JEREMIAH 2:13 - Hakcipta - Biatah Bidayuh

¹³ amai daya Ku mbŭh ndai duwŭh dosa: ngara mbŭh tagan Aku, atak piin bisig, ka ngara mbŭh kareh pagong, pagong adi siret ka adi dŭh adŭ dapŭd nyikŭn piin.

JEREMIAH 2:13 ပူးပေါင်းရင်းမြစ်များ

2 RAJA 22:17

Ngara mbŭh tirawan Aku ka mbŭh jugan sadis ka tapa bŭkŭn, ka mbŭh kinuas Aku ngga sopŭrŭg kayuh adi ngara mbŭh ndai. Jerusalem mbŭh kinuas Aku, ka baji Ku dŭh re ko.

MAZMUR 36:9

Kaam inŭh atak sopŭrŭg udip, ka sabab jawa Mai kieh kiris jawa.

EKLISIASTIS 1:14

Aku mbŭh kiris bagŭ pingandai daya di ong, ka aku nang, sopŭrŭg-i dŭh biguna. Anŭ mbŭh keya ka tadak sabak.

EKLISIASTIS 1:2

Dŭh biyŭn rati, dŭh biguna, Philosopha nang. Udip dŭh biguna, sopŭrŭg-i dŭh biyŭn rati.

EKLISIASTIS 12:8

Sopŭrŭg anŭ dŭh biyŭn rati, nang Philosopha. Manŭn dŭh biyŭn rati.

EKLISIASTIS 2:11

Komŭnŭ aku bipikir pasar sopŭrŭg-i adi aku mbŭh ndai, ka munki masam bandar bandar aku nyiraja ngga pijadi-i, aku rada-i dŭh biyŭn rati. Kraja ku anŭ mbŭh au-tarun, keya ka tadak sabak.

EKLISIASTIS 2:21

Nŭŭh an dapŭd kayuh ka nyiraja pakai sopŭrŭg pinyibijak, pinyipuan, ka pimandai, ka komŭnŭ nŭŭh tingge sopŭrŭg-i di daya bŭkŭn adi dapŭd-i dŭh so ka turang udas adŭp-i. Mating rati-i, ka-i dŭh batur!

EKLISIASTIS 2:26

Tapa nggen pinyibijak, pinyipuan, ka pinyanang di ngara adi pimunos asŭng-I, pak Ayŭh bada daya bidosa nyiraja, trima gaji ngara ka nyikŭn duit, isa kayuh adi ngara dapŭd bisa dog nggen di ngara adi pimunos asŭng-I. Sopŭrŭg-i dŭh biyŭn rati, keya ka tadak sabak.

EKLISIASTIS 4:4

Aku gŭh mbŭh puan ani sabab daya bandar nyiraja yŭn dapŭd mujur: ngara sina di rasū ngara. Pak anŭ mating rati-i. Mbŭh keya ka tadak sabak.

ISAIAH 1:3

Sapi puan asi dapu ngara, ka kaldi puan diki tuan ngara paan ngara, pak daya Ku Israel dŭh puan. Ngara manŭn dŭh mirati!”

ISAIAH 1:4

Mbŭh payah inŭh angān, bangsa adi bidosa, angān daya adi mbŭh rusak ka arap! Dosa ngan mbŭh pirabu angān! Angān mbŭh tirawan TUHAN, adi Tapa kudus Israel, ka mbŭh nyipunok Ayŭh.

ISAIAH 12:3

Nimun piin bisig taban pinyigaŭn ka daya adi badŭh asŭng, simŭnŭ gŭh daya Tapa gaŭn kan Ayŭh nyiramat ngara.”

ISAIAH 5:13

ngapŭi meh angān re dog taban ngga bu jadi daya-takap. Bara pinguru ngan re sikirau ndŭg ka kabŭs, ka rayat re kabŭs amai badŭh asŭng.

ISAIAH 55:2

Mani miris kayuh adi dŭh pimunos asŭng? Mani nyiraja yŭn kayuh adi dŭh bada nŭŭh bisoh? Dingah Aku ka ndai kayuh adi Aku bada, ka angān re munos man pinguman adi siabo sidi.

