JEREMIAH 17:22 - Hakcipta - Biatah Bidayuh

²² bait taban tadŭ tadŭ kayuh ngga ruah so ramin ngara di andu Sabbath. Ngara dŭh siŭn nyiraja di andu Sabbath; ngara dŭh siŭn dŭh sita-i bada jadi andu adi kudus, nimun adi muko Aku pesan di tayung-babuk ngara.

JEREMIAH 17:22 ပူးပေါင်းရင်းမြစ်များ

NEHEMIAH 13:15

Di tika anŭ aku kiris daya di Judah mŭ anggor di andu Sabbath. Ngara adi bŭkŭn na ruwang ruwang kayuh, wain, buwa anggor, buwa ara, ka kayuh kayuh bŭkŭn di tunduh kaldi ngara ka taban-i ka Jerusalem; aku bakan ngara bada dŭh jua kayuh adi andu Sabbath.

PINYIRUAH 23:12

“Nyiraja nŭm andu darŭm ndi minggu, pak dŭhnyah nyiraja di andu adi ju, isa urun ngan ngga daya pinami adi nyiraja yŭn ngan samŭn dāng ngan bisa rŭŭ di andu anŭ.

ISAIAH 58:13

TUHAN nang, “Kambŭi angān sita andu Sabbath mun sita andu adi kudus ka dŭh mbit bat di har adŭp ngan sadi adŭ di andu anŭ; kambŭi angān bada andu kudus Ku andu adi biguna ka dŭh panu bijaruh, nyiraja, bait minyu pinganang adi dŭh biguna di andu anŭ,

JEREMIAH 17:24

“Kidaan di ngara nang ngara dŭh siŭn dŭh tunda sopŭrŭg pesan Ku. Ngara dŭh siŭn kabis tadŭ tadŭ kayuh mŭrŭt ruah tiban tiban-bās kupo di andu Sabbath. Ngara dŭh siŭn dŭh sita andu Sabbath bada-i jadi andu adi kudus buang dŭh siŭn ndai tadŭ tadŭ kraja di andu anŭ.

EZEKIEL 20:12

Aku bada pinyita andu Sabbath jadi tandā pekat-janji Ku ngga ngara, ngga bada ngara ingat Aku, adi TUHAN adi bada ngara kudus.

EZEKIEL 22:8

Angān dŭh stabi di tarun tarun kudus, ka angān dŭh sita andu Sabbath.

LEVITICUS 19:3

Barang naan angān dŭh siŭn dŭh stabi di sindŭ sama ngan, ka dŭh siŭn dŭh sita andu Sabbath nanyam adi mbŭh Aku pesan. Aku ati TUHAN adi Tapa ngan.

LEVITICUS 23:3

Angān biyŭn nŭm andu ngga ndai kraja ngan, pak ingat andu adi ju, andu Sabbath, adi ngga angān rŭŭ. Di andu anŭ dŭhnyah nyiraja, pak tikuruk simayang. Sabbath inŭh andu adi dog nitah yŭn TUHAN, dŭh kira diki diki angān rŭŭ.

ZECHARIAH 1:4

Dŭhnyah mun tayung-babuk ngan. Ndun jah bara nabi nggen di ngara pinganang Ku, bada ngara ko bidosa. Pak ngara abah dingah Aku bait nundok di Aku.

LUKE 23:56

Komŭnŭ ngara maad ka sidia rapah samŭn wangi yŭn tadang Jesus. Di andu Sabbath ngara rŭŭ so kraja, nimun adi dog pesan Ukum-adat.

LUKE 6:5

Ka Jesus nang, “Anak Manusia biyŭn kuasa di tunduh andu Sabbath.”

PINANDŬNG 1:10

Di andu Tuhan, Roh Kudus nguasa aku, ka aku agi dingah sirŭŭn bana, adi sak jawŭn trompet, minyu di punok ku.