŭh kabŭs di atuh rigang, ka madin Ayŭh mbŭh guru tura ka tauh takta Tapa.

HEBREW 13:13

Ja ata di ka yŭn-I di sapa tarun yŭn daya bibari ka sua dapu mangŭh-I.