JEREMIAH 17:4 - Hakcipta - Biatah Bidayuh

⁴ Angān an dŭh an pasan tana adi Aku mbŭh nggen di angān, ka Aku re bada angān bituan di pinganyu ngan di tarun tana adi angān dŭh puan, sabab baji Ku mbŭh mun apui, ka-i bijagu adu adu.”

JEREMIAH 17:4 ပူးပေါင်းရင်းမြစ်များ

1 RAJA 9:7

Aku re kadi daya Ku Israel so tarun tana adi Aku mbŭh nggen di ngara. Aku re tagan gŭh Ramin ati adi Aku mbŭh nyiberkat ndu tarun yŭn Aku dog nyambah. Daya di barang yŭn re tawŭh ka ngamun Israel.

2 RAJA 25:21

di tarun tana Hamath. Diginŭ raja bada ngara dog kijera ka dog siŭ. Jadi simŭnŭ inŭh daya Judah dog taban ngga bu, ka dog taran so rais adŭp ngara.

NEHEMIAH 9:28

Kan tarun tana ngara kinyam damai, ngara bidosa dinge, ka Kaam dinge bada pinganyu ngara ngarah ngara. Pak kan ngara marik pimudip ngara pari ka Kaam, ka mite Kaam nyiramat ngara, so shorga Kaam dingah, ka pari pari Kaam nyiramat ngara ngga masi bās Mai.

ISAIAH 14:3

TUHAN re nggen di daya Israel pinyirupas so sangsara ngga pinyusah, ka so kraja bakar adi ngara dog takan bada ndai.

ISAIAH 30:33

Ndun jah agi ndi tarun yŭn muko dog sidia yŭn badang raja-empaya Assyria. Tarun yŭn anŭ tŭrŭp ka bayah ka puno ngga tugung uwang ungon. TUHAN re ngasŭng ka piruah jireb apui ngga badang tugung uwang ungon anŭ.

ISAIAH 5:25

TUHAN baji di daya-I ka mbŭh pakat tangan-I re ngukum ngara. Darŭd re bigugoh, ka tadang ngara adi kabŭs re dog tingge di aran raya mun sapok. Pak sunggu mŭnŭ, baji TUHAN dŭh re ko, ka re babŭ pakat tangan-I re ngukum daya-I.

ISAIAH 50:11

Sopŭrŭg ngan adi bipekat an pirusak daya re rusak bada pekat adŭp ngan. Adŭp TUHAN re bada-i jadi simŭnŭ; angān re sangsara bada nasip adi arap.

ISAIAH 66:24

“Darŭm ngara mari, ngara re kiris tadang tadang ngara adi ko rawan matah Aku. Ŭrŭd adi man ngara re dŭh bisa kabŭs, ka apui adi badang ngara re dŭh bisa pura. Di batŭh sopŭrŭg bangsa manusia, kayuh adi mun anŭ inŭh kayuh adi tikŭnŭd daya kiris.”

JEREMIAH 12:7

TUHAN nang, “Aku mbŭh tagan Israel; Aku mbŭh tirawan bangsa adi Aku mbŭh mien. Aku mbŭh nggen daya adi Aku rindu ka darŭm tangan pinganyu ngara.

JEREMIAH 15:14

Aku re bada ngara bituan di bara pinganyu ngara di tarun tana adi dŭh ngara puan, sabab baji Ku mbŭh keya ka apui adi bijagu adu adu.”

JEREMIAH 16:13

Ngapŭi meh, Aku re taran angān so tarun tana ati di ka tarun tana adi angān bait tayung-babuk ngan bŭn puan. Ka diginŭ angān re bituan di tapa tapa bŭkŭn sandu ngga singarŭm, ka Aku dŭh re masi di angān.’ ”

JEREMIAH 18:23

Pak, TUHAN, Kaam puan sopŭrŭg pekat ngara, an siŭ aku. Dŭhnyah apun arap ngara bait apun dosa ngara. Tandah ngara arah ka ngukum ngara darŭm Kaam baji.”

JEREMIAH 2:14

“Israel dŭh urun; ayŭh dŭh dog biranak jadi urun. Mani meh garang pinganyu-i an pirinda ayŭh?

JEREMIAH 22:28

Aku nang, “Agi kah Raja Jehoiachin jadi keya ka tipayan adi pape adi dog taran ka mating daya raan-i? Anŭ kah sabab ayŭh ngga bara anak-i dog taran ka rais tami, rais adi dŭh ngara puan?”

JEREMIAH 5:19

Kan ngara siken mani Aku ndai simŭnŭ, kidaan di ngara, Jeremiah, nang nimun ngara tagan Aku ka bituan di tapa daya tami di tarun tana adŭp ngara, simŭnŭ gŭh ngara re bituan di daya tami di tarun tana adi dŭh tung adŭp ngara.”

JEREMIAH 5:29

“Pak Aku, adi TUHAN, re ngukum ngara amai kayuh kayuh anŭ; Aku re maras dendam di tunduh bangsa ati.

JEREMIAH 7:20

Ngapŭi Aku, adi TUHAN Raja, re bada bisā baji Ku nyatŭk Ramin TUHAN ati. Aku re bada-i nyatŭk manusia ngga dāng dāng, samŭn tŭngŭn tŭngŭn kayuh ngga pimuruh. Baji Ku re mun apui adi dŭh daya tungang mura.

PUĀS 1:12

“Tingga aku!” ayŭh nyirais nang di barang naan adi murah. “Gi-mating daya kinyam sangsara mun jaku, Sangsara adi TUHAN mbŭh bada nyatŭk aku darŭm-I baji.

PUĀS 5:2

Rata bisaka ami mbŭh darŭm tangan daya tami; daya tami mbŭh rŭŭ di ramin ami.

EZEKIEL 21:31

Angān re kinyam baji Ku kan Aku piruah-i di angān mun apui adi bijireb. Ka Aku re nggen angān di daya adi gaok, daya adi sukup pandai pirabur.

EZEKIEL 7:24

Aku re taban bangsa adi siabo arap kamati ka bada ngara rŭŭ di ramin ramin ngan. Daya ngan adi siabo bake re dŭh biyŭn pinyabah di adŭp ngara kan Aku bada bangsa bangsa bŭkŭn kinais tarun yŭn ngan bisambah.

DITRONOMI 28:25

“TUHAN re bada pinganyu ngan manang rawan angān. Angān re nyerang pinganyu ngan so ndi parad pak angān re bu mangān ngara so barang parad, ka sopŭrŭg bangsa di ndi ong ong re kimŭtŭr taru kan ngara kiris kayuh adi jadi di angān.