JEREMIAH 18:12 - Hakcipta - Biatah Bidayuh

¹² Ngara re nam, ‘Re ngga mani? Kieh re babŭ baking ka arap mun adi mbŭh.’ ”

JEREMIAH 18:12 ပူးပေါင်းရင်းမြစ်များ

TIBIRIK 6:5

Kan TUHAN kiris munki masam ginaka-i manusia di ong ka munki masam pikir-kira ngara mbŭh adu adu arap,

TIBIRIK 8:21

Tapa mbŭh raru munos asŭng-I kan-I kadŭk dagŭn sadis anŭ, ka-i nang di adŭp-I, “Dŭh Aku re tia mangu ong sitagar kraja pingandai manusia; Aku puan so andu ngara gi-sŭ mara pikir-kira ngara taŭn mbŭh arap. Aku dŭh re tia pirusak tadŭ tadŭ kayuh adi udip, mun ati.

2 RAJA 6:33

Bayuh abo pinganang-i, kan raja mbŭh mandŭg ka nang, “TUHAN inŭh adi taban pinyusah ati ka ata! Re ngga mani aku sah tia kajŭn Ayŭh ndai kayuh?”

ISAIAH 57:10

Angān pirarah adŭp ngan jiroh tapa tapa bŭkŭn, pak angān dŭh jŭk. Angān pikir tibudo tibudo ngan adi sembar anŭ nggen di angān pinyibake adi bada angān dŭh bisa jadi ramah.

ISAIAH 65:2

Aku mbŭh ari sidia an kambat daya Ku, adi baking buang ngandŭ ndai kayuh adi sarah ka tunda pinyiraan adŭp-i.

JEREMIAH 11:8

Pak ngara abah dingah bait tunda pinganang Ku. Ngara tanŭ ka baking buang arap mun adi mbŭh. Aku mbŭh pesan ngara bada sita simanya anŭ, pak ngara abah. Jadi Aku pait ka ngara sopŭrŭg ukum adi dog nyabŭt darŭm simanya anŭ.”

JEREMIAH 16:12

Ka angān mbŭh ndai kayuh adi rabis arap so adi mbŭh tayung-babuk ngan ndai. Sopŭrŭg ngan baking buang arap, ka angān abah dingah pinganang Ku.

JEREMIAH 2:25

Israel, dŭhnyah pijera kaja mu, dŭhnyah bada gungong mu badŭh tadak tapa bŭkŭn. Pak kuu nang, ‘Dŭh! aku dŭh bisa pari. Aku mbŭh rindu tapa tapa bŭkŭn ka aku re tudu ngara.’ ”

JEREMIAH 23:17

Di daya adi abah dingah pinganang Ku, ngara ari nang ngara re siramat. Ka ngara kidaan di barang naan daya adi baking nang pinyirusag dŭh re dog ngara.”

JEREMIAH 3:17

Kan tika anŭ mandŭg, Jerusalem re dog kadŭn ‘Takta TUHAN’, ka sopŭrŭg bangsa re tikuruk diginŭ nyambah Aku. Ngara re dŭh tia ndai kayuh adi atin tangek ngga atin arap ngara bada ngara ndai.

JEREMIAH 44:17

Kieh re ndai sopŭrŭg anŭ adi kieh nang re ndai. Kieh re jugan sadis ka tapa ami, Rani Shorga, ka kieh re jugan sadis wain ka ayŭh, nimun adi mbŭh ami ngga tayung-babuk ami, raja ami ka pinguru ami ari ndai di kupo kupo di Judah ka di aran aran di Jerusalem. Komŭnŭ kieh re biyŭn bagŭ pinguman, kieh re udip mujur, ka dŭh biyŭn pinyusah.

JEREMIAH 6:17

Komŭnŭ TUHAN tijuan daya adi tukang jaga bada nyiringa jawŭn trompet adi nggen tandā. Pak ngara nang, “Kieh dŭh re nyiringa.”

JEREMIAH 7:24

Pak ngara dŭh dingah pinganang ka dŭh mbit piduri. Tanŭ ka ngara ndai barang ka mun kayuh nanyam ka pinyiraan atin baking ngga atin arap ngara, ka jadi rabis arap so adi mbŭh.

EZEKIEL 37:11

Tapa nang di aku, “Manusia, daya Israel inŭh keya ka turang turang anŭ. Ngara nang adŭp ngara mbŭh pisŭk, ngga mating pingarap ka dŭh biyŭn pimudip adi re.

MALACHI 3:14

Angān mbŭh nang, ‘Dŭh-i biguna nŭŭh bituan di Tapa. Ani utung-i nŭŭh ndai kayuh adi-I bada nŭŭh ndai, bait suba kiren di TUHAN Bisa-pŭrŭg nŭŭh nyesar amai kayuh adi nŭŭh mbŭh ndai?

LUKE 1:51

Ayŭh mbŭh ton tangan-I adi bikuasa ka mesak bara adi miruap samŭn sopŭrŭg atur-pinyiraan ngara.

DITRONOMI 29:19

Nakit ingat, dŭh siŭn agi andu ati digiti daya adi dingah gaya atur anŭ, pak sabah nang adŭp-i dŭh re mani mani kambŭi ngga atin baking-i tunda aran adŭp-i sadi. Kraja adi mun anŭ re pirusak sopŭrŭg ngan, adi kana ngga adi arap.