ISAIAH 63:8

TUHAN nang, “Ngara inŭh daya Ku; ngara dŭh re nipu Aku.” Ngapŭi Ayŭh nyiramat ngara

JEREMIAH 1:16

Aku re ngukum daya Ku sabab ngara mbŭh bidosa; ngara mbŭh tagan Aku, mbŭh jugan sadis sadis ka tapa bŭkŭn, ka mbŭh ndai tibudo ka nyambah-i.

JEREMIAH 14:3

Daya kaya bada urun ngara di jiroh piin; ngara di ka prigi prigi, pak piin mating tia; ngara pari taban gabuk ngara engan. Asa buang riruk, ngara nutu jawin amai mangŭh.

JEREMIAH 15:6

Angān mbŭh tirawan Aku; angān mbŭh nyipunok Aku. Ngapŭi Aku pakat tangan Ku ka pirandŭk angān sabab Aku mbŭh reju nyijŭn baji Ku.

JEREMIAH 17:13

TUHAN, Kaam inŭh pingarap Israel; sopŭrŭg adi tagan Kaam re dog pimangŭh. Ngara re miyap mun dŭn dŭn daya adi dog nuris di runas, sabab ngara mbŭh tagan Kaam, adi TUHAN, adi atak piin adi nggen udip.

JEREMIAH 18:14

Mbŭh kah salju miyap so darŭd batuh Lebanon? Mbŭh kah anak anak sungi-i adi madud anŭ badŭh?

JEREMIAH 19:4

Aku re ndai simŭnŭ sabab daya mbŭh tagan Aku ka mbŭh nyembar tarun ati ngga kraja ngara adi jugan sadis ka tapa tapa bŭkŭn; tapa tapa adi dŭh ngara bait tayung-babuk ngara, bait raja raja Judah puan. Ngara mbŭh ngisi tarun ati ngga deya daya adi dŭh sarah,

JEREMIAH 2:11

Bŭn bangsa bŭkŭn nyambi tapa-i, sunggu tapa ngara dŭh sawŭ. Pak daya Ku mbŭh nyambi Aku, Tapa adi ko nggen stabi di ngara, ngga tapa adi dŭh dapŭd ndai ani ani yŭn ngara.

JEREMIAH 2:17

Israel, kuu bada kayuh ati nyatŭk adŭp mu! Kuu tagan Aku, adi TUHAN Tapa mu, darŭm Aku kayak nyiruton kuu.

JEREMIAH 2:26

TUHAN nang, “Nimun pinaku dog pimangŭh kan-i dog nakap, simŭnŭ inŭh sopŭrŭg ngan daya Israel samŭn raja raja ngan ngga bara pinurung ngan, imam imam ngga bara nabi ngan.

JEREMIAH 4:22

TUHAN nang, “Daya Ku inŭh budo; ngara dŭh puan Aku. Ngara mbŭh keya ka bara anak-sŭ adi budo; ngara dŭh biyŭn atin mirati. Ngara sukup pandai ndai kayuh adi arap, pak dŭh pandai ndai kayuh adi kana.”

JEREMIAH 5:26

“Daya adi ndai kayuh adi arap rŭŭ bigaur ngga daya Ku; ngara keya ka daya adi tŭŭn jarat ngga nakap manuk, pak ngara mbŭh tŭŭn jarat adi ngga nakap manusia.

JEREMIAH 5:31

Sopŭrŭg kayuh adi bara nabi nang inŭh pinganang kadong; bara imam mritah so ka pesan bara nabi anŭ, ka daya Ku mating matah. Pak ani re ngara ndai kan sopŭrŭg-i mungan?”

EZEKIEL 14:5

Sopŭrŭg tibudo anŭ mbŭh pijo daya Israel so Aku, pak ngga pinyinam Ku Aku harap Aku tungang marik atin ngara pari ka Aku.

