JEREMIAH 18:16 - Hakcipta - Biatah Bidayuh

¹⁶ Ngara mbŭh bada tarun tana ati jadi kayuh adi pitaru, jadi kayuh adi dog ngamun adu adu. Sopŭrŭg adi murah re gŭgŭh bada kayuh adi ngara kiris; ngara re kuting ubak ngara amai inga inga.

JEREMIAH 18:16 ပူးပေါင်းရင်းမြစ်များ

1 RAJA 9:8

Ramin ati re jadi tugung rakang tibawang, ka barang naan daya adi murah re gŭgŭh buang nginga. ‘Mani TUHAN ndai simŭnŭ di tarun tana ngga di Ramin ati?’ ngara re siken.

2 KRONIKEL 29:8

Sabab anŭ TUHAN mbŭh baji di Judah ngga Jerusalem, ka kayuh adi-I mbŭh ndai di tunduh ngara mbŭh bada sopŭrŭg daya gŭgŭh ka taru.

MAZMUR 109:25

Kan daya kiris aku, ngara tawŭh aku; ngara kuting ubak ngamun aku.

MAZMUR 22:7

Sopŭrŭg adi kiris aku mijŭh aku; ngara nyirimbe ka kuting ubak-i.

MAZMUR 44:14

Kaam mbŭh bada kieh jadi kayuh rubi di dupan bangsa bangsa; ngara kuting ubak ngara ngga tiru.

ISAIAH 37:22

TUHAN mbŭh nang, “Kupo Jerusalem tawŭh kuu, Sennacherib, ka ngamun kuu.

ISAIAH 6:11

Aku siken, “Ndŭg sinde kayuh ati re mun ati, TUHAN?” Ayŭh nam, “Ndŭg ka kupo kupo mbŭh rubuh ka mating ani ani dieh, ndŭg ka ramin ramin mbŭh mating daya rŭŭ dieh, ndŭg ka tarun tana anŭ mbŭh jadi tarun adi pajam.

JEREMIAH 19:8

Aku re bada pinyirusag adi bisā nyatŭk kupo ati ndŭg ka daya adi murah re gŭgŭh ka nginga.

JEREMIAH 25:9

‘Aku re bagan sopŭrŭg daya di utara samŭn urun Ku, Raja Nebuchadnezzar so Babylonia. Aku re bada ngara rawan Judah ngga sopŭrŭg adi rŭŭ dieh samŭn bangsa bangsa adi rŭŭ maning-i. Aku re pirabur bangsa ati samŭn ngara adi maning-i ka tandah-i adu adu jadi tibawang. Anŭ re kayuh adi sipŭ ka adi gŭgŭh daya kiris. Aku, adi TUHAN, mbŭh minyu.

JEREMIAH 29:18

Aku re tadak ngara ngga perang, udip sikirau, ka andam, ka sopŭrŭg bangsa di ong re taru kan ngara kiris pimudip ngara. Di barang yŭn Aku bada ngara papar sasah, daya re gŭgŭh ka taru kiris kayuh adi jadi di ngara. Daya re napat ngara ka pakai dŭn ngara ndu pangu.

JEREMIAH 42:18

“TUHAN, adi Tapa Israel, nang, ‘Nimun baji bangok Ku mbŭh nyatŭk daya Jerusalem, simŭnŭ inŭh bangok Ku re nyatŭk angān kambŭi angān di ka Egypt. Angān re tikŭnŭd daya kiris; daya re ngamun angān ka pakai dŭn ngan ndu pangu. Angān re dŭh tia kiris tarun yŭn ati dinge.’ ”

JEREMIAH 44:12

Ka bara daya Judah adi babŭ di Judah ka adi mbŭh bigŭtŭ an di ka rŭŭ di Egypt, Aku re manŭn re pirabur ngara. Sopŭrŭg ngara, adi bās ngga adi sŭ, re kabŭs di Egypt, darŭm perang bait sabab sikirau. Ngara re jadi kayuh adi tikŭnŭd daya kiris; daya re ngamun ngara ka pakai dŭn ngara ndu pangu.

JEREMIAH 48:27

Moab, ingat munki kuu tawŭh daya Israel? Kuu bada ngara mun daya adi dog nakap samah ngga bara pirupak.

JEREMIAH 49:13

Adŭp Ku mbŭh bipayu nang kupo Bozrah re jadi tarun tana-pajam ka kayuh adi tikŭnŭd daya kiris; daya re tawŭh-i ka pakai dŭn-i ndu pangu. Sopŭrŭg anak kupo maning anŭ re rubuh ka adu adu nyibawang. Aku, adi TUHAN, mbŭh minyu.”

