JEREMIAH 2:19 - Hakcipta - Biatah Bidayuh

¹⁹ Arap adŭp mu re ngukum kuu, ka urah mu adi tagan Aku re nunggu kuu. Kuu re puan munki masam sipŭ buang arap-i kuu tagan Aku, adi TUHAN Tapa mu, buang kuu mbŭh dŭh tia tŭtŭd di Aku. Aku, adi TUHAN Raja adi Bisa-pŭrŭg, mbŭh minyu.”

JEREMIAH 2:19 ပူးပေါင်းရင်းမြစ်များ

1 RAJA 18:18

“Aku dŭh pimito,” Elijah nam. “Kuu kidŭ-i. Kuu ngga sama mu. Kuu nyibireu pesan TUHAN ka nyambah tibudo Baal.

2 KRONIKEL 12:5

Shemaiah adi nabi di ka yŭn Raja Rehoboam ka bara pinguru Judah adi mbŭh tikuruk di Jerusalem bu mangān Shishak. Ayŭh nang di ngara, “Ati inŭh pinganang TUHAN di angān: ‘Angān mbŭh tagan Aku, jadi madin Aku mbŭh tagan angān ka darŭm tangan Shishak.’ ”

2 KRONIKEL 21:10

Edom mbŭh biyŭn pritah adŭp-i sadi ka dŭh tia di ribo Judah so nganŭ. Di darŭm tipuh anŭ gŭh, kupo Libnah gŭh rawan pritah, sabab Jehoram mbŭh tagan TUHAN, adi Tapa tayung babuk-i.

2 KRONIKEL 25:16

Diŭ so nabi anŭ kubo piminyu-i, Amaziah nang, “So sinde kieh bada kuu jadi tukang pitayan yŭn raja? Dŭh tia minyu, kambŭi dŭh aku bada kuu dog siŭ!” Nabi anŭ ko minyu, pak sibayuh anŭ ayŭh muko nang, “Madin aku puan nang Tapa mbŭh raan siŭ kuu sabab sopŭrŭg pingandai mu ati, buang kuu mbŭh nyibireu pinganang ku.”

MAZMUR 36:1

Dosa minyu ngga daya ginaka darŭm atin-i; ngara tirawan Tapa ka dŭh taru di Ayŭh.

PINYIRUAH 33:6

Jadi ripas ngara mbŭh bu so Darŭd Sinai, bara daya Israel mbŭh dŭh tia pakai mas ngga pirak.

PITAS 1:31

Jadi meh, angān re trima nasip adi situgu ngga kraja pingandai ngan, ka gŭh re kinyam serang kraja pingandai adŭp ngan anŭ.

PITAS 1:32

Daya adi gibayuh sukup puan ka mirati kayuh, kabŭs sabab ngara tirawan pinyibijak. Daya budo dog siŭ adŭp urah ngara adi dŭh raan mbit bat di kayuh.

PITAS 5:22

Dosa daya ginaka inŭh jarat. Ngara rakat di jarat dosa adŭp ngara.

ISAIAH 3:9

Pinganang ngara re dog adŭp ngara. Ngara ndai dosa ngga dŭh bisukan mun daya Sodom. Ngara mbŭh taban pinyirusag bada nyatŭk adŭp ngara.

ISAIAH 5:5

“Ati inŭh kayuh adi aku re ndai di teya anggor ku; aku re kadi buwang adi maning-i, nyirubuh sindung adi grindung-i, ka tandah dāng tarun man-i ka bidigang dieh.

ISAIAH 50:1

TUHAN nang, “Angān pikir Aku pibu daya Ku mun daya taran sawŭn-i? Diki meh garang surat sare anŭ? Angān pikir Aku jua angān mun daya jua anak anak-i bada jadi urun? Dŭh, angān bu jadi daya-takap sabab dosa ngan; angān dog taran sabab sarah adŭp ngan.

JEREMIAH 1:16

Aku re ngukum daya Ku sabab ngara mbŭh bidosa; ngara mbŭh tagan Aku, mbŭh jugan sadis sadis ka tapa bŭkŭn, ka mbŭh ndai tibudo ka nyambah-i.

JEREMIAH 13:22

Kambŭi kuu siken mani sopŭrŭg kayuh anŭ jadi di kuu; mani piraka mu tiratak ka mani kuu dog miragag. Puan meh nang anŭ mbŭh sabab dosa mu raru sipŭ.

JEREMIAH 2:17

Israel, kuu bada kayuh ati nyatŭk adŭp mu! Kuu tagan Aku, adi TUHAN Tapa mu, darŭm Aku kayak nyiruton kuu.

JEREMIAH 3:22

Pari, sopŭrŭg ngan adi mbŭh bu tagan TUHAN; Ayŭh re pibua angān ka bada angān tŭtŭd. Angān nang, “Sawŭ, kieh pari ka TUHAN, sabab Ayŭh inŭh Tapa ami.

