JEREMIAH 16:13 - Hakcipta - Biatah Bidayuh

¹³ Ngapŭi meh, Aku re taran angān so tarun tana ati di ka tarun tana adi angān bait tayung-babuk ngan bŭn puan. Ka diginŭ angān re bituan di tapa tapa bŭkŭn sandu ngga singarŭm, ka Aku dŭh re masi di angān.’ ”

JEREMIAH 16:13 ပူးပေါင်းရင်းမြစ်များ

2 RAJA 25:21

di tarun tana Hamath. Diginŭ raja bada ngara dog kijera ka dog siŭ. Jadi simŭnŭ inŭh daya Judah dog taban ngga bu, ka dog taran so rais adŭp ngara.

2 KRONIKEL 7:20

Aku re taran angān so tarun tana adi Aku nggen di angān, ka Aku re tagan Ramin ati adi Aku mbŭh nyikudus ndu tarun yŭn Aku dog nyambah. Daya di barang yŭn re tawŭh-i ka ngamun-i.

MAZMUR 81:12

Jadi Aku tandah ngara udip ngga atin tangek ngara ka ndai barang masam kayuh ngara raan.

JEREMIAH 10:18

TUHAN re taran angān so tarun tana ati; Ayŭh re pirandŭk angān ndŭg ka angān mating tia dŭm. TUHAN mbŭh minyu.

JEREMIAH 14:8

Kaam sadi adŭ pingarap Israel; Kaam inŭh adi nyiramat kieh so pinyirusag. Mani Kaam mun daya saruh di tarun tana ami, mun daya adi bidandong adi nyirŭmŭn ndi ngarŭm adŭ?

JEREMIAH 15:1

Komŭnŭ TUHAN nang di aku, “Sunggu kambŭi Moses ngga Samuel agi mijog digiti mite masi so Aku, Aku dŭh re masi di bara daya ati. Bada ngara bu; bada ngara bu so sirung jawin Ku.

JEREMIAH 15:14

Aku re bada ngara bituan di bara pinganyu ngara di tarun tana adi dŭh ngara puan, sabab baji Ku mbŭh keya ka apui adi bijagu adu adu.”

JEREMIAH 15:4

Aku re bada sopŭrŭg daya di ong tikaran kiris ngara sabab kayuh adi Manasseh anak Hezekiah ko ndai di Jerusalem kan ayŭh jadi raja Judah.”

JEREMIAH 16:5

“Kuu dŭh siŭn mŭrŭt ramin daya adi aŭn ngurid. Dŭhnyah susah pikir tadŭ tadŭ daya. Aku re dŭh tia nyiberkat daya Ku ngga damai bait kiren pinyirindu ngga masi Ku di ngara.

JEREMIAH 17:4

Angān an dŭh an pasan tana adi Aku mbŭh nggen di angān, ka Aku re bada angān bituan di pinganyu ngan di tarun tana adi angān dŭh puan, sabab baji Ku mbŭh mun apui, ka-i bijagu adu adu.”

JEREMIAH 22:26

Aku re taran kuu ngga sindŭ mu ka rais tami. Angān duwŭh re di ka rais adi dŭh yŭn ngan dog biranak, ka angān duwŭh re kabŭs diginŭ.

JEREMIAH 22:28

Aku nang, “Agi kah Raja Jehoiachin jadi keya ka tipayan adi pape adi dog taran ka mating daya raan-i? Anŭ kah sabab ayŭh ngga bara anak-i dog taran ka rais tami, rais adi dŭh ngara puan?”

JEREMIAH 5:19

Kan ngara siken mani Aku ndai simŭnŭ, kidaan di ngara, Jeremiah, nang nimun ngara tagan Aku ka bituan di tapa daya tami di tarun tana adŭp ngara, simŭnŭ gŭh ngara re bituan di daya tami di tarun tana adi dŭh tung adŭp ngara.”

JEREMIAH 6:15

Mangŭh kah ngara ripas ngara ko ndai kayuh adi sipŭ anŭ? Dŭh, ngara taŭn dŭh mangŭh; raŭn ngara dŭh gŭh pandai marui bireh. Ngapŭi ngara re rabu mun ngara adi bŭkŭn adi mbŭh rabu. Kan Aku ngukum ngara, anŭ re pimungan ngara. Aku, adi TUHAN, mbŭh minyu.”

DITRONOMI 28:36

“TUHAN re taban angān ngga raja ngan ngga bu ka tarun tana tami, adi taŭn gi-bŭn angān ngga tayung-babuk ngan yŭn rŭŭ dawŭ-i; diginŭ angān re bituan di tapa tapa adi dog ndai so kayuh ngga batuh.

DITRONOMI 29:28

TUHAN mbŭh raru baji, ndŭg ka Ayŭh kadi ngara so tarun tana ngara ka taran ngara ka tarun tana tami, ka diginŭ inŭh ngara ndŭg andu ati.’