JEREMIAH 49:17

TUHAN nang, “Pinyirusag adi re nyatŭk Edom re raru bisā ndŭg ka barang naan daya adi murah-i re gŭgŭh ka taru.

JEREMIAH 50:13

Sabab baji Ku mating daya re rŭŭ di Babylon; Babylon re dog tingge nyibawang, ka sopŭrŭg adi murah-i re gŭgŭh ka inga inga.

JEREMIAH 51:37

Rais anŭ re jadi tugung rakang tibawang di yŭn dāng tarun rŭŭ. Rais anŭ re jadi kayuh adi tikŭnŭd daya kiris; mating daya re rŭŭ diginŭ, ka sopŭrŭg adi kiris-i re taru.

JEREMIAH 51:43

Kupo kupo mbŭh jadi kayuh adi tikŭnŭd daya kiris ka mbŭh keya ka tarun tana-pajam adi dŭh biyŭn piin, di yŭn daya mating rŭŭ bait bigandon dieh.

JEREMIAH 9:11

TUHAN nang, “Aku re bada Jerusalem jadi tugung rakang tibawang, tarun yŭn kasong tarun rŭŭ; kupo kupo Judah re jadi tarun tana-pajam, tarun adi dŭh daya yŭn rŭŭ.”

PUĀS 1:12

“Tingga aku!” ayŭh nyirais nang di barang naan adi murah. “Gi-mating daya kinyam sangsara mun jaku, Sangsara adi TUHAN mbŭh bada nyatŭk aku darŭm-I baji.

EZEKIEL 12:19

Kidaan di barang naan daya bangsa Israel nang ati inŭh agah so TUHAN Raja yŭn daya Jerusalem adi gibabŭ rŭŭ di tarun tana ngara: ngara re kimŭtŭr kan ngara man ka nitet amai taru kan ngara nok. Tarun tana ngara re dog pirabur ka jadi matung, sabab barang naan adi rŭŭ diginŭ mbŭh miranggar ukum-adat.

EZEKIEL 27:36

Kuu mbŭh miyap, re mating adu adu, ka bara daya dagang di ndi ong ong mbŭh raru taru, taru adŭp ngara sua mun kuu.”

EZEKIEL 36:3

“Minyu-binabi, ka komŭnŭ, nggen puan kayuh adi Aku, adi TUHAN Raja, nang. Kan bangsa bangsa adi sindŭk sirabut ka pirinda darŭd darŭd Israel, sopŭrŭg ngara ngamun Israel.

EZEKIEL 6:14

Sawŭ, Aku re pakat tangan Ku ka pirabur rais ngara. Aku re bada-i jadi tarun tana-matung so tarun tana-pajam di siratan ndŭg kupo Riblah di utara, dŭh kidŭm tadŭ tarun adi yŭn daya Israel rŭŭ. Komŭnŭ barang naan daya re puan Aku ati TUHAN.”

LEVITICUS 26:32

Aku re kubo pirusak tana ngan ndŭg ka bara pinganyu adi ngisi-i re gŭgŭh kiris pinyirusak-i.

LEVITICUS 26:43

Pak diŭ so anŭ, rais anŭ dŭh siŭn dŭh dog kangan so daya adi rŭŭ dieh, isa-i bisa rŭŭ-paya ngga sukup, ka ngara dŭh siŭn dŭh trima ukum ngga sukup-i amai mbŭh tirawan ukum-adat ngga pesan Ku.

MICAH 6:16

Kayuh ati re jadi sabab angān tunda suto danding adi arap so Raja Omri ngga anak-i, Raja Ahab. Angān pijuu atur adi ngara mbŭh pimanu, ka anŭ sabab Aku re pirabur angān, ka sopŭrŭg daya re ngamun angān. Daya di barang yŭn re tiru di angān.”

MATTHEW 27:39

Daya adi murah kuting ubak ngara ka bakit Jesus:

MARK 15:29

Bara daya adi murah kuting ubak buang bakit Jesus: “Bah meh! Kuu nang adŭp Mu re nyirubuh Ramin Tuhan ka pijog-i darŭm taruh andu!

DITRONOMI 28:59

Ayŭh re pait ka angān, ngga sesang ngan, barang masam andam adi dŭh tikuri ngga sesak-andam adi dŭh bisa dog pirŭŭ.

DITRONOMI 29:23

Tana ŭmŭh ngan re matung, dog nutu mirirang ka garo; mating kayuh bisa dog purun, ndŭg ka uduh abah gŭh timbu dieh. Tarun tana ngan re keya ka kupo Sodom, kupo Gomorrah, kupo Admah ngga kupo Zeboiim, adi TUHAN ko pirabur kan-I mbŭh raru baji.