JEREMIAH 15:2 - Hakcipta - Biatah Bidayuh

² Kan ngara siken di kuu kamaki ngara re bu, kidaan di ngara nang Aku mbŭh nang: Agi dog natu re kabŭs mandam, simŭnŭ inŭh ngara re! Adi bŭkŭn dog natu re kabŭs biperang, simŭnŭ inŭh ngara re! Agi dog natu re kabŭs sikirau, simŭnŭ inŭh ngara re! Adi bŭkŭn dog natu re dog taban ngga bu jadi daya-takap, simŭnŭ inŭh ngara re!

JEREMIAH 15:2 ပူးပေါင်းရင်းမြစ်များ

ISAIAH 10:4

Angān re dog siŭ darŭm perang, puan kah dog batak jadi daya-takap. Pak sunggu mŭnŭ, baji TUHAN dŭh re ko; Ayŭh babŭ pakat tangan-I re ngukum.

ISAIAH 24:18

Daya adi suba an bu mangān pinyitaru re rabu darŭm rubang, ka daya adi bu mangān rubang re dog jarat. Ujen bangat re rabu so rangit ka pimŭnŭs ong re bigugoh.

JEREMIAH 14:12

Sunggu kambŭi ngara bipusa, Aku dŭh re dingah sirŭŭn ngara mite turung; ka kambŭi ngara jugan sadis badang ngga sadis ruwang kayuh ka Aku, Aku dŭh re munos asŭng di ngara.”

JEREMIAH 14:16

Daya adi dingah pinganang ngara re dog siŭ mun anŭ gŭh. Tadang ngara re dog taran di aran aran di Jerusalem, ka mating daya adi re tukang kubur ngara. Kayuh anŭ re jadi di sopŭrŭg ngara, sawŭn ngara, anak anak dari ngara, ngga anak anak dayung ngara. Aku re bada ngara dapu tanggong udip ginaka ngara.”

JEREMIAH 16:4

Ngara re kabŭs bada andam adi bisā, ka mating daya re tukang ngurid ngara bait kubur ngara. Tadang ngara re prigure mun tamŭh di tunduh tana. Ngara re dog siŭ darŭm perang bait kabŭs sikirau, ka tadang ngara re jadi pinguman yŭn manuk ngga dāng dāng tarun.

JEREMIAH 19:7

Di tarun ati Aku re pijimŭ sopŭrŭg pusar daya Judah ngga daya Jerusalem. Aku re bada bara pinganyu manang ngarah ngara ka siŭ ngara darŭm perang. Aku re tandah tadang tadang ngara dog man manuk ngga dāng dāng tarun.

JEREMIAH 43:11

Nebuchadnezzar re mandŭg ka ngarah Egypt. Ngara adi mbŭh dog natu kabŭs bada andam re kabŭs bada andam, ngara adi mbŭh dog natu dog takap re dog taban ngga bu jadi daya-takap, ka ngara adi mbŭh dog natu kabŭs darŭm perang re kabŭs darŭm perang.

EZEKIEL 12:11

Kidaan di ngara nang kayuh adi Aku mbŭh ndai inŭh tandā kayuh adi re jadi di ngara — ngara re jadi daya adi bu mangān rais adŭp-i ka jadi daya-takap.

EZEKIEL 14:21

Ati inŭh kayuh adi TUHAN Raja nang: “Aku re pait pat ukum Ku adi bisā bada nyatŭk Jerusalem, anŭ inŭh perang, apag, dāng tarun, ka andam, ngga pirabur manusia ka dāng.

EZEKIEL 33:27

“Kidaan di ngara Aku, adi TUHAN Raja, bakan ngara nang siragi Aku ati Tapa adi udip, daya adi rŭŭ di kupo kupo adi rubuh anŭ re dog siŭ. Ngara adi rŭŭ di sapa rais re dog man dāng tarun. Ngara adi bisukan di darŭd darŭd ka di tāng re kabŭs bada sesak-andam.

EZEKIEL 5:12

Ndi utung-so-taruh daya mu re kabŭs mandam ngga kabŭs sikirau darŭm kupo; ndi utung-so-taruh dinge re dog siŭ ngga pedang di sapa kupo; ka Aku re bada papar sasah ndi utung-so-taruh adi bŭkŭn ka barang yŭn, ka tadak ngara ngga pedang.

EZEKIEL 5:2

Badang ndi utung-so-taruh ubok anŭ darŭm kupo anŭ kan pinyikapung anŭ mbŭh ripuan. Tambit ndi utung-so-taruh dinge ka nŭtŭb-i ngga pedang mu buang kuu panu maning kupo anŭ. Nabur ndi utung-so-taruh adi bŭkŭn di au-tarun, ka Aku re tadak-i ngga pedang Ku.

DANIEL 9:12

Kaam mbŭh ndai di kieh ngga di bara pimritah ami kayuh adi Kaam nang adŭp Mai re ndai. Kaam ngukum Jerusalem rabis bisā so adi mbŭh tadŭ tadŭ kupo di ong mbŭh kinyam,

AMOS 5:19

Anŭ re keya ka daya bikaduh mangān singah pak bidapŭd ngga buāng! Puan kah keya ka daya mari ka ramin-i ka na tangan-i di sindung — pak dog nyingŭt jippŭh!

ZECHARIAH 11:9

Komŭnŭ aku nang di kaban biri anŭ, “Aku re dŭh tia jadi pingingat ngan. Anŭ adi re kabŭs, isa-i kabŭs. Anŭ adi re dog pirabur, isa-i dog pirabur. Anŭ adi dŭm re bisiŭ dupan adŭp-i.”

PINANDŬNG 13:10

Daya adi re dog nakap manŭn re dog nakap; daya adi re dog siŭ ngga pedang manŭn re dog siŭ ngga pedang. Sirati-i bara daya adi Tapa mbŭh mien dŭh siŭn dŭh an biyŭn pinyitŭtŭd atin ngga pinyabah.”