Darŭm sawa adi ngga Raja Uzziah kabŭs, aku kiris TUHAN. Ayŭh guru di takta-I, bigatung ka bragah, ka jipo ambu-I ngisi ndi tarun tarun darŭm Ramin TUHAN.
Kan tika anŭ mandŭg, Jerusalem re dog kadŭn ‘Takta TUHAN’, ka sopŭrŭg bangsa re tikuruk diginŭ nyambah Aku. Ngara re dŭh tia ndai kayuh adi atin tangek ngga atin arap ngara bada ngara ndai.
“Manusia, ati inŭh takta Ku. Aku re rŭŭ digiti di ruang daya Ku Israel ka mritah ngara ndŭg situi tui. Daya Ku Israel bait tadŭ tadŭ raja ngara re dŭh tia nyembar adŭn kudus Ku ngga urah ngara adi nyambah tapa tapa bŭkŭn bait kubur tadang tadang raja ngara di tarun ati.
Ja ata adu adu nyigura ka Jesus, di yŭn pinyabah ta bisangan so sibungas-i ndŭg sikasŭn-i. Ayŭh dŭh arah da rigang! Pak, sabab pinyigaŭn adi kajŭn Ayŭh, Ayŭh dŭh kira mangŭh kabŭs di atuh rigang, ka madin Ayŭh mbŭh guru tura ka tauh takta Tapa.
Ja ata ngga atin birani masang ka yŭn takta Tapa, di yŭn agi pinyirasi-mandis. Diginŭ ata re kambat pingapun buang dapŭd pinyirasi-mandis, ngga turung adŭp ta di tika ata biguna dieh.