JEREMIAH 17:13 - Hakcipta - Biatah Bidayuh

¹³ TUHAN, Kaam inŭh pingarap Israel; sopŭrŭg adi tagan Kaam re dog pimangŭh. Ngara re miyap mun dŭn dŭn daya adi dog nuris di runas, sabab ngara mbŭh tagan Kaam, adi TUHAN, adi atak piin adi nggen udip.

JEREMIAH 17:13 ပူးပေါင်းရင်းမြစ်များ

MAZMUR 22:4

Tayung-babuk ami bisangan di Kaam; ngara sabah di Kaam, ka Kaam nyiramat ngara.

MAZMUR 69:29

Pak aku mandam ka jimŭ; pakat aku, O Tapa, ka nyiramat aku!

MAZMUR 71:5

TUHAN Raja, aku na pingarap ku di Kaam; aku sabah di Kaam so aku gibabŭ mara.

MAZMUR 73:27

Ngara adi tagan Kaam manŭn re rarap; Kaam re pirabur ngara adi dŭh tŭtŭd di Kaam.

MAZMUR 97:7

Barang naan adi nyambah tibudo dog pimangŭh; sopŭrŭg tapa mutu ubak ngara di sirung jawin TUHAN.

PITAS 10:7

Ingat daya adi kana inŭh berkat, pak daya ginaka re rikas dog kambŭt.

PITAS 14:14

Daya arap re trima baras pingandai arap ngara. Daya kana re trima upah yŭn pingandai kana ngara.

ISAIAH 1:28

Pak Ayŭh re pirarap barang naan daya adi bidosa ngga adi rawan Ayŭh; Ayŭh re siŭ barang naan daya adi tagan Ayŭh.

ISAIAH 66:5

Dingah kayuh adi TUHAN nang, angān adi taru Ayŭh ka adi dingah pinganang-I: “Sabab angān tŭtŭd di Aku, agi so daya adŭp ngan re tiru di angān ka re tirawan angān. Ngara nyirimbe angān ka nang, ‘Bada TUHAN kiren di angān bās-I ka nyiramat angān, isa kieh bisa kiris angān pawŭn.’ Pak adŭp ngara inŭh adi re dog pimangŭh!

JEREMIAH 14:8

Kaam sadi adŭ pingarap Israel; Kaam inŭh adi nyiramat kieh so pinyirusag. Mani Kaam mun daya saruh di tarun tana ami, mun daya adi bidandong adi nyirŭmŭn ndi ngarŭm adŭ?

JEREMIAH 17:17

Dŭhnyah jadi kayuh adi pitaru aku; Kaam inŭh tarun yŭn adi siramat yŭn ku kan pinyusah mandŭg.

JEREMIAH 17:18

Pimangŭh daya adi kisiis aku, pak tandah aku, TUHAN. Bada ngara taru, pak dŭhnyah pitaru aku. Taban pinyirusag ka ngara ka pirandŭk ngara.

JEREMIAH 17:5

TUHAN nang, “Aku re nunggu ngara adi bu tagan Aku ka sabah di manusia, di pinyibake daya adi bisa kabŭs.

JEREMIAH 19:4

Aku re ndai simŭnŭ sabab daya mbŭh tagan Aku ka mbŭh nyembar tarun ati ngga kraja ngara adi jugan sadis ka tapa tapa bŭkŭn; tapa tapa adi dŭh ngara bait tayung-babuk ngara, bait raja raja Judah puan. Ngara mbŭh ngisi tarun ati ngga deya daya adi dŭh sarah,

JEREMIAH 2:13

amai daya Ku mbŭh ndai duwŭh dosa: ngara mbŭh tagan Aku, atak piin bisig, ka ngara mbŭh kareh pagong, pagong adi siret ka adi dŭh adŭ dapŭd nyikŭn piin.

JEREMIAH 2:17

Israel, kuu bada kayuh ati nyatŭk adŭp mu! Kuu tagan Aku, adi TUHAN Tapa mu, darŭm Aku kayak nyiruton kuu.

JEREMIAH 50:7

Ngara dog nyerang tadŭ tadŭ daya adi kiris ngara. Pinganyu ngara nang, ‘Ngara bidosa rawan TUHAN, ngapŭi kayuh adi ata ndai inŭh dŭh sarah. Tayung-babuk ngara sabah di TUHAN, ka adŭp ngara patut bijijŭ tŭtŭd di Ayŭh.’

