JEREMIAH 18:11 - Hakcipta - Biatah Bidayuh

¹¹ Madin, kidaan di daya Judah ka di daya Jerusalem nang Aku mbŭh bisatur an rawan ngara ka mbŭh re sidia an ngukum ngara. Kidaan di ngara bada dŭh tia udip bidosa, ka ngubah aran pimudip ngara samŭn kayuh kayuh adi ngara ndai.

JEREMIAH 18:11 ပူးပေါင်းရင်းမြစ်များ

TIBIRIK 11:7

Ja ata mūn di ngarut piminyu ngara isa ngara dŭh mirati dingan-i.”

1 RAJA 22:23

Ka Micaiah kubo pinganang-i: “Ati kayuh adi mbŭh jadi. TUHAN mbŭh bada bara nabi mu kadong kuu. TUHAN mbŭh natu kuu re dog nyatŭk pinyirusag!”

2 RAJA 17:13

TUHAN mbŭh pait bara pinyisung-I ngga bara nabi bada bakan Israel ngga Judah: “Dŭh tia udip ginaka pak tunda pesan Ku, adi agi darŭm Ukum-adat adi Aku muko nggen di tayung-babuk ngan ka adi Aku mbŭh nggen di angān so urun urun Ku adi bara nabi.”

2 RAJA 22:13

“Panu di bisiken ngga TUHAN yŭn ku ka yŭn sopŭrŭg daya Judah pasar ajar adi di darŭm surat ati. TUHAN baji di ata sabab tayung-babuk ta dŭh ndai kayuh adi sŭn surat ati nang dŭh siŭn dŭh dog ndai.”

2 RAJA 5:5

Raja nang, “Di ka yŭn raja Israel ka nggen surat di ayŭh.” Jadi Naaman matak, taban 30,000 kiping pirak, 6,000 kiping mas, ka simŭng piraka kibarui adi grua.

ISAIAH 5:5

“Ati inŭh kayuh adi aku re ndai di teya anggor ku; aku re kadi buwang adi maning-i, nyirubuh sindung adi grindung-i, ka tandah dāng tarun man-i ka bidigang dieh.

ISAIAH 57:1

Daya adi kana kabŭs, ka mating daya mirati bait mbit piduri. Pak kan ngara kabŭs, mating pinyusah re tia nyatŭk ngara.

JEREMIAH 11:11

Jadi madin, Aku, adi TUHAN, bakan ngara nang Aku re bada pinyirusag nyatŭk ngara, ka ngara dŭh re dapŭd pirupas adŭp ngara. Ka kan ngara bagan mite turung so Aku, Aku dŭh re dingah ngara.

JEREMIAH 11:19

Aku mbŭh keya ka anak biri adi re dog siŭ, ka aku dŭh puan ngara mbŭh bisatur kayuh adi arap ngga rawan aku. Ngara nang, “Ja ata tabŭng tŭngŭn kayuh anŭ darŭm-i gibabŭ biyŭn pŭtŭk-i; ja ata siŭ ayŭh isa daya mating ingat ayŭh tia.”

JEREMIAH 18:18

Komŭnŭ daya nang, “Ja ata bipekat rawan Jeremiah! Re ari agi imam adi an ngajar ata, daya bijak adi an pitayan ata, ka bara nabi adi an piagah pinganang so Tapa. Ja ata nyarah ayŭh, ka dŭh tia dingah kayuh adi nang-i.”

JEREMIAH 19:15

nang TUHAN Bisa-pŭrŭg, adi Tapa Israel, mbŭh nang, “Aku re taban ka kupo ati ka di barang kupo adi sindŭk-i sopŭrŭg ukum adi Aku muko nang, sabab angān baking ka abah dingah pinganang Ku.”

JEREMIAH 19:3

TUHAN bada aku nang, “Raja raja Judah ngga daya Jerusalem, dingah kayuh adi Aku, TUHAN Bisa-pŭrŭg, adi Tapa Israel, nang. Aku re taban pinyirusag ka tarun ati isa barang naan adi dingah re gŭgŭh.

JEREMIAH 25:2

Aku nang di sopŭrŭg daya Judah ngga daya Jerusalem,

JEREMIAH 25:5

Ngara bada angān dŭh tia udip ginaka ka dŭh tia ndai pingandai arap, isa angān dapŭd adu adu rŭŭ di tarun tana adi TUHAN mbŭh nggen di angān ngga di tayung-babuk ngan ndu tana bisaka.

JEREMIAH 26:13

Angān dŭh siŭn dŭh ngubah aran pimudip ngan samŭn kayuh adi angān ndai, ka dŭh siŭn dŭh nundok di Tapa ngan. Kambŭi angān ndai simŭnŭ, Ayŭh re nukar pikir-I pasar pinyirusag adi Ayŭh nang re bada nyatŭk angān.

JEREMIAH 26:3

Kadŭ daya anŭ raan dingah ka pasan aran pimudip ngara. Kambŭi ngara sawŭ pasan, Aku re nukar gŭh pikir Ku pasar pinyirusag adi Aku mbŭh ngatur bada nyatŭk ngara amai sopŭrŭg pingandai ginaka ngara.”

