JEREMIAH 16:11 - Hakcipta - Biatah Bidayuh

¹¹ Kidaan di ngara nang TUHAN mbŭh nang, ‘Tayung-babuk ngan bu so Aku ka nyambah ka bituan di tapa tapa bŭkŭn. Ngara tagan Aku ka abah tunda ajar Ku.

JEREMIAH 16:11 ပူးပေါင်းရင်းမြစ်များ

1 RAJA 9:9

Daya re nam, ‘Ayŭh simŭnŭ amai ngara tagan TUHAN adi Tapa ngara, adi ko taban tayung-babuk ngara ngga ruah so Egypt. Ngara tunda tapa tapa bŭkŭn ka nyambah-i. Anŭ inŭh sabab TUHAN mbŭh taban pinyirusag ati ka ngara.’ ”

2 KRONIKEL 7:22

Daya re nam, ‘Sabab ngara tagan TUHAN adi Tapa ngara, adi taban tayung-babuk ngara ruah so Egypt. Ngara bituan di tapa tapa bŭkŭn ka nyambah-i. Ngapŭi TUHAN taban pinyirusag ati ka ngara.’ ”

JEREMIAH 13:22

Kambŭi kuu siken mani sopŭrŭg kayuh anŭ jadi di kuu; mani piraka mu tiratak ka mani kuu dog miragag. Puan meh nang anŭ mbŭh sabab dosa mu raru sipŭ.

JEREMIAH 2:8

Bara imam mating siken, ‘Diki TUHAN?’ Bara imam Ku dŭh puan Aku. Bara pimritah birawan matah Aku; bara nabi minyu ngga dŭn Baal ka nyambah tibudo adi dŭh biguna.

JEREMIAH 22:9

Komŭnŭ ngara re nam nang anŭ mbŭh sabab angān mbŭh tagan simanya ngan ngga Aku, adi Tapa ngan, ka mbŭh nyambah ka bituan di tapa tapa bŭkŭn.”

JEREMIAH 44:3

sabab daya-i mbŭh ndai arap ngga kinuas Aku. Ngara jugan sadis ka tapa tapa bŭkŭn ka bituan di tapa tapa adi adŭp ngara bait kuu bait tayung-babuk ngara bŭn nyambah.

JEREMIAH 8:2

Turang turang anŭ re dŭh dog kubur, pak re mingare di tunduh tana mun tamŭh. Turang turang anŭ re mingare yŭn batŭh andu, buran, ka bitang bitang, adi dog rindu ka adi yŭn ngara anŭ bituan, ka adi yŭn ngara bisiken ka nyambah.

JEREMIAH 9:14

Ngara baking buang mbŭh nyambah tibudo Baal nimun adi dog ngajar tayung-babuk ngara.

PUĀS 5:7

Tayung-babuk ami bidosa, pak madin ngara mbŭh mating, ka kieh mbŭh sangsara amai dosa ngara.

EZEKIEL 11:21

Pak Aku re ngukum daya adi suka nyambah tibudo adi sembar ka adi sipŭ anŭ. Aku re ngukum ngara amai kayuh adi ngara mbŭh ndai.” TUHAN Raja mbŭh minyu.

AMOS 2:4

TUHAN nang, “Daya Judah mbŭh pari pari bidosa, ka sabab anŭ Aku re sawŭ ngukum ngara. Ngara mbŭh ngamun ajar Ku ka dŭh sita pesan Ku. Ngara mbŭh manyap bada tapa-kadong adi tayung-babuk ngara ko nyambah dawŭ-i.

MALACHI 3:7

Angān, mun tayung-babuk ngan adi diŭ so angān, mbŭh nyipunok ukum ukum-adat Ku ka mbŭh dŭh sita-i. Pari ka Aku, ka Aku gŭh re pari ka angān. Pak angān siken, ‘Ani dŭh siŭn dŭh ami ndai ngga ami pari ka Kaam?’

1 PETER 4:3

Dawŭ-i angān mbŭh sadang tui-i ndai kayuh adi daya adi dŭh puan Tapa suka ndai. Pimudip ngan taŭn-i mbŭh puno ngga kayuh adi dŭh tatu, mun pinyiripong pŭrŭng, pimabuk, bigawai ndŭg ka ndai rubi kais, nok kayuh adi bisā ndŭg ka rabis so patut; ka adi raru sipŭ-i, angān nyambah tibudo.

AKIM 2:11

Komŭnŭ, daya Israel bidosa rawan TUHAN ka piguru bituan di Baal.