EZEKIEL 47:1

Daya anŭ taban aku pari ka tiban mŭrŭt Ramin TUHAN. Piin agi ruah so ribo tiban mŭrŭt ka aman nuju timor, parad adi Ramin TUHAN nura. Piin anŭ aman so ribo parad ka siratan Ramin TUHAN murah parad ka siratan mija-sambah.

MICAH 2:8

TUHAN nam, “Angān nyerang daya Ku mun pinganyu. Bara dari mari so yŭn biperang, pikir adŭp ngara siramat di ramin, pak diginŭ angān kajŭn yŭn re naku piraka adi ngara nēn.

MICAH 6:3

TUHAN nang, “Daya Ku, ani anŭ adi mbŭh Ku ndai di angān? Munki Aku mbŭh nyusah pimudip ngan? Nam Aku.

ZECHARIAH 13:1

“Kan tika anŭ mbŭh mandŭg,” nang TUHAN Bisa-pŭrŭg, “ndi sumbur piin re dog kuka ngga pibisig sesang sesang David ka daya Jerusalem so dosa ngara ngga pimudip ngara adi nyambah tibudo.

JOHN 4:10

Jesus nam, “Kambŭi kuu puan ani adi Tapa nggen, ka asi Ayŭh adi mite nok so kuu, kuu manŭn re an mite, ka Ayŭh gŭh taŭn re an nggen di kuu piin adi nggen udip.”

JOHN 4:11

“Tuan,” dayung anŭ nang, “Kaam dŭh biyŭn bradi, ka prigi ati meh tŭrŭp. So ki Kaam re dapŭd piin anŭ adi nggen udip?

JOHN 4:14

pak ngara adi nok piin adi Aku nggen, asŭng-i dŭh re tia badŭh. Piin adi Aku nggen di ngara agi keya ka atak piin adi nggen udip, ka adi nggen udip adi sawŭ adi tan adu adu.”

JOHN 7:37

Di sikasŭn andu gawai, andu adi rabis biguna darŭm tipuh gawai anŭ, Jesus mijog ka nang ngga sirŭŭn bana, “Asi asi adi badŭh asŭng-i patut mandŭg ka Aku di nok.

DITRONOMI 31:16

TUHAN nang di Moses, “Kuu dŭm dŭh tui re kabŭs, ka ripas pinyikabŭs mu bara daya re dŭh tia tŭtŭd di Aku ka miranggar simanya adi Aku muko ndai ngga ngara. Ngara re tagan Aku ka nyambah tapa tapa adi dog nyambah di tarun tana adi ngara re ngisi.

2 PETER 2:17

Ngara anŭ agi keya ka anak atak piin adi badŭh, mun abun adi dog poh sabak ribut; Tapa mbŭh sidia tarun yŭn ngara di darŭm karŭm pipet.

PINANDŬNG 21:6

Ka Ayŭh nang, “Mbŭh kamas! Aku ati adi sibungas ngga adi sikasŭn, adi puun ngga adi pimungan. Di ngara adi aus Aku re nggen piin nok adi mandŭg so atak piin adi nggen udip, dŭh bibayar.

PINANDŬNG 22:1

Malaikat anŭ gŭh kiren di aku sungi adi nggen piin udip, adi bringam mun kristal. Piin anŭ aman so takta Tapa ngga takta Anak Biri

PINANDŬNG 22:17

Roh Kudus ngga Pingaten Dayung nang, “Mandŭg!” Barang naan adi dingah anŭ dŭh siŭn dŭh gŭh nang, “Mandŭg!” Mandŭg, asi asi adi aus; kambat meh pinganggen ati, piin adi nggen udip, tadŭ tadŭ angān adi raan.

AKIM 10:13

Pak angān gibabŭ tingge Aku ka nyambah tapa tapa bŭkŭn, jadi Aku dŭh re nyiramat angān dinge.

1 SAMUEL 12:10

Komŭnŭ ngara bagan ka TUHAN mite turung ka nang, ‘Kieh mbŭh bidosa, sabab kieh nyipunok kaam, TUHAN, ka nyambah tibudo Baal ngga Astart. Pirupas kieh so pinganyu ami, ka kieh re nyambah Kaam!’