JEREMIAH 17:27 - Hakcipta - Biatah Bidayuh

²⁷ Pak ngara dŭh siŭn dŭh nundok di Aku ka sita andu Sabbath bada jadi andu adi kudus. Ngara dŭh siŭn kabis tadŭ tadŭ kayuh mŭrŭt ruah tiban tiban-bās Jerusalem di andu anŭ, amai kambŭi ngara ndai simŭnŭ, Aku re badang tiban tiban Jerusalem. Apui re man istana di Jerusalem, ka mating daya re tungang mura-i.”

JEREMIAH 17:27 ပူးပေါင်းရင်းမြစ်များ

2 RAJA 22:17

Ngara mbŭh tirawan Aku ka mbŭh jugan sadis ka tapa bŭkŭn, ka mbŭh kinuas Aku ngga sopŭrŭg kayuh adi ngara mbŭh ndai. Jerusalem mbŭh kinuas Aku, ka baji Ku dŭh re ko.

2 RAJA 25:9

Ayŭh sigot Ramin TUHAN, istana, ngga ramin ramin bara daya adi bās di Jerusalem,

2 KRONIKEL 36:19

Ayŭh sigot Ramin TUHAN ngga kupo, samŭn sopŭrŭg istana ngga kaya raja-i, ka nyirubuh sindung kupo.

MAZMUR 122:7

Isa-i udip bamai agi darŭm kuu ka udip pagŭng darŭm istana mu.”

ISAIAH 1:20

Pak kambŭi angān rawan Aku, angān re kabŭs. Aku, adi TUHAN, mbŭh minyu.”

ISAIAH 1:31

Mun siriyang sau bada sirah bŭtŭp apui, simŭnŭ gŭh daya bikuasa re rabur bada pingandai arap adŭp ngara, ka mating daya re dapŭd pirŭŭ pinyirusag anŭ.

JEREMIAH 17:24

“Kidaan di ngara nang ngara dŭh siŭn dŭh tunda sopŭrŭg pesan Ku. Ngara dŭh siŭn kabis tadŭ tadŭ kayuh mŭrŭt ruah tiban tiban-bās kupo di andu Sabbath. Ngara dŭh siŭn dŭh sita andu Sabbath bada-i jadi andu adi kudus buang dŭh siŭn ndai tadŭ tadŭ kraja di andu anŭ.

JEREMIAH 17:4

Angān an dŭh an pasan tana adi Aku mbŭh nggen di angān, ka Aku re bada angān bituan di pinganyu ngan di tarun tana adi angān dŭh puan, sabab baji Ku mbŭh mun apui, ka-i bijagu adu adu.”

JEREMIAH 18:1

TUHAN nang di aku,

JEREMIAH 21:14

Pak Aku re ngukum kuu amai kayuh adi kuu mbŭh ndai. Aku re badang istana mu, ka apui anŭ re bada rŭpŭg sopŭrŭg kayuh adi maning-i. Aku, adi TUHAN, mbŭh minyu.”

JEREMIAH 22:5

Pak kambŭi angān dŭh tunda pesan Ku, Aku bipayu di angān nang istana ati re rubuh. Aku, adi TUHAN, mbŭh minyu.

JEREMIAH 32:29

ka badang-i. Ngara re badang-i ndŭg ka rŭpŭg, samŭn ramin ramin adi yŭn daya mbŭh bada Aku baji, anŭ inŭh badang kimanyan yŭn Baal di tibung ramin ka ren wain sadis yŭn tapa tapa bŭkŭn.

JEREMIAH 39:8

Atan anŭ, bara soldadu Babylonia badang istana raja, ramin ramin daya ka nyirubuh sindung Jerusalem.

JEREMIAH 44:16

“Kieh dŭh an dingah kayuh adi kuu nang ngga adŭn TUHAN.

JEREMIAH 49:27

Aku re badang sindung Damascus ka re sigot bada rŭpŭg istana istana Raja Benhadad. Aku, adi TUHAN Bisa-pŭrŭg, mbŭh minyu.”