JEREMIAH 4:18

Judah, kuu mbŭh bada kayuh anŭ nyatŭk adŭp mu so pimudip mu ngga kayuh adi kuu mbŭh ndai. Dosa adŭp mu mbŭh taban sangsara anŭ, ka-i mbŭh tabŭk atin mu.

JEREMIAH 5:22

Aku ati TUHAN; mani angān dŭh taru Aku? Mani angān dŭh kimŭtŭr di sirung jawin Ku? Aku na sumat ndu baat rawŭt, baat adi tatap adi dŭh rawŭt dapŭd mutas. Rawŭt bisa magā ka ndai girumbang, pak dŭh dapŭd mutas-i.

JEREMIAH 5:24

Angān bŭn bipikir re an stabi di Aku, sunggu Aku adi nggen ujen di tipuh jaya ngga ujen di tipuh bunga, ka nggen di angān tipuh ngatŭm barang sawa.

JEREMIAH 5:6

Anŭ inŭh sabab ngara re dog siŭ singah so tuān; kasong tarun so tarun tana-pajam re nyirigat nyiratak ngara, ka busing tarun adi mangah re panu mŭrŭt kupo kupo ngara. Kambŭi ngara anŭ ruah, ngara re dog nyirigat sabab dosa ngara raru bagŭ ka pari pari ngara tagan Tapa.

JEREMIAH 7:19

Pak sibatur-i, dŭh-i Aku adi ngara kandam. Ngara kandam adŭp ngara ndŭg ka adŭp ngara mangŭh.

JEREMIAH 8:5

Mani meh garang, daya Ku, angān bu tagan Aku ka dŭh pari ka Aku? Angān rakat di tibudo ngan ka abah pari ka Aku.

EZEKIEL 23:30

mbŭh bada kayuh ati jadi di kuu. Kuu jadi sundar yŭn bangsa bangsa ka nyembar adŭp mu ngga tibudo ngara.

EZEKIEL 39:24

Aku nggen di ngara kayuh adi ngara patut trima amai udip kais ngga udip ginaka ngara, ka Aku tagan ngara.”

HOSEA 11:7

Ngara garis an bu so Aku. Ngara re bagan mite turung amai dog pijera darŭm pimudip ngara, pak mating daya re pirupas ngara.

HOSEA 13:9

“Aku re siŭ angān, daya Israel! Asi re dapŭd turung angān?

HOSEA 14:1

Pari ka TUHAN adi Tapa ngan, daya Israel. Dosa ngan mbŭh bada angān sikak ka rabu.

HOSEA 4:16

Daya Israel baking mun kuda pinakan kaldi. Munki meh Aku re paan ngara mun biri di tarun tana kupai adi bayah?

HOSEA 5:5

Uap-sambuh daya Israel mbŭh manŭn ka mbŭh jadi taksi yŭn sarah ngara. Dosa ngara bada ngara sikak ka rabu, ka daya Judah rabu ayō ngara.

HOSEA 7:2

Bŭn ngara rada Aku re ingat sopŭrŭg pingandai arap anŭ; pak dosa ngara mbŭh marut ngara ndŭg ka Aku mbŭh kiris-i.”

HOSEA 9:1

Daya Israel, dŭh tia sita gawai ngan mun daya adat karŭm. Angān mbŭh nyipunok Tapa ngan ka mbŭh dŭh tŭtŭd di Ayŭh. Di ndi tarun tana angān mbŭh jua adŭp ngan keya ka sundar di tapa Baal ka mbŭh suka trima gandom adi ngga-i ngupah angān!

AMOS 8:10

Aku re bada andu gawai ngan jadi andu nyikubur ka bada ragu pawŭn ngan jadi ragu puās. Aku re bada angān gumbak ubok ngan ka nēn banang guni, ka angān re mun pimas ngurid anak tambŭ-i. Andu anŭ re pa'it ndŭg pinŭbŭn-i.

MICAH 1:5

Sopŭrŭg kayuh anŭ re jadi sabab daya Israel mbŭh bidosa ka birawan rawan Tapa. Asi meh adi dapu tanggong di pimudip Israel adi mun anŭ? Adŭp Samaria, adi sindŭ kupo! Asi meh adi dapu tanggong di pimudip Judah adi nyambah tibudo? Adŭp Jerusalem!

ZECHARIAH 7:11

“Pak daya Ku tangek ka abah dingah pinganang. Ngara mapot kajit isa ngara dŭh dingah

ROME 3:18

ka bŭn adŭ birajar taru di Tapa.”

AKIM 10:13

Pak angān gibabŭ tingge Aku ka nyambah tapa tapa bŭkŭn, jadi Aku dŭh re nyiramat angān dinge.