JEREMIAH 3:1

TUHAN nang, “Kambŭi daya taran sawŭn-i, ka ayŭh bu ka jadi sawŭn daya bŭkŭn, daya anŭ dŭh siŭn tambit ayŭh pari, amai pingandai anŭ re nyembar ndi tarun tana rais anŭ. Pak, Israel, kuu muko biyŭn bagŭ ambai, ka madin kuu raan pari ka Aku!

JEREMIAH 3:22

Pari, sopŭrŭg ngan adi mbŭh bu tagan TUHAN; Ayŭh re pibua angān ka bada angān tŭtŭd. Angān nang, “Sawŭ, kieh pari ka TUHAN, sabab Ayŭh inŭh Tapa ami.

JEREMIAH 35:15

Aku babŭ ari pait ka angān bara urun Ku adi bara nabi, ka ngara mbŭh kidaan di angān bada pasan aran pimudip ngan adi arap anŭ ka ndai kayuh adi batur. Ngara bakan angān bada dŭh nyambah tibudo bait bituan di tapa tapa bŭkŭn, isa angān dapŭd tui rŭŭ di tarun tana adi Aku mbŭh nggen di tayung-babuk ngan. Pak angān dŭh raan dingah Aku bait mbit piduri di pinganang Ku.

JEREMIAH 36:3

Kadŭ kan daya Judah dingah pasar sopŭrŭg pinyirusag adi Aku re bada nyatŭk ngara, ngara an pasan aran pimudip ngara adi arap anŭ. Komŭnŭ Aku re apun pimudip ginaka ngara samŭn dosa ngara.”

JEREMIAH 36:7

Kadŭ ngara an bidua ka TUHAN ka pasan aran pimudip ngara adi arap anŭ, sabab TUHAN mbŭh pirawan daya-I ngga baji-I adi bisā ka riyŭn-I.”

JEREMIAH 4:1

TUHAN nang, “Daya Israel, kambŭi kuu raan pari, marik pimudip mu pari ka Aku. Kambŭi kuu tŭtŭd di Aku ka taran tibudo tibudo anŭ adi Aku tiru,

JEREMIAH 4:14

Jerusalem, musor arap so atin mu, isa kuu bisa dog nyiramat. Ndŭg sinde pikir mu puno ngga kayuh adi bidosa?

JEREMIAH 4:23

Aku tingga ong, ka mating ani ani dieh buang matung. Aku tingga rangit, ka mating sekar jawa dieh.

JEREMIAH 4:6

Tiju aran di ka Zion! Rikas di nyiramat adŭp ngan! Dŭhnyah nyikite! TUHAN inŭh taban pinyirusag ngga pinyirabur so utara.

JEREMIAH 51:11

TUHAN mbŭh kies atin raja raja di Media, sabab Ayŭh raan pirabur Babylonia. Simŭnŭ inŭh Ayŭh maras dendam yŭn pinyirusag Ramin-I. Bara pingubak soldadu adi nyerang pesan, “Ngasa reja-panah ngan! Sidia pinangin ngan!

EZEKIEL 13:22

“Ngga pinganang kadong ngan angān pijimŭ atin daya adi kana, adi Aku dŭh an ida ida ngga. Angān ngasu daya arap ndai kraja arap ndŭg ka ngara dŭh dapŭd dog nyiramat.

EZEKIEL 18:23

Angān pikir Aku gaŭn kiris daya arap kabŭs kah?” TUHAN Raja siken. “Dŭh, Aku raan dŭ kiris ayŭh marik pimudip-i pari ka Aku ka udip.

JONAH 3:8

Sopŭrŭg daya ngga dāng dŭh siŭn dŭh nēn piraka banang guni. Barang naan daya dŭh siŭn dŭh bidua ngga siabo atin ngara ka Tapa ka dŭh siŭn dŭh ko udip ginaka ka dŭh tia ndai pingandai adi arap.

MICAH 2:3

Ngapŭi meh TUHAN nang, “Aku bisatur an taban pinyirusag bada nyatŭk angān, ka angān dŭh re tungang pirupas adŭp ngan. Angān re dapŭd adŭp ngan dog pinyusah, ka komŭnŭ angān re dŭh tia gambung.

ZECHARIAH 1:3

pak madin Aku nang di angān, ‘Pari ka Aku, ka Aku re pari ka angān.

PINGANDAI 26:20

Sibungas-i di Damascus ka di Jerusalem ka komŭnŭ di ndi tarun tana rais Israel samŭn di dupan daya adi dŭh bangsa Jahudi, aku ngajar siŭn daya dŭh tia bidosa pak marik pimudip ngara pari ka Tapa, ka ndai anŭ adi kiren adŭp-i mbŭh udip nanyam ka pinyiraan Tapa.

JAMES 4:13

Madin dingah pinganang ku ati, angān adi nang, “Andu ati puan kah sipagi kieh re matak ka ndi kupo, di yŭn ami re rŭŭ sitŭkŭd ndi sawa, bidagang ngga jiroh bagŭ duit.”

JAMES 5:1

Dingah pinganang ku, angān adi kaya! Muās ka sien meh angān yŭn pinyusah anŭ adi re nyatŭk angān!