JEREMIAH 2:8 - Hakcipta - Biatah Bidayuh

⁸ Bara imam mating siken, ‘Diki TUHAN?’ Bara imam Ku dŭh puan Aku. Bara pimritah birawan matah Aku; bara nabi minyu ngga dŭn Baal ka nyambah tibudo adi dŭh biguna.

JEREMIAH 2:8 ပူးပေါင်းရင်းမြစ်များ

1 RAJA 18:22

Komŭnŭ Elijah nang, “Dŭm aku sadi adŭ nabi TUHAN, pak digiti agi 450 naan nabi Baal.

1 RAJA 18:29

Ngara babŭ ndai simŭnŭ ndŭg ka yun kumbeng, pak mating pinyinam so tapa ngara; angū-i mating gŭh.

1 RAJA 18:40

Elijah nggen ukum, “Nakap bara nabi Baal; dŭhnyah bada tadŭ tadŭ so ngara bu!” Bara daya nakap sopŭrŭg ngara, ka Elijah taban ngara ka Yang Kishon ka siŭ ngara.

JOB 35:10

Pak ngara dŭh pari ka Tapa, adi Pinapa ngara, adi nggen di ngara pingarap di tika ngara susah.

ISAIAH 28:7

Bara nabi ngga bara imam mbŭh raru mabuk ndŭg ka mbŭh tibabeu. Ngara nok raru bagŭ wain ngga arak ka sikak sikakong amai pikir-i mbŭh manyap. Bara nabi mbŭh raru mabuk ka dŭh tungang mirati kayuh adi keya ka darŭm pŭmŭh adi Tapa nggen, ka bara imam mbŭh raru mabuk ka dŭh tungang ngatur har adi dog taban ka yŭn ngara.

ISAIAH 29:10

TUHAN mbŭh bada kuu nundu, mbŭh re an bŭŭs rŭrŭ. Bara nabi patut jadi batŭh yŭn bara daya, pak Tapa mbŭh nutu batŭh ngara.

ISAIAH 30:5

daya Judah nyesar adŭp-i sabah bangsa adi dŭh bisa dog sabah anŭ, bangsa adi dŭh turung ngara kan ngara mite turung.”

JEREMIAH 10:21

Aku nam, “Bara pinguru ta budo; ngara dŭh mite pinyitayan so TUHAN. Anŭ inŭh sabab ngara dŭh mujur darŭm kraja ngara, ka bara daya ta mbŭh papar sasah.

JEREMIAH 12:10

Bagŭ pimritah daya tami mbŭh pirusak teya anggor Ku; ngara mbŭh bidigang di tana ŭmŭh Ku; ngara mbŭh bada tarun tana Ku adi ramus jadi tarun tana-sumat.

JEREMIAH 16:19

TUHAN, Kaam inŭh adi grindung aku ka adi nggen pinyibake di aku. Kaam turung aku di tika susah. Bangsa bangsa re mandŭg ka Kaam so bŭngŭn ong ka nang, “Tayung-babuk ami dŭh biyŭn ani ani adŭ-i tapa kadong, tibudo adi dŭh biguna.

JEREMIAH 18:18

Komŭnŭ daya nang, “Ja ata bipekat rawan Jeremiah! Re ari agi imam adi an ngajar ata, daya bijak adi an pitayan ata, ka bara nabi adi an piagah pinganang so Tapa. Ja ata nyarah ayŭh, ka dŭh tia dingah kayuh adi nang-i.”

JEREMIAH 2:11

Bŭn bangsa bŭkŭn nyambi tapa-i, sunggu tapa ngara dŭh sawŭ. Pak daya Ku mbŭh nyambi Aku, Tapa adi ko nggen stabi di ngara, ngga tapa adi dŭh dapŭd ndai ani ani yŭn ngara.

JEREMIAH 2:6

Ngara dŭh piduri Aku, sunggu Aku pirupas ngara so Egypt ka taban ngara mutas tarun tana-pajam: tana sumat ngga sandah sumat, tarun adi badŭh buang rapā yŭn kayuh adi arap adi mating daya rŭŭ dieh ka mating daya raan mutas.

