JEREMIAH 17:14 - Hakcipta - Biatah Bidayuh

¹⁴ TUHAN, pibua aku ka aku re batur batur bua; nyiramat aku ka aku re sukup siramat. Kaam inŭh adi aku muji!

JEREMIAH 17:14 ပူးပေါင်းရင်းမြစ်များ

MAZMUR 106:47

Nyiramat kieh, O TUHAN Tapa ami, ka taban kieh pari so dupan dudu bangsa, isa kieh bisa nggen trima kaseh ka muji adŭn kudus Mai.

MAZMUR 109:1

Aku muji Kaam, Tapa; dŭhnyah Kaam pajam!

MAZMUR 119:94

Aku tung jamai — nyiramat aku! Aku mbŭh suba an tunda pesan Mai.

MAZMUR 12:4

“Ngga pinganang ami kieh dapŭd kayuh adi raan ami. Kieh re nang kayuh adi kieh raan, ka mating daya dapŭd nagah kieh.”

MAZMUR 148:14

Ayŭh bada bangsa-I bake, isa sopŭrŭg daya-I muji Ayŭh — daya Israel, Ayŭh siŭt. Muji meh TUHAN!

MAZMUR 54:1

Nyiramat aku ngga kuasa Mai, O Tapa; pirupas aku ngga pinyibake Mai!

MAZMUR 6:2

Aku ramah, O TUHAN; masi di aku! Nggen pinyibake di aku; aku ruai kawŭk

MAZMUR 6:3

ka pimudip ku ati puno ngga susah. Dŭm tian-ki dinge, O TUHAN, Kaam babŭ dŭh turung aku?

MAZMUR 6:4

Mandŭg ka nyiramat aku, TUHAN; ngga pinyirasi Mai pirupas aku so pinyikabŭs.

MAZMUR 60:5

Nyiramat kieh ngga pinyibake Mai; nam dua ami, isa daya adi Kaam rindu bisa dog pirupas.

ISAIAH 6:10

Komŭnŭ ayŭh nang di aku, “Bada pikir bara daya ati madŭd, kajit ngara bangam, ka batŭh ngara karak, isa ngara dŭh dapŭd kiris, bait dingah, puan kah mirati. Kambŭi dŭh simŭnŭ, ngara re pari ka Aku, ka dapŭd bua.”

JEREMIAH 15:20

Aku re bada kuu keya ka sindung agŭh timaga di ngara. Ngara re rawan kuu, pak ngara dŭh re tungang ngarah kuu. Aku re agi ngga kuu an grindung ka nyiramat kuu.

JEREMIAH 3:23

Sambah adat karŭm ami di tibung tibung sandah inŭh au-tarun. Pinurung yŭn Israel kaŭs-i mandŭg so TUHAN adi Tapa ami.

JEREMIAH 30:17

Aku re bada angān pari bua; Aku re pibua tawan ngan, sunggu angān nang, ‘Zion mbŭh dog taran; mating daya piduri ayŭh.’ Aku, adi TUHAN, mbŭh minyu.”

JEREMIAH 31:18

“Aku dingah daya Israel nang darŭm susah, ‘TUHAN, kieh ko keya ka dāng adi dŭh tungang dog primon, pak Kaam ngajar kieh bada nundok. Taban kieh ngga pari; kieh mbŭh sidia an pari ka Kaam, TUHAN adi Tapa ami.

JEREMIAH 33:6

Pak Aku re pari pijog kupo ati samŭn bara daya-i ka bada ngara bua sanang. Aku re bada ngara udip sukup pagŭng buang siramat.

PINYIKIANG 12:13

Jadi Moses bidua ka TUHAN, nang-i, “O Tapa, pibua ayŭh!”

MATTHEW 14:30

Pak kan ayŭh kinyam sabak ribut, ayŭh mbŭh taru ka rasu re timŭtŭm di piin. “Tuhan nyiramat aku!” ayŭh nang.

MATTHEW 8:25

Murid murid-I tudu Ayŭh ka kies Ayŭh. “Tuhan, nyiramat ata!” ngara nang. “Ata re rŭnggŭd!”

LUKE 4:18

“Roh Tuhan agi ngga Aku, sabab Ayŭh mbŭh mien Aku da taban agah kana ka daya sirata. Ayŭh mbŭh pait Aku da piagah pinyirupas di daya-takap, pinyibua di daya adi karak, ka pinyirupas di daya adi dog kinanyuh,

DITRONOMI 10:21

Muji Ayŭh — Ayŭh inŭh Tapa ngan, ka angān mbŭh kiris ngga batuh adŭp ngan kayuh kayuh bās ngga kayuh kayuh saruh adi mbŭh-I ndai yŭn ngan.

DITRONOMI 32:39

“ ‘Aku, ka Aku sadi adŭ adi Tapa; mating tapa adi bŭkŭn adi sawŭ. Aku siŭ ka Aku kudip; Aku bada tawan ka Aku bada bua, ka mating daya bisa matah kayuh adi ndai Ku.