JEREMIAH 16:19 - Hakcipta - Biatah Bidayuh

¹⁹ TUHAN, Kaam inŭh adi grindung aku ka adi nggen pinyibake di aku. Kaam turung aku di tika susah. Bangsa bangsa re mandŭg ka Kaam so bŭngŭn ong ka nang, “Tayung-babuk ami dŭh biyŭn ani ani adŭ-i tapa kadong, tibudo adi dŭh biguna.

JEREMIAH 16:19 ပူးပေါင်းရင်းမြစ်များ

1 RAJA 20:23

Bara pinurung Raja Benhadad nang di ayŭh, “Bara tapa Israel inŭh tapa darŭd, anŭ inŭh sabab bara daya Israel tungang ngarah ata. Pak ata tatu tungang ngarah ngara kambŭi ata biperang ngga ngara di rabak.

MAZMUR 18:3

Aku bagan, mite turung so TUHAN, ka Ayŭh nyiramat aku so bara pinganyu ku. Muji meh TUHAN!

MAZMUR 19:14

Isa-i pinganang ku, ka pikir-kira ku dog trima Mai. O TUHAN, pinyigrindung ku ngga pinubos ku!

MAZMUR 27:5

Di tipuh pinyusah Ayŭh re grindung aku; Ayŭh re bada aku siramat di Ramin-I ka bada aku pagŭng di tunduh batuh adi bigatung.

MAZMUR 46:1

Tapa inŭh pinyigrindung ta ka pinyibake ta, ari sidia an turung di tipuh susah.

MAZMUR 46:11

TUHAN Bisa-pŭrŭg agi ngga ata; Tapa Jacob inŭh pinyigrindung ta.

MAZMUR 46:7

TUHAN Bisa-pŭrŭg agi ngga ata; ka Tapa Jacob inŭh pinyigrindung ta.

MAZMUR 62:2

Ayŭh sadi adi grindung ka nyiramat aku; Ayŭh inŭh pingibān ku, ka aku dŭh re tungang dog ngarah.

MAZMUR 62:7

Pinyiramat ku ngga stabi ku bisangan di Tapa; Ayŭh inŭh pingibān ku adi bake; Ayŭh inŭh bari ku.

MAZMUR 65:3

sitagar dosa ngara. Sarah ami ngarah kieh, pak Kaam apun-i.

MAZMUR 68:31

Bara Pingarun re mandŭg so Egypt; daya Ethiopia re pakat tangan ngara darŭm bidua ka Tapa.

MAZMUR 86:9

Sopŭrŭg bangsa adi Kaam mbŭh napa re mandŭg ka mutu ubak ka Mai; ngara re muji bās Mai.

PITAS 18:10

TUHAN inŭh keya ka tawā adi tagap, di yŭn daya tŭnggŭn dapŭd bisukan.

ISAIAH 25:4

Daya sirata ngga daya rumuh mbŭh bu tudu Kaam ka mbŭh siramat di tika pinyusah. Kaam grindung ngara so sabak ribut ka grindung ngara so paras sura. Pinganyu adi gaok nyerang mun sabak ribut di tipuh madud,

ISAIAH 32:2

Barang naan ngara re keya ka pinyigrindung so sabak, ka tarun yŭn bisukan so sabak ribut. Ngara re jadi keya ka anak anak sungi adi aman di tarun tana-pajam, mun singangi tibande batuh di tarun tana-matung.

ISAIAH 44:10

Dŭh inŭh kana ndai gayŭn so basi ka nyambah-i mun tapa!

ISAIAH 44:20

Pingandai anŭ mbŭh keya ka man apŭk. Pikir kira-i adi budo mbŭh kinanyap ayŭh ndŭg ka dŭh dapŭd dog turung tia. Ayŭh dŭh re ngaku nang tibudo adi ayŭh digŭng ngga tangan-i anŭ dŭh tapa.

ISAIAH 45:14

TUHAN nang di Israel, “Pinyikaya Egypt ngga Ethiopia re jadi jamu, ka bara daya Seba adi bigatung re jadi urun mu; ngara re tunda kuu buang dog muak ngga parik basi. Ngara re mutu ubak ka kuu ka ngaku, ‘Tapa agi ngga kuu — Ayŭh sadi adŭ Tapa.

ISAIAH 49:6

TUHAN nang di aku, “Aku biyŭn kraja adi rabis bās yŭn mu, urun Ku. Dŭh-i kuu re bada pari bās adŭ daya Israel adi babŭ udip, pak Aku re bada kuu jadi jawa ani yŭn bangsa bangsa; isa sopŭrŭg daya di ong dapŭd dog nyiramat.”

ISAIAH 62:2

Jerusalem, bangsa bangsa re kiris pimanang mu! Sopŭrŭg raja re kiris bragah mu. Kuu re dog kadŭn ngga dŭn adi bauh, dŭn adi dog nggen adŭp Tapa.

JEREMIAH 10:3

Adat bangsa bangsa anŭ dŭh biguna. Tŭngŭn kayuh dog tabŭng di tuān; tŭngŭn anŭ dog mŭŭt ngga pingakas tukang kayuh,

JEREMIAH 10:5

Tibudo adi mun anŭ mbŭh keya ka tigundo adi ngga kasig manuk so teya timun; tibudo anŭ dŭh bisa minyu; tibudo anŭ dog gŭrŭng sabab-i dŭh bisa panu. Dŭhnyah taru tibudo: tibudo dŭh bisa bada kuu kinaman, ka dŭh-i bisa taban pinyikana ka kuu.”

