JEREMIAH 20:16 - Hakcipta - Biatah Bidayuh

¹⁶ Isa-i ayŭh adi taban agah anŭ jadi keya ka kupo kupo adi TUHAN pirabur ngga dŭh kira masi. Isa-i Ayŭh dingah sien mandam ngga isan isan ka trompet perang ngga arong kumbeng,

JEREMIAH 20:16 ပူးပေါင်းရင်းမြစ်များ

JEREMIAH 18:22

Pait pirupak bada nyirŭgŭh pirinda ramin arŭn ngara; ka ngara re nyirais darŭm taru. Ngara mbŭh kareh rubang isa aku rabu ka darŭm-i ka mbŭh tŭŭn jarat ngga kudog aku.

JEREMIAH 18:8

pak ko anŭ bangsa anŭ marik pimudip-i dŭh tia ndai arap, Aku dŭh re ndai kayuh adi Aku nang adŭp Ku re ndai.

JEREMIAH 23:14

Pak Aku mbŭh kiris bara nabi di Jerusalem ndai anŭ adi rabis arap: ngara tanggah ka kadong daya; ngara turung daya ndai sarah, ndŭg ka mating daya an ko ndai kayuh arap. Di Aku, sopŭrŭg ngara inŭh arap mun daya Sodom ngga Gomorrah.

JEREMIAH 26:13

Angān dŭh siŭn dŭh ngubah aran pimudip ngan samŭn kayuh adi angān ndai, ka dŭh siŭn dŭh nundok di Tapa ngan. Kambŭi angān ndai simŭnŭ, Ayŭh re nukar pikir-I pasar pinyirusag adi Ayŭh nang re bada nyatŭk angān.

JEREMIAH 4:19

Andam-i! Dŭh aku tan nyinjŭn-i! Atin ku! Atin ku mbŭh simadup! Aku dŭh dapŭd bada-i tanang; Aku dingah jawŭn trompet ngga sirais perang.

PUĀS 4:6

Daya ku dog ukum rabis so daya Sodom dog ukum, adi nyirŭgŭh rabur sabab dog ukum Tapa.

EZEKIEL 21:22

Tangan tauh-i digŭng reja-panah adi bitandā ‘Jerusalem’! Anŭ kidaan di ayŭh bada sidia betang betang kayuh ndu pinumbuk, ka ngāb, ka na betang betang pinumbuk di sapa tiban tiban-bās kuta, ka nugung tana, ka ndai parit.

HOSEA 10:14

perang re mandŭg ka daya ngan, ka sopŭrŭg kuta ngan re dog nyirubuh. Anŭ re mun andu adi ngga Raja Shalman nyirubuh kupo Betharbel darŭm perang, ka bara sindŭ ngga anak anak ngara kabŭs dog nyatŭk.

HOSEA 11:8

“Simuki Aku re tandah kuu, Israel? Simuki Aku re tagan kuu? Bisa kah Aku pirabur kuu mun Admah, puan kah ndai di tunduh mu mun Zeboiim? Atin Ku dŭh re bada Aku ndai simŭnŭ! Pinyirindu Ku di kuu inŭh raru bās.

HOSEA 13:14

Aku dŭh re nyiramat daya ati so ong daya adi mbŭh kabŭs bait pirupas ngara so kuasa pinyikabŭs. Taban sesak andam mu, pinyikabŭs! Taban pinyirusag mu, ong daya adi mbŭh kabŭs! Aku mbŭh dŭh tia masi di bangsa ati.

AMOS 1:14

Ngapŭi Aku re pait apui da nyatŭk sindung kuta Rabbah ka badang kuta-i. Ka diginŭ re agi ngāb pinganyu nyerang, ka bisaad anŭ re mun sabak ribut.

AMOS 2:2

Aku re pait apui da nyatŭk tarun tana Moab ka badang kuta kuta Kerioth. Daya Moab re kabŭs darŭm jawŭn perang sitadŭn bara soldadu ngāb ka dudu trompet dog mambak.

AMOS 4:11

“Aku pirabur kada so angān mun Aku pirabur Sodom ngga Gomorrah. Angān adi dŭh kabŭs mbŭh keya ka rangas adi sau pak dŭh rŭpŭg da apui. Babŭ gŭh angān dŭh pari ka Aku,” nang TUHAN.

JONAH 3:4

Jonah piguru panu di kupo anŭ, ka ripas panu ndi andu, ayŭh kidaan, “Dŭm pat puru andu Nineveh re dog pirabur!”

JONAH 4:2

Ayŭh bidua, “TUHAN, dŭh kah aku agi nang sibayuh aku matak tingge ramin arŭn ku, nang ati inŭh kayuh adi re Mai ndai? Anŭ inŭh sabab aku rikas di ka Spain! Aku puan Kaam inŭh Tapa adi rindu ka adi masi, ari sabar, ari mandis, ka ari sidia an nukar pikir ka dŭh jadi ngukum.

ZEPHANIAH 1:16

andu adi puno ngga jawŭn trompet perang ka ngāb bara soldadu nyerang kuta kuta kupo ka tawā tawā adi bigatung.

ZEPHANIAH 2:9

Ngga adŭn Ku TUHAN adi udip, adi Tapa Israel, Aku bipayu Moab ngga Ammon re dog pirabur mun Sodom ngga Gomorrah. Rais rais anŭ re jadi tarun yŭn prigi garo ka adu adu jadi tibawang, adi mbŭh birasu ngga uduh. Bara daya Ku adi babŭ udip re pirinda ngara ka sirapas tana ngara.”

LUKE 17:29

Di andu Lot bu so Sodom, apui ngga mirirang mūn so rangit ka siŭ sopŭrŭg ngara.

DITRONOMI 29:22

“Di bara turap adi re, sesang sesang ngan ngga bara pinami adi mandŭg so tarun tana adi jo re kiris pinyirusag ngga sangsara adi TUHAN mbŭh taban ka tarun tana ngan.

DITRONOMI 29:23

Tana ŭmŭh ngan re matung, dog nutu mirirang ka garo; mating kayuh bisa dog purun, ndŭg ka uduh abah gŭh timbu dieh. Tarun tana ngan re keya ka kupo Sodom, kupo Gomorrah, kupo Admah ngga kupo Zeboiim, adi TUHAN ko pirabur kan-I mbŭh raru baji.

2 PETER 2:6

Tapa mbŭh nunggu kupo Sodom ngga kupo Gomorrah, pirabur-i ngga apui, ka bada-i jadi suto kayuh adi re jadi di sinadan daya adi dŭh stabi di Tapa.

JUDE 1:7

Ingat ngan Sodom ngga Gomorrah, ka kupo kupo adi maning-i; pingandai daya-i brimun ngga pingandai bara malaikat anŭ, adi mbŭh sungak darŭm pingandai kais. Ngara mbŭh kinyam ukum darŭm apui neraka, adi jadi pinyibakan yŭn sopŭrŭg daya.