32 Mbŭh kah dayung bujang kambŭt pimakai mas-i, bait pingaten dayung kambŭt piraka adi nēn-i di tika sawan? Pak daya Ku mbŭh kambŭt Aku, ka mbŭh kambŭt Aku rabis tui so tungang dog kira.
Kan dayung anŭ muko nggen nok di dāng dāng-i, daya anŭ tambit ndi sisin mas adi raru brega ka na-i di undung dayung anŭ ka kasŭk gŭh duwŭh garang mas adi baga di tangan-i.
Laban kiris sisin di undung ka garang di tangan sude-i, ka agi gŭh dingah sude-i kidaan kayuh adi-i ko dingah so daya-gaji anŭ. Ayŭh di ka yŭn daya-gaji Abraham adi mijog ngga onta onta-i di bŭngŭn prigi,
Israel, angān mbŭh kambŭt Tapa adi pirupas angān ka adi mun darŭd batuh grindung angān. Tanŭ ka angān purun teya pirapu' ngga angān nyambah tapa saruh.
TUHAN nang, “Asi tapa tapa anŭ adi bada angān taru, ndŭg ka angān kadong ka kambŭt Aku? Sabab Aku mbŭh raru tui pajam kah angān mbŭh dŭh tia stabi di Aku?
Jerusalem gaŭn sabab kayuh adi TUHAN mbŭh ndai. ayŭh mbŭh keya ka pingaten dayung adi muko bisasat yŭn re sawan. Tapa mbŭh kibarui ayŭh ngga pinyiramat ka pimanang.
Bara daya adi arap anŭ abah nundok di Aku. Ngara baking ka babŭ ginaka, ka mbŭh nyambah ka bituan di tapa tapa bŭkŭn. Ngapŭi meh, ngara re jadi mun sinjang rajut anŭ adi mbŭh dŭh tia biguna.
Ayŭh mbŭh nang anŭ inŭh re pinŭbŭn mu. Anŭ inŭh kayuh adi Ayŭh mbŭh natu an ndai di tunduh mu sabab kuu mbŭh kambŭt Ayŭh ka mbŭh bisangan di tapa tapa kadong.
Pak daya Ku kambŭt Aku; ngara badang kimanyan ka tibudo. Ngara mbŭh sikak sikakong di aran adi ngara mien, ngara dŭh tia kadŭg aran adi amba; ngara panu di aran adi bayuh dog pirata.
Bŭn bangsa bŭkŭn nyambi tapa-i, sunggu tapa ngara dŭh sawŭ. Pak daya Ku mbŭh nyambi Aku, Tapa adi ko nggen stabi di ngara, ngga tapa adi dŭh dapŭd ndai ani ani yŭn ngara.
Agi sirŭŭn dog dingah di tibung tibung sandah, anŭ inŭh sirŭŭn daya Israel sien mite turung, sabab ngara mbŭh udip darŭm dosa ka mbŭh kambŭt TUHAN adi Tapa ngara.
Agi kada so daya mu siŭ daya sabab an dog ngupah. Agi adi sun anak duit so duit adi ngara nginjam di daya adi samah daya Israel ka jadi kaya darŭm ngara ndai simŭnŭ. Ngara mbŭh kambŭt Aku.” TUHAN Raja mbŭh minyu.
“Daya Israel mbŭh pijog istana, pak ngara mbŭh kambŭt Pinapa ngara. Daya Judah mbŭh pijog kupo kupo adi bikuta. Pak Aku re pait apui ngga sigot istana ka kupo kupo ngara.”
“Daya TUHAN jadi kaya, pak raru an birawan; ngara gamu ka badŭg ngga pinguman. ngara tagan Tapa adi Pinapa ngara, ka tirawan pinyikudip ngara adi bikuasa.
Ka aku kiris Kupo Kudus, anŭ inŭh Jerusalem adi bauh. Ayŭh mūn so shorga so Tapa, mbŭh dog ngatur ka dog sidia mun pingaten dayung re bidapŭd ngga banŭh-i.