JEREMIAH 12:16

Kambŭi ngga siabo atin, ngara raan trima adat daya Ku ka bipayu nang, ‘Siragi TUHAN udip’ — nimun ngara ko dawŭ-i ngajar daya Ku bipayu ngga dŭn Baal — ngara gŭh re jadi ndi so bara daya Ku ka re mujur udip.

JEREMIAH 14:8

Kaam sadi adŭ pingarap Israel; Kaam inŭh adi nyiramat kieh so pinyirusag. Mani Kaam mun daya saruh di tarun tana ami, mun daya adi bidandong adi nyirŭmŭn ndi ngarŭm adŭ?

JEREMIAH 17:17

Dŭhnyah jadi kayuh adi pitaru aku; Kaam inŭh tarun yŭn adi siramat yŭn ku kan pinyusah mandŭg.

JEREMIAH 2:11

Bŭn bangsa bŭkŭn nyambi tapa-i, sunggu tapa ngara dŭh sawŭ. Pak daya Ku mbŭh nyambi Aku, Tapa adi ko nggen stabi di ngara, ngga tapa adi dŭh dapŭd ndai ani ani yŭn ngara.

JEREMIAH 2:8

Bara imam mating siken, ‘Diki TUHAN?’ Bara imam Ku dŭh puan Aku. Bara pimritah birawan matah Aku; bara nabi minyu ngga dŭn Baal ka nyambah tibudo adi dŭh biguna.

JEREMIAH 3:23

Sambah adat karŭm ami di tibung tibung sandah inŭh au-tarun. Pinurung yŭn Israel kaŭs-i mandŭg so TUHAN adi Tapa ami.

JEREMIAH 33:9

Jerusalem re jadi atak pinyigaŭn, stabi, ka kayuh adi Aku ngangŭn; ka barang bangsa di ong re taru ka kimŭtŭr kan ngara dingah pasar kayuh kana adi Aku ndai yŭn daya Jerusalem ka pasar udip mujur adi Aku taban ka kupo anŭ.”

JEREMIAH 4:2

kuu bisa bipayu pakai adŭn Ku. Komŭnŭ sopŭrŭg bangsa re mite Aku nyiberkat ngara, ka ngara re muji Aku.”

EZEKIEL 11:16

“Madin kidaan di bara dingan mu adi samah dog taran kayuh adi Aku nang. Aku inŭh adi pait ngara bada rŭŭ jo bigaur ngga bangsa bangsa bŭkŭn ka bada ngara papar sasah di rais rais bŭkŭn. Pak yŭn tika ati, Aku re agi ngga ngara di yŭn ngara dog taran.

JOEL 3:16

TUHAN ngŭr so Sandah Zion; sirŭŭn-I sak dudū so Jerusalem; ong ngga rangit bigagar. Pak Ayŭh re grindung daya-I.

AMOS 2:4

TUHAN nang, “Daya Judah mbŭh pari pari bidosa, ka sabab anŭ Aku re sawŭ ngukum ngara. Ngara mbŭh ngamun ajar Ku ka dŭh sita pesan Ku. Ngara mbŭh manyap bada tapa-kadong adi tayung-babuk ngara ko nyambah dawŭ-i.

NAHUM 1:7

TUHAN inŭh kana; Ayŭh grindung daya-I di tika pinyusah; Ayŭh kingat ngara adi mandŭg ka Ayŭh.

HABAKKUK 3:19

TUHAN Raja nggen di aku pinyibake. Ayŭh bada kaja ku bake mun kaja peyu, ka bada aku siramat di darŭd.

ZECHARIAH 2:11

Di tika anŭ bagŭ bangsa re mandŭg ka TUHAN ka jadi daya-I. Ayŭh re rŭŭ di ruang ngan, ka angān re puan nang Ayŭh inŭh adi pait aku ka angān.

MALACHI 1:11

Daya so bŭngŭn ong di parad ndi ndŭg bŭngŭn ong di parad andi stabi di Aku. Di barang yŭn ngara badang kimanyan ka Aku, ka jugan sadis adi patut dog trima. Sopŭrŭg ngara stabi di Aku!

ROME 1:25

Ngara nyambi ajar adi sawŭ pasar Tapa ngga pinyikadong; ngara nyambah ka bituan di kayuh adi Tapa ko napa, dŭh nyambah adŭp Tapa, adi patut dog muji ndŭg situi tui! Amen.

1 PETER 1:18

Amai angān puan ani adi mbŭh dog bayar ngga pirupas angān so pimudip adi dŭh biguna adi angān trima so tayung-babuk ngan. Dŭh-i kayuh adi bisa dog pirusak, mun mas bait pirak;

PINANDŬNG 11:15

Komŭnŭ malaikat adi numbor ju mambak trompet-i, ka agi sirŭŭn sirŭŭn bana di shorga, nang, “Kuasa ngga mritah ong, madin, mbŭh tung Tuhan ngga Kristus-I; Ayŭh re mritah ndŭg situi tui!”