EZEKIEL 13:9

Aku re ngukum angān bara nabi adi kiris kayuh keya ka darŭm pŭmŭh pak adi dŭh sawŭ, ka adi nggen pininjau adi kinanyap daya. Angān re mating diginŭ kan daya Ku tikuruk matŭd pikir-kira ngara; dŭn ngan re dŭh dog pibŭrŭt di susud dŭn bara rayat Israel; angān dŭh re pari ka tarun tana adŭp ngan. Komŭnŭ angān re puan nang Aku ati TUHAN Raja.

EZEKIEL 16:63

Aku re apun sopŭrŭg sarah adi kuu mbŭh ndai, pak kuu re ingat-i ka re raru mangŭh kanga baba mu.” TUHAN Raja mbŭh minyu.

EZEKIEL 36:32

Israel, Aku raan angān puan nang Aku ndai sopŭrŭg anŭ dŭh yŭn kana ngan. Aku raan angān kinyam mangŭh sabab kraja pingandai ngan. Aku, adi TUHAN Raja, mbŭh minyu.”

DANIEL 12:2

Bagŭ so ngara adi mbŭh kabŭs re pari udip: agi adi re kinyam udip adi tan adu adu, ka agi adi re kinyam sangsara mangŭh adi ruro.

JOEL 3:16

TUHAN ngŭr so Sandah Zion; sirŭŭn-I sak dudū so Jerusalem; ong ngga rangit bigagar. Pak Ayŭh re grindung daya-I.

ZECHARIAH 13:1

“Kan tika anŭ mbŭh mandŭg,” nang TUHAN Bisa-pŭrŭg, “ndi sumbur piin re dog kuka ngga pibisig sesang sesang David ka daya Jerusalem so dosa ngara ngga pimudip ngara adi nyambah tibudo.

ZECHARIAH 9:12

Mari, angān daya adi dog taran ka rais tami, angān adi madin biyŭn pingarap; mari ka tarun yŭn ngan adi siramat. Aku kidaan di angān madin, Aku re maras angān duwŭh rupet ngga berkat yŭn sopŭrŭg sangsara ngan.

LUKE 10:20

Dŭhnyah gaŭn sabab roh arap nundok di angān, pak gaŭn sabab dŭn ngan mbŭh dog nuris di shorga.”

JOHN 4:10

Jesus nam, “Kambŭi kuu puan ani adi Tapa nggen, ka asi Ayŭh adi mite nok so kuu, kuu manŭn re an mite, ka Ayŭh gŭh taŭn re an nggen di kuu piin adi nggen udip.”

JOHN 4:14

pak ngara adi nok piin adi Aku nggen, asŭng-i dŭh re tia badŭh. Piin adi Aku nggen di ngara agi keya ka atak piin adi nggen udip, ka adi nggen udip adi sawŭ adi tan adu adu.”

PINGANDAI 28:20

Anŭ sabab aku an bidapŭd ka minyu ngga angān. Sibandar-i, aku dog muak ngga parik basi mun ati amai Ayŭh adi daya Israel harap.”

1 TIMOTHY 1:1

So Paul, adi pinyuruh Kristus Jesus so ka pinyibada Tapa adi Pinyikudip ta ngga Kristus Jesus adi pingarap ta,

PINANDŬNG 20:15

Ngara adi dŭh biyŭn dŭn-i dog nuris darŭm surat di yŭn dŭn bara daya adi Tapa mbŭh mien dog nuris, dog taran ka darŭm danu apui anŭ.

PINANDŬNG 21:6

Ka Ayŭh nang, “Mbŭh kamas! Aku ati adi sibungas ngga adi sikasŭn, adi puun ngga adi pimungan. Di ngara adi aus Aku re nggen piin nok adi mandŭg so atak piin adi nggen udip, dŭh bibayar.

PINANDŬNG 22:1

Malaikat anŭ gŭh kiren di aku sungi adi nggen piin udip, adi bringam mun kristal. Piin anŭ aman so takta Tapa ngga takta Anak Biri

PINANDŬNG 22:17

Roh Kudus ngga Pingaten Dayung nang, “Mandŭg!” Barang naan adi dingah anŭ dŭh siŭn dŭh gŭh nang, “Mandŭg!” Mandŭg, asi asi adi aus; kambat meh pinganggen ati, piin adi nggen udip, tadŭ tadŭ angān adi raan.

PINANDŬNG 7:17

sabab Anak Biri, adi di yun takta, re jadi pingingat ngara, ka re nguru ngara ka atak piin adi nggen udip. Ka Tapa re ngutos randang batŭh ngara.”