JEREMIAH 4:22

TUHAN nang, “Daya Ku inŭh budo; ngara dŭh puan Aku. Ngara mbŭh keya ka bara anak-sŭ adi budo; ngara dŭh biyŭn atin mirati. Ngara sukup pandai ndai kayuh adi arap, pak dŭh pandai ndai kayuh adi kana.”

JEREMIAH 5:31

Sopŭrŭg kayuh adi bara nabi nang inŭh pinganang kadong; bara imam mritah so ka pesan bara nabi anŭ, ka daya Ku mating matah. Pak ani re ngara ndai kan sopŭrŭg-i mungan?”

JEREMIAH 7:8

“Tingga, angān sabah pinganang tipu.

JEREMIAH 9:14

Ngara baking buang mbŭh nyambah tibudo Baal nimun adi dog ngajar tayung-babuk ngara.

EZEKIEL 22:26

Bara imam miranggar ukum-adat ka dŭh stabi di kayuh adi kudus. Ngara dŭh puan ani adi kudus ngga ani adi dŭh kudus. Ngara dŭh ngajar ani bŭkŭn-i kayuh adi bisig ngga kayuh adi dŭh bisig, ka ngara dŭh mbit piduri di andu Sabbath. Anŭ meh sabab daya Israel dŭh stabi di Aku.

EZEKIEL 34:2

“Manusia,” Ayŭh nang, “nyarah bara pimritah Israel. Minyu-binabi di ngara, ka kidaan di ngara kayuh adi Aku, TUHAN Raja, nang di ngara: mŭmbŭh inŭh angān, angān pingingat-biri Israel! Angān kingat adŭp ngan, pak bŭn mbit bat pasar biri biri.

HOSEA 4:6

Daya Ku re rabur amai ngara dŭh ngaku Aku. Angān bara imam abah ngaku Aku ka mbŭh tirawan ajar Ku, ngapŭi Aku tirawan angān ka re dŭh ngaku bara anak ngan keya bara imam Ku.

HABAKKUK 2:18

Ani guna-i tibudo? Anŭ batur-i kayuh adi manusia ndai, ka kayuh adi angān dapŭd so tibudo kaŭs-i pinganang kadong. Ani utung-i yŭn daya adi ndai tibudo? Tibudo dŭh bisa minyu!

MATTHEW 16:26

Re agi kah utung ngan kambŭi angān dapu ndi ong ong pak kinanyap udip adi sawŭ adi tan adu adu? Manŭn dŭh! Mating kayuh bisa ngan ngga nyambi udip adi sawŭ anŭ.

LUKE 11:52

“Mbŭh payah inŭh angān bara gurū Ukum-adat Jahudi! Angān mbŭh nyikŭn kusi adi ngga kuka tiban ramin pinyipuan pasar Tapa; adŭp ngan dŭh an mŭrŭt, pak kijaman daya bŭkŭn adi an mŭrŭt!”

JOHN 16:3

Daya re ndai simŭnŭ di angān sabab ngara dŭh puan Sama bait Anak.

JOHN 8:55

Angān dŭh puan Ayŭh, pak Aku puan Ayŭh. Kambŭi Aku nang adŭp Ku dŭh puan Ayŭh, Aku pingadong mun angān. Aku sawŭ puan Ayŭh, ka Aku dingah pinganang-I.

2 CORINTH 4:2

Kieh sān ka bŭngŭn sopŭrŭg pingandai bisukan adi nggen mangŭh; kieh dŭh nipu daya, dŭh gŭh kieh nikok pinganang Tapa. Tapa puan kieh kidaan kayuh adi sawŭ; ngga simŭnŭ kieh bisa dog sabah daya.

DITRONOMI 33:10

Ngara re ngajar daya Mai bada tunda Ukum-adat Mai; ngara re jugan sadis di mija-sambah Mai.

1 SAMUEL 12:21

Dŭhnyah tunda tapa tapa adi dŭh sawŭ; ngara dŭh dapŭd turung angān bait nyiramat angān, amai ngara dŭh sawŭ.

1 SAMUEL 2:12

Anak anak Eli inŭh daya adi ginaka. Ngara dŭh piduri TUHAN,