JEREMIAH 19:8 - Hakcipta - Biatah Bidayuh

⁸ Aku re bada pinyirusag adi bisā nyatŭk kupo ati ndŭg ka daya adi murah re gŭgŭh ka nginga.

JEREMIAH 19:8 ပူးပေါင်းရင်းမြစ်များ

1 RAJA 9:8

Ramin ati re jadi tugung rakang tibawang, ka barang naan daya adi murah re gŭgŭh buang nginga. ‘Mani TUHAN ndai simŭnŭ di tarun tana ngga di Ramin ati?’ ngara re siken.

JEREMIAH 18:16

Ngara mbŭh bada tarun tana ati jadi kayuh adi pitaru, jadi kayuh adi dog ngamun adu adu. Sopŭrŭg adi murah re gŭgŭh bada kayuh adi ngara kiris; ngara re kuting ubak ngara amai inga inga.

JEREMIAH 25:18

Jerusalem ngga sopŭrŭg kupo kupo Judah, samah ngga raja raja ka bara pinguru ngara, dog bada nok so dieh, isa ngara jadi keya ka tarun tana-pajam, kayuh adi sipŭ ka adi gŭgŭh daya kiris, ka isa daya pakai dŭn ngara ndu pangu, nimun adi mbŭh ngara ndai ndŭg andu ati.

JEREMIAH 49:13

Adŭp Ku mbŭh bipayu nang kupo Bozrah re jadi tarun tana-pajam ka kayuh adi tikŭnŭd daya kiris; daya re tawŭh-i ka pakai dŭn-i ndu pangu. Sopŭrŭg anak kupo maning anŭ re rubuh ka adu adu nyibawang. Aku, adi TUHAN, mbŭh minyu.”

JEREMIAH 50:13

Sabab baji Ku mating daya re rŭŭ di Babylon; Babylon re dog tingge nyibawang, ka sopŭrŭg adi murah-i re gŭgŭh ka inga inga.

EZEKIEL 27:36

Kuu mbŭh miyap, re mating adu adu, ka bara daya dagang di ndi ong ong mbŭh raru taru, taru adŭp ngara sua mun kuu.”

LEVITICUS 26:32

Aku re kubo pirusak tana ngan ndŭg ka bara pinganyu adi ngisi-i re gŭgŭh kiris pinyirusak-i.

MICAH 6:16

Kayuh ati re jadi sabab angān tunda suto danding adi arap so Raja Omri ngga anak-i, Raja Ahab. Angān pijuu atur adi ngara mbŭh pimanu, ka anŭ sabab Aku re pirabur angān, ka sopŭrŭg daya re ngamun angān. Daya di barang yŭn re tiru di angān.”

ZEPHANIAH 2:15

Anŭ inŭh kayuh adi re jadi di kupo adi ngangŭn kuasa-i ka pikir adŭp-i siramat. Daya darŭm kupo anŭ pikir kupo anŭ kupo adi siabo bās di ong. Munki masam pajam tarun anŭ re, tarun adi re yŭn dāng dāng tarun rŭŭ! Barang naan daya adi murah anŭ re bu tikŭnŭd.

DITRONOMI 28:37

Di rais adi yŭn TUHAN re bada angān papar sasah, bara daya re gŭgŭh kiris kayuh adi mbŭh jadi di angān; ngara re napat angān ka tawŭh angān.

DITRONOMI 29:22

“Di bara turap adi re, sesang sesang ngan ngga bara pinami adi mandŭg so tarun tana adi jo re kiris pinyirusag ngga sangsara adi TUHAN mbŭh taban ka tarun tana ngan.