JEREMIAH 2:34 - Hakcipta - Biatah Bidayuh

³⁴ Piraka mu bitameg ngga deya daya sirata ka deya daya adi dŭh biyŭn sarah, dŭh ngga deya pinaku adi dog nakap, “Pak sunggu-i mun anŭ,

JEREMIAH 2:34 ပူးပေါင်းရင်းမြစ်များ

2 RAJA 21:16

Manasseh siŭ bagŭ daya adi dŭh sarah ndŭg ka aran aran di Jerusalem mbŭh puno ngga deya; ayŭh ndai simŭnŭ buang-i taban daya Judah nyambah tibudo, ngga bada ngara bidosa rawan TUHAN.

2 RAJA 24:4

ka rabis-i sabab sopŭrŭg daya adi dŭh sarah adi-i ko siŭ. TUHAN dŭh dapŭd apun Manasseh amai sarah-i anŭ.

PINYIRUAH 22:1

“Kambŭi daya naku sapi puan kah biri ka siŭ puan kah jua-i, ayŭh dŭh siŭn dŭh gati ngga rimŭh pŭrŭng sapi yŭn ndi sapi ka pat pŭrŭng biri yŭn ndi biri.

PINYIRUAH 22:2

Ayŭh dŭh siŭn dŭh gati kayuh adi-i ko naku. Kambŭi ayŭh dŭh biyŭn ani ani, ayŭh dŭh siŭn dŭh dog jua jadi urun ngga gati kayuh adi-i ko naku. Kambŭi dāng adi dog naku, bait-i sapi, kaldi, puan kah biri, dog dapŭd babŭ udip darŭm tangan-i, ayŭh gati ngga duwŭh pŭrŭng yŭn ndi pŭrŭng. “Kambŭi ndi naan pinaku dog nakap darŭm-i mŭrŭt ramin singarŭm ka dog siŭ, sianŭ adi siŭ ayŭh dŭh sarah. Pak kambŭi kayuh ati jadi ngga jawa sandu, ayŭh sarah.

ISAIAH 57:5

Angān nyambah tapa tapa pimuah buang angān muas pinyiraan pŭrŭng ngan di ribo tŭngŭn tŭngŭn pirapu' ngan. Angān jugan anak anak ngan ndu sadis di tāng pibatuh sindŭk dau sungi.

ISAIAH 59:3

Angān mbŭh sarah amai angān kadong, ganas, ka siŭ daya.

ISAIAH 59:7

Angān ari bisatur yŭn kayuh adi arap, ka angān dŭh re nyikite ndai-i. Angān dŭh re ngāng siŭ daya adi dŭh sarah. Digiti diginŭ angān panu, angān pirusak ka nyirubuh,

JEREMIAH 19:4

Aku re ndai simŭnŭ sabab daya mbŭh tagan Aku ka mbŭh nyembar tarun ati ngga kraja ngara adi jugan sadis ka tapa tapa bŭkŭn; tapa tapa adi dŭh ngara bait tayung-babuk ngara, bait raja raja Judah puan. Ngara mbŭh ngisi tarun ati ngga deya daya adi dŭh sarah,

JEREMIAH 2:33

Kuu manŭn puan munki piripong ambai mu. Dayung adi siabo arap dapŭd gŭh birajar so kuu.

JEREMIAH 6:15

Mangŭh kah ngara ripas ngara ko ndai kayuh adi sipŭ anŭ? Dŭh, ngara taŭn dŭh mangŭh; raŭn ngara dŭh gŭh pandai marui bireh. Ngapŭi ngara re rabu mun ngara adi bŭkŭn adi mbŭh rabu. Kan Aku ngukum ngara, anŭ re pimungan ngara. Aku, adi TUHAN, mbŭh minyu.”

JEREMIAH 7:31

Darŭm Rubān Hinnom ngara mbŭh pijog ndi mija-sambah dŭn Topheth. Di tunduh mija-sambah anŭ ngara badang anak anak dari ngga anak anak dayung ngara, ndu sadis. Aku mating pesan ngara bada ndai simŭnŭ. Bŭn kayuh mun anŭ timbur darŭm pikir Ku.

JEREMIAH 7:6

Dŭh tia kinanyuh daya saruh, anak tumang, ka dayung uban. Dŭh tia siŭ daya adi dŭh sarah di tarun tana ati. Dŭh tia nyambah tapa tapa bŭkŭn, amai anŭ re pirabur angān.

JEREMIAH 8:12

Daya Ku, mangŭh kah angān ripas angān ndai kayuh adi sipŭ anŭ? Dŭh, angān manŭn dŭh mangŭh; raŭn ngan dŭh gŭh pandai marui bireh! Ngapŭi angān re rabu mun ngara adi bŭkŭn mbŭh rabu; kan Aku ngukum angān, anŭ re pimungan ngan. Aku, adi TUHAN, mbŭh minyu.

PUĀS 1:9

Pinyikais-i tungang dog kiris, pak ayŭh dŭh mbit piduri. Pinyirabu-i re bisā; mating daya re dapŭd nyaduh ayŭh. Pinganyu-i mbŭh manang, ka ayŭh sien mite masi so TUHAN.

PUĀS 4:14

Bara pinguru-i bigandon di aran mun daya karak. Piraka ngara bitameg ngga deya ndŭg ka mating daya raan tama ngara.

EZEKIEL 20:31

Ndŭg andu ati, angān jugan pinganggen anŭ, ka nyembar adŭp ngan ngga tibudo anŭ darŭm angān badang anak anak ngan ndu sadis ka tibudo. Komŭnŭ angān adi daya Israel babŭ mandŭg an siken pinyiraan Ku! Siragi Aku ati, adi TUHAN Raja, Tapa adi udip, Aku dŭh re nyibandar angān siken kayuh so Aku.

EZEKIEL 22:25

Bara pinguru mbŭh keya ka dudu singah nyidaong ripas-i mbŭh siŭ dangah-i. Ngara siŭ daya, tambit sopŭrŭg duit ngga buat-rata adi ngara dapŭd, ka bada bagŭ dayung jadi dayung uban.

EZEKIEL 23:45

Daya tŭnggŭn re nunggu ngara amai kraja tanggah ngara ka amai ngara siŭ daya. Ngara tanggah ka tangan ngara mbŭh bitameg bada deya.”

EZEKIEL 24:7

Darŭm kupo anŭ agi daya dog siŭ, pak deya-i dŭh babas di tana di yŭn-i bisa dog sukan dapu; deya anŭ babas di tunduh batuh.

EZEKIEL 9:9

Tapa nam, “Daya Israel ngga Judah mbŭh ndai dosa adi raru bās. Ngara inŭh pinyiŭ ka mbŭh ngisi Jerusalem ngga pingandai adi sarah. Ngara nang Aku, adi TUHAN, mbŭh tagan rais ngara ka nang Aku dŭh kiris ngara.