JEREMIAH 17:6 - Hakcipta - Biatah Bidayuh

⁶ Ngara keya ka randa di tarun tana-sumat, adi udip di tarun tana-pajam adi badŭh, di tana pide di yŭn mating kayuh timbu. Daya adi mun anŭ bŭn kinyam kayuh adi kana.

JEREMIAH 17:6 ပူးပေါင်းရင်းမြစ်များ

2 RAJA 7:2

Pinurung rapat raja nang di Elisha, “Dŭh-i bisa jadi, dŭh gŭh kambŭi adŭp TUHAN bait kani rasu pait gandom madin!” “Kuu re kiris-i jadi, pak kuu dŭh re man tadŭ tadŭ so pinguman anŭ,” Elisha nam.

JOB 20:17

Ngara re dŭh kinyam buwa anggor adi raru bagŭ puan kah sisuh ngga ju banyis adi raru bagŭ.

JOB 39:6

Aku nggen di ngara tarun tana-pajam bada jadi arŭn ngara, ka bada ngara udip di rabak garo.

MAZMUR 1:4

Pak bara daya arap manŭn dŭh keya ka anŭ; ngara keya ka aping adi dog poh sabak.

MAZMUR 107:34

Ayŭh bada tana gamu jadi tarun tana-pajam adi pide sabab udip ginaka ngara adi rŭŭ dieh.

MAZMUR 92:7

Daya ginaka bisa timbu mun uduh, ka ngara adi ndai sarah bisa mujur; pak ngara re bana dog pirabur,

ISAIAH 1:30

Kuu re rayu mun tŭngŭn oak adi mbŭh re kabŭs, mun teya adi dŭh dog misa ngga piin.

JEREMIAH 48:6

‘Rikas, di nyiramat adŭp ngan!’ ngara nang. ‘Bikaduh mun kaldi tarun tana-pajam!’

EZEKIEL 47:11

Pak piin adi bitapo ka adi di padak adi sindŭk tabing rawŭt re dŭh jadi piin tibŭn. Piin anŭ re babŭ diginŭ jadi atak garo.

ZEPHANIAH 2:9

Ngga adŭn Ku TUHAN adi udip, adi Tapa Israel, Aku bipayu Moab ngga Ammon re dog pirabur mun Sodom ngga Gomorrah. Rais rais anŭ re jadi tarun yŭn prigi garo ka adu adu jadi tibawang, adi mbŭh birasu ngga uduh. Bara daya Ku adi babŭ udip re pirinda ngara ka sirapas tana ngara.”

DITRONOMI 29:23

Tana ŭmŭh ngan re matung, dog nutu mirirang ka garo; mating kayuh bisa dog purun, ndŭg ka uduh abah gŭh timbu dieh. Tarun tana ngan re keya ka kupo Sodom, kupo Gomorrah, kupo Admah ngga kupo Zeboiim, adi TUHAN ko pirabur kan-I mbŭh raru baji.

AKIM 9:45

Ngara birawan ndi andu andu. Abimelech sirabut kupo anŭ, ka siŭ bara daya-i, nyirubuh kupo anŭ, ka nabur garo di tana.