JEREMIAH 17:2 - Hakcipta - Biatah Bidayuh

² Daya ngan nyambah di mija-sambah ka di tandā pinatŭng adi dog pijog yŭn tapa Asherah ngapid barang tŭngŭn kayuh barŭm, di tibung sandah

JEREMIAH 17:2 ပူးပေါင်းရင်းမြစ်များ

2 KRONIKEL 24:18

Ka daya mbŭh dŭh tia nyambah di Ramin TUHAN, adi Tapa tayung-babuk ngara, ka piguru nyambah tibudo ngga gayŭn tapa Asherah. Sarah ngara adi piguru dosa anŭ bada Tapa baji di Judah ngga Jerusalem.

2 KRONIKEL 33:19

Dua raja samŭn pinyinam-i so Tapa, ka dundan pasar dosa adi ayŭh mbŭh ndai sibayuh ayŭh marik pimudip-i pari ka Tapa — arap adi-i ndai, tarun tarun yŭn bisambah adat karŭm ngga tandā tandā pinatŭng tapa Asherah adi-i ndai ngga tibudo adi-i nyambah — mbŭh dog nuris sopŭrŭg-i darŭm Surat Dundan bara Nabi.

2 KRONIKEL 33:3

Ayŭh pari pijog tarun yŭn bisambah adat karŭm adi sama-i Hezekiah muko nyirubuh. Ayŭh pijog mija mija-sambah ngga nyambah Baal, ndai gayŭn gayŭn tapa Asherah, ka nyambah bitang.

MAZMUR 78:58

Ngara bada Ayŭh baji di tarun tarun yŭn bisambah adat karŭm ngara adi yŭn ngara nyambah tibudo ka kinuas Tapa.

PINYIRUAH 34:13

Pati ka nŭŭh nyirubuh adŭ mija mija-sambah ngara. Uros uros-batuh pirapu' ngara angān an pirusak, ka tandā tandā pinatŭng tapa Asherah ngara angān an tabŭng.

ISAIAH 1:29

Kuu re nyesar kuu ko nyambah tŭngŭn kayuh ka ndai teya pirapu'.

ISAIAH 17:8

Ngara re dŭh tia bisangan di mija mija-sambah adi ngara mbŭh ndai ngga tangan adŭp ngara, puan kah sabah di pingandai adŭp ngara, anŭ inŭh tandā tandā pinatŭng tapa Asherah ngga mija-sambah yŭn badang kimanyan.

JEREMIAH 2:20

TUHAN Raja nang, “Israel, jah-i kuu tirawan kuasa Ku; kuu abah nundok di Aku bait nyambah Aku. Di tunduh barang sandah ka di ribo barang tŭngŭn kayuh barŭm kuu nyambah tapa tapa pimuah.

JEREMIAH 3:23

Sambah adat karŭm ami di tibung tibung sandah inŭh au-tarun. Pinurung yŭn Israel kaŭs-i mandŭg so TUHAN adi Tapa ami.

JEREMIAH 3:6

Di jaman pinyipritah Raja Josiah, TUHAN nang di aku, “Agi kuu kiris kayuh adi Israel, dayung adi dŭh tŭtŭd anŭ, mbŭh ndai? Ayŭh mbŭh bu tagan Aku, ka di barang sandah ka di ribo barang tŭngŭn kayuh barŭm ayŭh nyundar.

JEREMIAH 7:18

Anak-anya ndu uwang, bara dari ndai apui, ka bara dayung kunyu tibaduk ngga ndai kue yŭn tapa dayung adi ngara kadŭn Rani Shorga. Ngara gŭh jugan sadis wain ka tapa tapa adi bŭkŭn, ngga kandam Aku.

EZEKIEL 20:28

Aku taban ngara ka tarun tana adi Aku mbŭh bijanji an nggen di ngara. Kan ngara kiris sandah adi bigatung ka tŭngŭn kayuh adi barŭm, ngara jugan sadis di sopŭrŭg tarun yŭn anŭ. Ngara kinuas Aku ngga sadis adi ngara badang ka ngga wain adi ngara taban ndu pinganggen.

DITRONOMI 12:2

Di tarun tana adi angān tambit, pirabur sopŭrŭg tarun adi yŭn daya nyambah tapa ngara di darŭd adi bigatung, tunduh sandah sandah, ka di ribo tŭngŭn tŭngŭn kayuh.

AKIM 3:7

Daya Israel mbŭh kambŭt TUHAN adi Tapa ngara; ngara bidosa rawan Ayŭh ka nyambah tibudo tibudo Baal ngga Asherah.