JEREMIAH 16:16 - Hakcipta - Biatah Bidayuh

¹⁶ TUHAN nang, “Aku bagan bada mandŭg bagŭ pinakap iken bada nakap bara daya ati. Komŭnŭ Aku re bagan bada mandŭg bara pingasū bada ngasū ngara di barang darŭd ngga sandah ka darŭm tāng di darŭd batuh.

JEREMIAH 16:16 ပူးပေါင်းရင်းမြစ်များ

TIBIRIK 10:9

Ngga pinurung TUHAN ayŭh jadi pingasū adi timagah; anŭ meh sabab daya ari nang, “Isa-i TUHAN bada kuu jadi pingasū adi timagah mun Nimrod!”

ISAIAH 2:21

Kan TUHAN mandŭg di ngugoh ong, daya re bisukan di rubang ngga tāng di darŭd darŭd batuh yŭn mangān baji-I ka bisukan so kuasa ngga bragah-I.

ISAIAH 7:19

Ngara re mupuh dau ngga tāng batuh, ka re mupuh barang tŭngŭn reja ka barang tarun tana kupai.

JEREMIAH 25:9

‘Aku re bagan sopŭrŭg daya di utara samŭn urun Ku, Raja Nebuchadnezzar so Babylonia. Aku re bada ngara rawan Judah ngga sopŭrŭg adi rŭŭ dieh samŭn bangsa bangsa adi rŭŭ maning-i. Aku re pirabur bangsa ati samŭn ngara adi maning-i ka tandah-i adu adu jadi tibawang. Anŭ re kayuh adi sipŭ ka adi gŭgŭh daya kiris. Aku, adi TUHAN, mbŭh minyu.

JEREMIAH 4:29

Dingah jawŭn bara pinunggang kuda ka bara adi tukang nimbak reja-panah sopŭrŭg daya re bikaduh bu. Agi adi bu ka tuān, adi bŭkŭn re jakŭh dudu batuh. Barang kupo re dog tingge, ka mating daya re tia rŭŭ dieh.

JEREMIAH 49:5

Aku re taban pinyitaru ka angān so barang parad. Sopŭrŭg ngan re bikaduh bu. Barang naan re bikaduh bu suba an nyiramat adŭp-i, ka mating daya re dapŭd bada bara soldadu ngan tikuruk dinge.

JEREMIAH 6:9

TUHAN Bisa-pŭrŭg nang di aku, “Israel re dog pisen bada bisig mun teya anggor adi so buwa anggor bauh dog sun. Ngapŭi meh, san jam gibabŭ agi, kuu dŭh siŭn dŭh nyiramat daya adi gibabŭ udip.”

PUĀS 4:18

Pinganyu nyibatŭh kieh; kieh dŭh dapŭd panu di aran. Tipuh ami mbŭh ripuan; pimungan ami mbŭh mandŭg.

PUĀS 4:19

Ngara tadak kieh raju so beuh mūn nyambar so rangit, Ngara nudug kieh di arong sandah; ngara tuman kieh di tarun tana-pajam.

HOSEA 10:10

Aku re nyerang ngara adi bidosa ati ka ngukum ngara. Bangsa bangsa re tikuruk rawan ngara, ka ngara re dog ukum amai dosa ngara adi raru bagŭ.

AMOS 4:2

Nimun TUHAN Raja inŭh kudus, Ayŭh mbŭh bijanji, “Andu re mandŭg kan ngara re batak angān pakai sikait; barang naan angān re mun iken adi bikideng di sibakid pisis.

AMOS 5:19

Anŭ re keya ka daya bikaduh mangān singah pak bidapŭd ngga buāng! Puan kah keya ka daya mari ka ramin-i ka na tangan-i di sindung — pak dog nyingŭt jippŭh!

MICAH 7:2

Mating tia daya adi tŭnggŭn darŭm rais, mating daya adi tŭtŭd di Tapa. Barang naan daya taŭn kajŭn pluang an siŭ daya. Barang naan daya mbŭh ngasū dingan-i adi samah bangsa.

ZEPHANIAH 1:12

“Di tika anŭ Aku re tambit prita ka nyiru Jerusalem. Aku re ngukum daya adi mbŭh puas ka adi dŭh gapang, adi nang dupan adŭp ngara, ‘TUHAN dŭh re ndai ani ani, simuti bait simŭnŭ.’

1 SAMUEL 24:11

Tingga, ma, tingga supek jipo-ambu mai di tangan ku! Muko aku siŭ kaam kambŭi aku raan, pak kaŭs aku kapŭg supek ati adŭ. Ati inŭh kayuh adi bisa natu di kaam nang aku taŭn dŭh biyŭn pikir-kira adi an rawan kaam puan kah an kinaman kaam. Kaam ngasū aku yŭn re siŭ aku, pŭn ka aku mating ndai sarah di kaam.

1 SAMUEL 26:20

Dŭhnyah bada aku dog siŭ di tarun tana daya tami, jo so TUHAN. Mani raja Israel sah mandŭg di siŭ kutid mun aku ati? Mani ayŭh sah ngasū aku mun ngasū siok tarun?”