JEREMIAH 17:26 - Hakcipta - Biatah Bidayuh

²⁶ Daya re mandŭg so kupo kupo Judah ka so anak anak kupo maning Jerusalem; ngara re mandŭg so utung tarun tana Benjamin, so sigŭn sigŭn sandah, so tarun tana-darŭd, ka so siratan Judah. Ngara re taban ka Ramin TUHAN sadis sadis badang ngga sadis sadis adi bŭkŭn, sadis ruwang kayuh ngga kimanyan, samŭn pinganggen trima kaseh.

JEREMIAH 17:26 ပူးပေါင်းရင်းမြစ်များ

EZRA 3:11

Ngara nang ragu puji TUHAN, ka pari pari nang tibŭn ragu anŭ: “TUHAN inŭh kana, ka pinyirindu-I yŭn Israel inŭh tan adu adu.” Sopŭrŭg ngara nyirais ngga situngang tungang ngara, muji TUHAN, sabab kraja na pinagap-rasan mbŭh dog piguru.

MAZMUR 107:22

Ngara dŭh siŭn dŭh nggen trima kaseh di Ayŭh ngga sadis, ka ngga ragu pinyigaŭn dŭh siŭn dŭh kidaan sopŭrŭg kayuh adi Ayŭh mbŭh ndai.

MAZMUR 116:17

Aku re nggen di Kaam sadis trima kaseh ka jugan dua ku ka Kaam.

MAZMUR 66:13

Aku re taban sadis badang ka ramin Mai; aku re jugan ka Kaam kayuh adi aku mbŭh bijanji ngga Kaam.

ISAIAH 58:13

TUHAN nang, “Kambŭi angān sita andu Sabbath mun sita andu adi kudus ka dŭh mbit bat di har adŭp ngan sadi adŭ di andu anŭ; kambŭi angān bada andu kudus Ku andu adi biguna ka dŭh panu bijaruh, nyiraja, bait minyu pinganang adi dŭh biguna di andu anŭ,

JEREMIAH 30:19

Daya adi rŭŭ diginŭ re nang ragu puji; ngara re nyirais ngga gaŭn. Ngga berkat Ku ngara re bitambah bagŭ; berkat Ku re bada ngara dog stabi.

JEREMIAH 32:44

Daya re miris-i, ka surat surat adat-bibiris re dog na tandā tangan dieh, dog matis, ka dog nyaksi daya bagŭ. Kayuh anŭ re jadi di utung tarun tana Benjamin, di anak anak kupo maning Jerusalem, di kupo kupo Judah, ka di kupo kupo di rais tarun tana sandah, di sigŭn sigŭn sandah, ka di siratan Judah. Aku re pari bangsa ati ka rais ngara. Aku, adi TUHAN, mbŭh minyu.”

JEREMIAH 33:11

sirais gaŭn ngga pawŭn ka jawŭn rami gawai banan sawan. Angān re dingah daya biragu darŭm ngara taban pinganggen trima kaseh ka Ramin Ku; ngara re nang, ‘Nggen trima kaseh di TUHAN Bisa-pŭrŭg, sabab Ayŭh kana ka pinyirindu-I tan adu adu.’ Aku re bada tarun tana ati mujur mun dawŭ-i. Aku, adi TUHAN, mbŭh minyu.”

JEREMIAH 33:13

Di kupo kupo rais tarun tana sandah, di sigŭn sigŭn sandah, ka di siratan Judah, di utung tarun tana Benjamin, di anak anak kupo maning Jerusalem, ka di kupo kupo Judah, pingingat pingingat-biri re pari agi mirang biri ngara. Aku, adi TUHAN, mbŭh minyu.”

ZECHARIAH 7:7

Anŭ inŭh kayuh adi TUHAN nang so baba bara nabi di jaman Jerusalem gibabŭ agi daya rŭŭ dieh buang mujur. Di jaman anŭ bagŭ daya rŭŭ dŭh darŭm anak anak kupo maning kupo anŭ adŭ pak di abong tarun tana parad ka siratan ngga di sigŭn sandah di parad ka barat.

HEBREW 13:15

Ja ata siraru jugan puji ka Tapa ndu sadis ta so ka Jesus, adi pinganggen so baba adi ngaku Ayŭh Tuhan.

1 PETER 2:5

Mandŭg meh mun batuh batuh adi udip, ka bada adŭp ngan dog pakai ngga pijog ramin Tapa adi roh, di yŭn ngan jadi bara imam adi kudus adi jugan sadis roh adi tibirang di Tapa so Jesus Kristus.

PINANDŬNG 1:5

ka so Jesus Kristus, saksi adi tŭtŭd, adi sibungas dog pakat so kabŭs ka adi pimritah di tunduh raja raja di ong. Ayŭh rindu ata, ka ngga pinyikabŭs-I adi sadis Ayŭh mbŭh pirupas ata so dosa ta