JEREMIAH 52:13

Ayŭh sigot Ramin TUHAN, istana, ka ramin ramin sopŭrŭg daya adi bās di Jerusalem;

JEREMIAH 6:17

Komŭnŭ TUHAN tijuan daya adi tukang jaga bada nyiringa jawŭn trompet adi nggen tandā. Pak ngara nang, “Kieh dŭh re nyiringa.”

JEREMIAH 7:20

Ngapŭi Aku, adi TUHAN Raja, re bada bisā baji Ku nyatŭk Ramin TUHAN ati. Aku re bada-i nyatŭk manusia ngga dāng dāng, samŭn tŭngŭn tŭngŭn kayuh ngga pimuruh. Baji Ku re mun apui adi dŭh daya tungang mura.

PUĀS 2:6

Ayŭh bada randŭk Ramin-I adi yŭn ata nyambah Ayŭh; Ayŭh mbŭh pirŭŭ sopŭrŭg gawai ngga andu Sabbath. Raja ngga imam imam mbŭh samah kinyam bisā baji-I.

PUĀS 4:11

TUHAN mbŭh raru baji; Ayŭh sigot kupo Zion ndŭg ka rŭpŭg.

EZEKIEL 16:41

Ngara re badang ramin ramin mu ka bada bara dayung kiris ukum mu. Aku re bada kuu dŭh tia jadi dayung sundar ka bada kuu dŭh tia nggen pinganggen di bara ambai mu.

EZEKIEL 21:15

Pedang anŭ bada pinyipagan daya Ku manyap ka bada ngara tiparak rabu. Aku natang kupo ngara ngga pedang adi mikirab mun kijat ka sidia re siŭ.

EZEKIEL 21:3

nang Aku, adi TUHAN, nang: Aku ati pinganyu ngan. Aku re tarik pedang Ku ka siŭ sopŭrŭg ngan, adi kana ngga adi arap.

EZEKIEL 22:8

Angān dŭh stabi di tarun tarun kudus, ka angān dŭh sita andu Sabbath.

EZEKIEL 23:38

Pak dŭh-i anŭ adŭ adi ngara mbŭh ndai. Ngara nyembar Ramin Ku ngga andu Sabbath adi Aku mbŭh natu.

HOSEA 8:14

“Daya Israel mbŭh pijog istana, pak ngara mbŭh kambŭt Pinapa ngara. Daya Judah mbŭh pijog kupo kupo adi bikuta. Pak Aku re pait apui ngga sigot istana ka kupo kupo ngara.”

AMOS 1:10

Ngapŭi Aku re pait apui da nyatŭk sindung kuta Tyre ka badang kuta-i.”

AMOS 1:12

Ngapŭi Aku re pait apui da nyatŭk kupo Teman ka sigot kuta kuta Bozrah.”

AMOS 1:14

Ngapŭi Aku re pait apui da nyatŭk sindung kuta Rabbah ka badang kuta-i. Ka diginŭ re agi ngāb pinganyu nyerang, ka bisaad anŭ re mun sabak ribut.

AMOS 1:4

Jadi Aku re pait apui bada nyatŭk istana adi Raja Hazael pijog ka Aku re badang kuta kuta Raja Benhadad.

AMOS 1:7

Ngapŭi Aku re pait apui da nyatŭk sindung kuta Gaza ka badang-i.

AMOS 2:2

Aku re pait apui da nyatŭk tarun tana Moab ka badang kuta kuta Kerioth. Daya Moab re kabŭs darŭm jawŭn perang sitadŭn bara soldadu ngāb ka dudu trompet dog mambak.

DITRONOMI 32:22

Baji Ku re bijagu mun apui, ka sigot barang masam kayuh di tunduh tana. Baji Ku re ndŭg ong di sagān ka nyau uat dudu darŭd.

HEBREW 12:25

Ingat meh garang, dŭhnyah abah dingah sianŭ adi minyu. Daya adi abah dingah pinganang sianŭ adi mandŭg ka ong di piagah agah so Tapa, dŭh tungang nyiramat adŭp-i. Ata rabis dŭh tungang nyiramat adŭp ta kambŭi ata nyipunok Ayŭh adi minyu so shorga!