22 Sunggu kuu bandar bandar ngu adŭp mu ngga sabun adi bake, Aku re babŭ kiris tameg sarah mu.
Jadi David nang, “Rŭŭ digiti garang ndŭg andu mbŭh ripuan, ka sipagi kuu bisa pari.” Jadi Uriah rŭŭ di Jerusalem andu anŭ ngga andu anŭ ndi.
Kaam re apun ka pijo dosa ku; Kaam re ngutos sopŭrŭg sarah adi aku mbŭh ndai.
Kambŭi Kaam ingat dosa ami, asi re dapŭd pirupas adŭp-i so dog ukum?
Kaam na dosa ami di sirung jawin Mai, dosa adi kieh sukan mbŭh Kaam kiris.
Aku kiris sopŭrŭg kayuh adi ngara ndai. Mating kayuh dŭh Aku kiris; dosa ngara dŭh dapŭd dog sukan so batŭh Ku.
TUHAN nang, “Daya Judah, dosa ngan mbŭh dog nuris ngga pen basi. Dosa ngan dog mŭŭt di atin ngan ngga pen itan ka dog mŭŭt di sikuh sikuh mija-sambah.
Jerusalem, musor arap so atin mu, isa kuu bisa dog nyiramat. Ndŭg sinde pikir mu puno ngga kayuh adi bidosa?
Ati inŭh kayuh adi TUHAN Raja nang: “Mbŭh payah inŭh kupo bara pinyiŭ anŭ! Kupo anŭ mbŭh keya ka priok adi bitagar bŭn dog pibisig. Tatad tatad dagin nyanyis dog tambit so darŭm-i, ka ndi mating gŭh dŭm.
“Dosa Israel ngga sarah-i agi dog nuris, ka rekod anŭ mbŭh nakit dog nyikŭn.
TUHAN, adi Tapa Israel, mbŭh bipayu, “Aku dŭh re kambŭt pingandai arap ngara.
“TUHAN ingat kayuh adi pinganyu ngara mbŭh ndai; Ayŭh kajŭn tipuh adi batur ngga-I ngukum ngara.