JEREMIAH 2:5 - Hakcipta - Biatah Bidayuh

⁵ TUHAN nang: “Ani anŭ adi yŭn tayung-babuk ngan nyarah Aku? Ani bada ngara bu tagan Aku? Ngara nyambah tibudo adi dŭh biguna ndŭg ka adŭp ngara jadi dŭh biguna.

JEREMIAH 2:5 ပူးပေါင်းရင်းမြစ်များ

2 RAJA 17:15

Ngara abah tunda ajar-I, ngara dŭh sita simanya adi Ayŭh muko ndai ngga tayung-babuk ngara, ka ngara dŭh piduri pinyibakan-I. Ngara nyambah tibudo adi au-tarun ka mbŭh jadi au-tarun adŭp ngara. Ngara tunda adat bangsa bangsa adi maning ngara, nyibireu pesan TUHAN adi nagah ngara ndai simŭnŭ.

MAZMUR 115:8

Isa-i sopŭrŭg adi ndai-i ka adi sabah dieh jadi keya ka tibudo adi ngara ndai.

ISAIAH 29:13

TUHAN nang, “Ngara ati nang adŭp-i nyambah aku, pak pinganang ngara au-tarun, ka atin ngara di tarun bŭkŭn. Adat ngara kaŭs-i atur ngga pingandai adat adŭ, adi ngara ingat.

ISAIAH 44:9

Sopŭrŭg ngara adi nyambah tibudo inŭh dŭh biguna, ka tapa tapa adi ngara muji inŭh au-tarun. Ngara adi nyambah tapa tapa anŭ inŭh karak ka dŭh mirati tarun; ngara re dog pimangŭh.

ISAIAH 46:12

“Dingah Aku, angān daya adi baking adi pikir pimanang gibabŭ jo.

JEREMIAH 10:8

Sopŭrŭg ngara budo ka bawa. Ani bisa ngara birajar so tibudo apŭg kayuh?

JEREMIAH 12:2

Kaam purun ngara, ka ngara piruat; ngara timbu ka buān. Ngara ari minyu kana pasar Kaam, pak ngara dŭh sawŭ piduri pasar Kaam.

JEREMIAH 14:22

Tibudo bangsa bangsa dŭh dapŭd bada andu ujen; rangit sadi adŭp-i dŭh dapŭd bada andu ujen. Kieh na pingarap ami darŭm tangan Mai, O TUHAN adi Tapa ami, sabab Kaam inŭh adi ndai sopŭrŭg kayuh anŭ.

JEREMIAH 2:31

Daya Israel, dingah kayuh adi Aku nang. Mbŭh kah Aku mun tarun tana-pajam di kuu, mun tarun tana adi karŭm buang rapā yŭn masam masam pinyusah? Mani, meh, kuu nang adŭp mu raan ndai kayuh nanyam raan asŭng adŭp mu, ka dŭh re pari ka Aku?

JEREMIAH 2:4

Dingah pinganang TUHAN, angān bara sesang Jacob, angān adi tibaran-asar Israel.

JEREMIAH 8:19

Dingah! Di ndi tarun tana rais aku dingah daya ku nyirais nang, “Mbŭh mating kah TUHAN di Zion? Mbŭh mating kah raja Zion diginŭ?” TUHAN, adi raja ngara, nam, “Mani angān kinuas Aku ngga pingandai ngan adi nyambah tibudo ka mutu ubak ngan ka tapa tapa saruh adi dŭh biguna?”

EZEKIEL 11:15

“Manusia,” Ayŭh nang, “bara daya adi rŭŭ di Jerusalem minyu pasar kuu ka pasar daya Israel adi samah bangsa ngga adŭp mu adi dog taran ka rais tami. Ngara nang, ‘Ngara adi dog taran mbŭh raru jo ka dŭh re tungang nyambah TUHAN. Ayŭh mbŭh nggen tarun tana ati di ata.’

EZEKIEL 14:5

Sopŭrŭg tibudo anŭ mbŭh pijo daya Israel so Aku, pak ngga pinyinam Ku Aku harap Aku tungang marik atin ngara pari ka Aku.

JONAH 2:8

Ngara adi nyambah tibudo adi dŭh biguna mbŭh tagan Kaam ka dŭh tia tŭtŭd.

MATTHEW 15:8

‘Bara daya ati, Tapa nang, kibās Aku ngga baba-i, pak atin-i sawŭ jo so Aku.

PINGANDAI 14:15

“Mani angān ndai kayuh ati? Kieh ati daya manusia mun angān! Kieh digiti kidaan Agah Kana, isa angān pasan kayuh ati adi dŭh biguna ka pari ka Tapa adi udip, adi napa rangit, ong, rawŭt, ka sopŭrŭg kayuh adi di darŭm-i.

ROME 1:21

Ngara nang adŭp-i puan Tapa, pak ngara dŭh nggen stabi di Ayŭh; dŭh gŭh ngara nggen trima kaseh di Ayŭh. Pak gŭt-i pikir-kira ngara mbŭh jadi au-tarun, ka pikir ngara adi mapung mbŭh jadi karŭm pipet.

DITRONOMI 32:21

Amai sabab tibudo ngara, ngara mbŭh bada Aku baji, Aku sina sabab tibudo adi ngara kadŭn tapa, tapa tapa adi dŭh sawŭ tapa. Jadi Aku re pakai bangsa adi dŭh sawŭ bangsa ngga bada ngara baji; Aku re bada ngara sina di bangsa adi budo.

1 SAMUEL 12:21

Dŭhnyah tunda tapa tapa adi dŭh sawŭ; ngara dŭh dapŭd turung angān bait nyiramat angān, amai ngara dŭh sawŭ.