JEREMIAH 17:9 - Hakcipta - Biatah Bidayuh

⁹ “Asi dapŭd mirati atin manusia? Mating kayuh bŭkŭn re rabis bidikok mun atin manusia; atin anŭ mbŭh sera andam-i.

JEREMIAH 17:9 ပူးပေါင်းရင်းမြစ်များ

TIBIRIK 6:5

Kan TUHAN kiris munki masam ginaka-i manusia di ong ka munki masam pikir-kira ngara mbŭh adu adu arap,

TIBIRIK 8:21

Tapa mbŭh raru munos asŭng-I kan-I kadŭk dagŭn sadis anŭ, ka-i nang di adŭp-I, “Dŭh Aku re tia mangu ong sitagar kraja pingandai manusia; Aku puan so andu ngara gi-sŭ mara pikir-kira ngara taŭn mbŭh arap. Aku dŭh re tia pirusak tadŭ tadŭ kayuh adi udip, mun ati.

2 SAMUEL 11:15

Ayŭh nuris: “Di yŭn bisaad, na Uriah di tura ka jawin, komŭnŭ ngundur ka tandah ayŭh dog siŭ.”

MAZMUR 51:5

Aku ati arap so andu aku dog biranak; so aku di darŭm tain, aku mbŭh bidosa.

MAZMUR 64:7

Pak Tapa nimbak-i ngga reja panah-I, ka gŭgŭh ngara mbŭh biragan.

PITAS 28:26

Daya adi tunda pikir-kira adŭp-i inŭh budo. Daya adi tunda ajar daya adi bijak re siramat.

EKLISIASTIS 9:3

Sopŭrŭg nasip manusia samah, ka anŭ inŭh sarah mun sopŭrŭg kayuh adi bŭkŭn adi jadi di ong ati. Sitŭkŭd manusia udip, pikir-kira ngara puno ngga andam ka sangsara, ka gŭgŭh ngara kabŭs.

ISAIAH 1:5

Mani angān darah birawan? An kah angān trima ukum adi rabis bat-i? Israel, ubak ngan mbŭh puno ngga tawan, ka atin ngga pikir ngan mbŭh mandam.

ISAIAH 1:6

So ubak ndŭg kaja ngan mating tapo adi pidanah. Angān mbŭh puno bada karag, bakang, ka tawan. Tawan ngan gibayuh dog ngu ka dog marut, puan kah dog nguri ngga inyo.

ISAIAH 6:10

Komŭnŭ ayŭh nang di aku, “Bada pikir bara daya ati madŭd, kajit ngara bangam, ka batŭh ngara karak, isa ngara dŭh dapŭd kiris, bait dingah, puan kah mirati. Kambŭi dŭh simŭnŭ, ngara re pari ka Aku, ka dapŭd bua.”

JEREMIAH 16:12

Ka angān mbŭh ndai kayuh adi rabis arap so adi mbŭh tayung-babuk ngan ndai. Sopŭrŭg ngan baking buang arap, ka angān abah dingah pinganang Ku.

JEREMIAH 7:24

Pak ngara dŭh dingah pinganang ka dŭh mbit piduri. Tanŭ ka ngara ndai barang ka mun kayuh nanyam ka pinyiraan atin baking ngga atin arap ngara, ka jadi rabis arap so adi mbŭh.

MATTHEW 13:15

sabab pikir ngara madŭd, ka ngara mbŭh mapot kajit-i buang mbŭh nutu batŭh-i. Kambŭi dŭh simŭnŭ, batŭh ngara kiris, kajit ngara dingah, pikir ngara mirati, ka ngara an pari ka Aku, Tapa nang, ka Aku pibua ngara.’

MATTHEW 15:19

Amai so atin daya mandŭg pikir-kira adi arap adi bada ayŭh siŭ daya, tanggah, ka ndai barang masam pingandai kais; mirupak, kadong, ka napŭ daya.

MARK 2:17

Jesus dingah ngara ka-I nam, “Daya adi bua dŭh-i biguna di doktor, pak ngara adi birandam inŭh. Aku dŭh mandŭg di bagan daya adi nang adŭp-i kana, pak di bagan ngara adi dog tirawan.”

ROME 1:21

Ngara nang adŭp-i puan Tapa, pak ngara dŭh nggen stabi di Ayŭh; dŭh gŭh ngara nggen trima kaseh di Ayŭh. Pak gŭt-i pikir-kira ngara mbŭh jadi au-tarun, ka pikir ngara adi mapung mbŭh jadi karŭm pipet.

ROME 7:11

Dosa mbŭh dapŭd pluang-i, ka ngga pinyipesan anŭ dosa mbŭh nipu aku ka siŭ aku.

EPHESUS 4:22

Jadi taran meh pimudip ngan adi amba, adi bada angān mun adi mbŭh, anŭ inŭh rusak da pinyiraan ngga pingandai tipu-i.

HEBREW 3:12

Bara dingan ku, jaga meh sibia-i atin ngan jadi raru arap ka abah sabah ndŭg ka bu so Tapa adi udip.