JEREMIAH 17:8 - Hakcipta - Biatah Bidayuh

⁸ Ngara mbŭh keya ka tŭngŭn tŭngŭn kayuh adi timbu sindŭk anak sungi ka uat-i prijireu ndŭg piin. dŭh-i taru tipuh paras, sabab dawŭn-i adu adu barŭm; dŭh-i bipito kan andu dŭh ujen; ka-i marar buān.

JEREMIAH 17:8 ပူးပေါင်းရင်းမြစ်များ

JOB 29:19

Aku keya ka tŭngŭn kayuh adi ari agi piin yŭn uat-i ka adi ari bisa bada sipot-abun daan-i.

JOB 8:16

Daya adi ginaka timbu mun uduh di sura, mun uduh adi ngukap di ndi tarun tana teya.

MAZMUR 1:3

Ngara keya ka dudu tŭngŭn kayuh adi timbu di pang anak sungi, adi buān buwa di tipuh adi batur, ka dawŭn dawŭn-i adi dŭh rayu. Ngara mujur di sopŭrŭg kayuh adi ngara ndai.

PITAS 11:28

Ngara adi bisangan di pinyikaya re rabu mun dawŭn kayuh ruruh di tipuh jaya, pak daya tŭnggŭn re mujur mun dawŭn barŭm di tipuh paras.

ISAIAH 58:11

Ka Aku re ari nyiruton angān ka pimunos asŭng ngan ngga kayuh kana. Aku re bada angān bake ka bua. Angān re keya ka teya adi biyŭn bagŭ piin, mun rubang piin adi dŭh pandai badŭh.

ISAIAH 61:3

bada nggen di ngara adi ngurid di Zion pinyigaŭn ngga pawŭn, ka dŭh pinyusah, ragu puji, ka dŭh ragu pinyusah. Ngara re keya ka tŭngŭn tŭngŭn kayuh adi adŭp TUHAN mbŭh purun. Sopŭrŭg ngara re ndai kayuh adi batur, ka Tapa re dog muji amai kayuh adi Ayŭh mbŭh ndai.

JEREMIAH 39:18

Aku re nyiramat kuu, ka kuu re dŭh dog siŭ. Kuu re siramat sabab kuu mbŭh na pinyabah mu di Aku. Aku, adi TUHAN, mbŭh minyu.”

EZEKIEL 31:3

Kuu keya ka tŭngŭn kayuh sedar di Lebanon, ngga daan adi ramus buang bagŭ sayung-i, tŭngŭn adi bigatung ka tijuk-i ndŭg abun.

EZEKIEL 47:12

Di soduwŭh tabing anak sungi anŭ bagŭ masam tŭngŭn kayuh adi bisa buān re timbu. Dawŭn-i re dŭh rayu, ka-i re dŭh rŭŭ buān. Tŭngŭn tŭngŭn anŭ re biyŭn buwa bauh barang buran, sabab-i dog misa piin so anak sungi adi aman so Ramin TUHAN. Buwa buwa tŭngŭn kayuh anŭ re jadi pinguman, ka dawŭn dawŭn-i re dog pakai ngga pibua daya.”