JEREMIAH 17:11 - Hakcipta - Biatah Bidayuh

¹¹ Daya adi dapŭd duit so aran adi dŭh batur inŭh keya ka manuk mupus turoh adi dŭh adŭp-i ruwan. Kan umbur-i mbŭh piaŭn pinyikaya-i re miyap ka pinŭbŭn-i ayŭh anŭ daya budo.

JEREMIAH 17:11 ပူးပေါင်းရင်းမြစ်များ

JOB 20:21

Kan ngara man, mating adŭ tadŭh-i, pak madin pimudip mujur ngara mungan.

MAZMUR 49:13

Tingga ani jadi ngara adi sabah di adŭp-i, nasip ngara adi munos ngga buat-rata ngara —

MAZMUR 55:23

Pak Kaam, O Tapa, re taban pinyiŭ ngga daya pingadong anŭ ka darŭm kubur ngara sibayuh ngara ndŭg rapŭt umbur. Ka aku ati, aku re sabah di Kaam.

PITAS 13:11

Pinyikaya adi udah nŭŭh dapŭd, rikas abo; pak buat-rata adi nisŭ nisŭ nŭŭh dapŭd re dŭ dŭ bitambah.

PITAS 15:27

Kambŭi kuu suba an dapŭd utung so kraja pingandai adi sarah, kuu re bada rawang mu dog pinyusah. Dŭhnyah trima suap ka kuu re tui udip.

PITAS 21:6

Pinyikaya adi kuu dapŭd so aran adi sarah rikas miyap, pak dŭh sibayuh-i mbŭh taban kuu ka darŭm baba pinyikabŭs.

PITAS 23:5

Duit mu bisa miyap ngga ndi kidap batŭh, mun kah duit anŭ biyŭn urad ka mikabur bu mun beuh.

PITAS 28:16

Pimritah adi dŭh biyŭn pikir inŭh gaok, pak pimritah adi tiru di tipu re mritah tui.

PITAS 28:20

Daya tŭnggŭn re udip sanang. Pak daya adi bigaut an jadi kaya, re dog ukum.

PITAS 28:22

Daya adi bidagis girungos an kaya ndŭg ka dŭh rada udip sirata re rikas nyatŭk adŭp-i.

PITAS 28:8

Kambŭi kuu jadi kaya amai tambit anak duit adi paŭh bigatung asŭng-i ka nyibudo daya, pinyikaya mu re di ka daya adi mandis ngga daya sirata.

JEREMIAH 22:13

Mbŭh payah inŭh daya adi pijog ramin-i ngga aran adi dŭh batur ka bada-i bayah ngga atin adi bidikok; adi bada dingan-i adi samah bangsa nyiraja braŭn ngga dŭh dog nggen gaji-i.

JEREMIAH 22:17

Pak kuu kaŭs kuu jiroh utung yŭn adŭp mu; kuu siŭ daya adi dŭh sarah ka ngga ganas kinanyuh rayat mu. TUHAN mbŭh minyu.

JEREMIAH 6:13

Barang naan daya, bās ngga sŭ, suba dapŭd duit ngga aran adi dŭh batur; nabi ngga imam gŭh nipu daya.

JEREMIAH 8:10

Ngapŭi Aku re nggen ŭmŭh ngara ka daya bŭkŭn, ka sawŭn ngara ka dari bŭkŭn. Barang naan daya, adi bās ngga adi sŭ, suba an dapŭd duit ngga aran adi dŭh batur. Nabi ngga imam gŭh nipu daya.

AMOS 3:10

TUHAN nang, “Ngara anŭ ngisi ramin bās-i ngga kayuh kayuh adi tambit-i pakai aran adi sarah ka ganas. Ngara taŭn dŭh adŭ puan munki re bada adŭp-i jujur.

MICAH 2:9

Angān pibu dayung dayung daya Ku so ramin adi ngara rindu, ka angān sirapas berkat Ku ndŭg situi tui so anak anak ngara.

MICAH 7:3

Sopŭrŭg ngara sukup pandai ndai arap. Bara pinurung pritah ngga akim akim mite suap. Daya adi bās kidaan kayuh adi-i raan, ngapŭi meh ngara taŭn bipekat ndai kayuh.

ZEPHANIAH 1:9

Aku re ngukum sopŭrŭg daya adi nyambah mun daya so adat karŭm ka adi naku ka adi siŭ ngga ngisi ramin tuan ngara ngga kayuh sirapas.

ZECHARIAH 5:4

TUHAN Bisa-pŭrŭg nang adŭp-I re pait pangu anŭ ka ramin ramin sopŭrŭg pinaku ngga ramin ramin daya adi bipayu ngga aran adi kadong. Pangu anŭ re rŭŭ di ramin ramin ngara ka pirubuh-i.”

MALACHI 3:5

TUHAN Bisa-pŭrŭg nang, “Aku re nandŭng di ruang ngan an nggen bisara, ka Aku re rasu nggen taksi rawan ngara adi ndai biruri karŭm, rawan ngara adi tanggah, rawan ngara adi nggen taksi kadong, rawan ngara adi dŭh tŭnggŭn di har gaji daya adi nyiraja di ribo adŭp ngara, rawan daya adi nyibudo dayung uban, anak tumang, ka daya tami; rawan sopŭrŭg daya adi dŭh stabi di Aku.”

MATTHEW 23:13

“Mbŭh raru payah inŭh angān, bara gurū Ukum-adat Jahudi, ka angān bara daya Pharisee! Angān pingadong! Angān nagah daya kinyam Pinyipritah Tapa. Dŭh-i angān abah kinyam Pinyipritah Tapa adŭ, pak angān nagah daya adi gruwŭn an kinyam-i. [

LUKE 12:20

Pak Tapa nang di ayŭh, ‘Kuu budo! Ngarŭm ati simangi mu re tingge kuu; ka asi meh re dapu kayuh kayuh anŭ adi kuu ko nyikŭn yŭn adŭp mu?’ ”

1 TIMOTHY 6:9

Pak ngara adi an jadi kaya mbŭh rabu ka darŭm pinyisuba ka mbŭh dog mirakap pinyiraan adi arap adi bisa nyirubuh ka pirusak ngara.

TITUS 1:11

Patut inŭh baba ngara dog mapot, sabab ngara mbŭh nyusah bagŭ rawang ngga kayuh adi dŭh ngara patut ngajar. Pingandai ngara anŭ batur-i ngga pinŭtŭn an jiroh duit, pingandai adi nggen mangŭh.

2 PETER 2:14

Kayuh adi ngara jiroh inŭh pluang yŭn tanggah; pinyiripong ngara di dosa taŭn dŭh pandai ko. Ngara kudog daya adi ramah, ka atin ngara taŭn mbŭh kanyet tama. Ngara mbŭh di ribo pangu Tapa!

2 PETER 2:3

Ngga atin tama, bara gurū kadong ati jiroh bagŭ utung so dundan adi ngara nimbur da angān dingah. Mbŭh tui ukum mbŭh dog sidia yŭn ngara, ka pinyirusag adi dog natu yŭn ngara mbŭh kajŭn ngara!