JEREMIAH 18:21 - Hakcipta - Biatah Bidayuh

²¹ Pak madin, TUHAN, tandah anak anak ngara kabŭs sikirau; tandah ngara dog siŭ darŭm perang. Tandah bara dayung ngara dŭh biyŭn banŭh ngga anak, amai mbŭh abo kabŭs. Tandah bara dari ngara kabŭs mandam ka dari adi mara dog siŭ darŭm perang.

JEREMIAH 18:21 ပူးပေါင်းရင်းမြစ်များ

2 KRONIKEL 36:17

Jadi TUHAN bada raja Babylonia nyerang ngara. Raja Babylonia siŭ bara dari Judah adi mara, di darŭm Ramin TUHAN ani. Ayŭh dŭh biyŭn masi di tadŭ tadŭ daya, mara bait tuuh, dari bait dayung, mandam bait dŭh mandam. Tapa nyerah sopŭrŭg ngara di ayŭh.

MAZMUR 63:10

Ngara re dog siŭ darŭm biperang, ka tadang ngara dog man kasong tarun.

MAZMUR 63:11

Sabab Tapa nggen di ngara pimanang, raja re gaŭn. Ngara adi bijanji ngga adŭn Tapa re muji Ayŭh, pak baba bara pingadong re dog mapot.

PINYIRUAH 22:24

ka Aku re baji ka siŭ angān darŭm perang. Sawŭn ngan re uban, ka anak ngan re tumang.

ISAIAH 13:18

Ngga bawŭh ka reja-panah ngara siŭ daya adi mara. Ngara dŭh masi di anak-pira bait anak-sŭ.

ISAIAH 9:16

Daya adi nguru ngara kinanyap ngara ka bada ngara riruk.

ISAIAH 9:17

Ngapŭi TUHAN dŭh re bada tadŭ tadŭ so daya adi mara rupas, ka Ayŭh dŭh re masi di tadŭ tadŭ dayung uban ngga anak tumang, sabab sopŭrŭg daya inŭh daya adi dŭh stabi di Tapa buang ginaka, ka barang masam kayuh adi ngara nang inŭh arap. Pak sunggu mŭnŭ, baji TUHAN dŭh re ko, ka babŭ pakat tangan-I re ngukum.

JEREMIAH 12:3

Pak, TUHAN, Kaam puan aku; Kaam kiris pingandai ku, ka munki masam aku rindu Kaam. Tarik ngara adi arap anŭ ngga bu mun biri adi re dog siŭ; nguan ngara ndŭg tika adi ngga ngara dog ninong.

JEREMIAH 14:16

Daya adi dingah pinganang ngara re dog siŭ mun anŭ gŭh. Tadang ngara re dog taran di aran aran di Jerusalem, ka mating daya adi re tukang kubur ngara. Kayuh anŭ re jadi di sopŭrŭg ngara, sawŭn ngara, anak anak dari ngara, ngga anak anak dayung ngara. Aku re bada ngara dapu tanggong udip ginaka ngara.”

JEREMIAH 15:7

Di barang kupo di tarun tana ati Aku taran angān di sabak mun siriyang. Aku pirabur angān, daya Ku Aku siŭ anak anak ngan sabab angān dŭh pirŭŭ pimudip arap ngan.

JEREMIAH 15:8

Dayung uban rabis bagŭ di rais ngan so sirah sumat di pang rawŭt. Aku siŭ dari dari ngan adi mara adi piaŭn ka bada sindŭ sindŭ ngara sangsara. Aku nyirŭgŭh nyerang ngara ngga pinyusah ndŭg ka ngara mbŭh taru buang sera susah.

JEREMIAH 50:30

Ngapŭi bara dari-i adi mara re dog siŭ di aran aran kupo, ka sopŭrŭg soldadu-i re dog siŭ di andu anŭ. Aku, adi TUHAN, mbŭh minyu.

JEREMIAH 9:21

Pinyikabŭs mbŭh mŭrŭt so pinjan ta ka mŭrŭt istana ta; pinyikabŭs mbŭh siŭ anak-sŭ di aran raya ka bara dari adi mara di passar.

PUĀS 1:15

“TUHAN tirawan sopŭrŭg soldadu ku adi siabo bake; Ayŭh pait ndi tibaran bara soldadu bada pirabur bara dari ku adi mara. Ayŭh pirandŭk daya ku mun daya mŭ buwa anggor.

PUĀS 5:3

Sama ami mbŭh dog siŭ pinganyu, ka madin sindŭ ami jadi dayung uban.

EZEKIEL 16:38

Aku re nunggu kuu amai tanggah mu ka amai kuu mbŭh siŭ daya, ka darŭm baji Ku Aku re ngukum kuu ngga pinyikabŭs.

EZEKIEL 22:25

Bara pinguru mbŭh keya ka dudu singah nyidaong ripas-i mbŭh siŭ dangah-i. Ngara siŭ daya, tambit sopŭrŭg duit ngga buat-rata adi ngara dapŭd, ka bada bagŭ dayung jadi dayung uban.

AMOS 4:10

“Aku pait sesak-andam ka angān mun anŭ adi Aku pait ka daya Egypt. Aku siŭ bara dari ngan adi mara darŭm perang ka tambit kuda ngan. Aku ngisi undung ngan ngga buuh so tadang adi madam di tarun yŭn ngan bibari. Babŭ gŭh angān dŭh pari ka Aku.

DITRONOMI 32:25

Perang re taban pinyikabŭs di aran aran raya; pinyitaru re nyatŭk ramin arŭn daya. Dari dayung adi babŭ mara re kabŭs; anak pira ngga nyamba nyamba dŭh re dog murau.

2 TIMOTHY 4:14

Alexander adi tukang basi agi ndai pinyusah bās di tunduh aku. Tuhan re maras ayŭh nanyam pingandai-i.

1 SAMUEL 15:33

Samuel nang, “Nimun pedang mu mbŭh bada bagŭ sindŭ daya dŭh biyŭn anak, simŭnŭ inŭh sindŭ mu madin re dŭh biyŭn anak.” Ka ayŭh japa Agag bada prisupek di jawin mija-sambah di Gilgal.