JEREMIAH 15:19 - Hakcipta - Biatah Bidayuh

¹⁹ TUHAN nam, “Kambŭi kuu pari, Aku trima kuu, ka kuu re jadi urun Ku dinge. So kuu minyu nang kayuh adi sipadin, kana dŭ kuu piagah pinganang adi biguna, ka kuu re pari jadi nabi Ku. Adŭp daya re tudu kuu, dŭhsah kuu tudu ngara.

JEREMIAH 15:19 ပူးပေါင်းရင်းမြစ်များ

1 RAJA 17:1

Ndi naan nabi dŭn Elijah, so Tishbe di Gilead, nang di Raja Ahab, “Ngga adŭn TUHAN, Tapa Israel adi udip, adi aku yŭn bituan, aku kidaan di kuu re mating sipot-abun bait ujen sitŭkŭd duwŭh puan kah taruh sawa ndŭg ka andu adi ngga aku kidaan-i re agi.”

PINYIRUAH 4:12

Panu madin! Aku re turung kuu minyu, ka Aku re kidaan di kuu kayuh adi re mu nang.”

PITAS 22:29

Daya adi gagah nyiraja re nyiraja yŭn bara raja, dŭh yŭn daya saja.

JEREMIAH 1:9

Komŭnŭ TUHAN ton tangan-I, tama bibis ku, ka nang di aku, “Dingah, Aku nggen di kuu buwa pinganang adi kuu re nang.

JEREMIAH 15:1

Komŭnŭ TUHAN nang di aku, “Sunggu kambŭi Moses ngga Samuel agi mijog digiti mite masi so Aku, Aku dŭh re masi di bara daya ati. Bada ngara bu; bada ngara bu so sirung jawin Ku.

JEREMIAH 20:9

Pak kan aku nang, “Aku re kambŭt TUHAN ka dŭh re tia minyu ngga adŭn-I,” pinganang Mai jadi keya ka apui bijagu darŭm aku. Aku suba ngga situngang ku nyijŭn-i, pak dŭh tungang.

JEREMIAH 35:19

Jadi Aku, adi TUHAN Bisa-pŭrŭg, adi Tapa Israel, bijanji nang Jonadab anak Rechab re ari biyŭn sesang adi dari adi re bituan di Aku.”

JEREMIAH 4:1

TUHAN nang, “Daya Israel, kambŭi kuu raan pari, marik pimudip mu pari ka Aku. Kambŭi kuu tŭtŭd di Aku ka taran tibudo tibudo anŭ adi Aku tiru,

JEREMIAH 6:29

Buwang apui mbŭh raru paras, pak kais basi dŭh riris ka manyap. Mating guna re adu adu suba daya Ku yŭn bada bisig, sabab ngara adi arap dŭh dog kadi.

PUĀS 1:11

Daya-i nyidaing darŭm ngara jiroh pinguman; Ngara nyambi pinyikaya ngga pinguman ramŭn an udip. “Tingga aku, TUHAN,” kupo anŭ nang; “tingga aku darŭm sangsara ku.”

EZEKIEL 2:7

Kuu re kidaan di ngara tadŭ kayuh adi Aku kidaan di kuu bada nang, bait-i ngara dingah bait dŭh. Ingat nŭh sopŭrŭg ngara inŭh daya adi an birawan.

EZEKIEL 22:26

Bara imam miranggar ukum-adat ka dŭh stabi di kayuh adi kudus. Ngara dŭh puan ani adi kudus ngga ani adi dŭh kudus. Ngara dŭh ngajar ani bŭkŭn-i kayuh adi bisig ngga kayuh adi dŭh bisig, ka ngara dŭh mbit piduri di andu Sabbath. Anŭ meh sabab daya Israel dŭh stabi di Aku.

EZEKIEL 44:23

“Bara imam patut ngajar daya Ku ani anŭ kayuh kudus ngga ani anŭ kayuh adi dŭh kudus, ka ani anŭ adi kais nanyam ka adat ngga ani anŭ adi dŭh.

LEVITICUS 10:10

Angān dŭh siŭn dŭh ngatŭn kayuh adi TUHAN dapu, so anŭ adi mbŭh kanyet dog pakai, so kayuh adi bisig ngga anŭ adi kais.

LEVITICUS 14:57

Ukum-adat ati natu kidaan pasar kayuh adi kais ngga adi dŭh kais.

JONAH 3:2

Ayŭh nang, “Di ka Nineveh, kupo bās anŭ, ka kidaan di daya diginŭ pinganang adi Aku mbŭh nggen di kuu.”

ZECHARIAH 3:7

TUHAN Bisa-pŭrŭg agi nang: “Kambŭi kuu tunda ukum-adat Ku ka ndai kraja adi Aku mbŭh nggen di kuu, kuu re babŭ jadi tukang nguasa Ramin Ku, ka simŭnŭ gŭh tukang ngatur badag-i, ka Aku re dingah dua mu, nimun Aku dingah dua dua bara malaikat adi agi di sirung jawin Ku.

LUKE 1:19

Malaikat anŭ nam. “Aku ati Gabriel, adi siraru sidia ndai nanyam pinyibada Tapa. Ayŭh pait aku da minyu ngga kuu ka kidaan di kuu agah kana ati.

LUKE 10:16

Jesus nang di bara murid-I, “Daya adi dingah pinganang ngan dingah pinganang Ku; daya adi tirawan angān tirawan Aku; daya adi tirawan Aku tirawan Ayŭh adi bada Aku mandŭg.”

LUKE 12:12

Amai Roh Kudus re ngajar angān di tika anŭ kayuh adi patut angān nang.”

LUKE 21:15

sabab Aku re nggen di angān bang bang piminyu samŭn pinyibijak adi pinganyu ngan dŭh tungang rawan bait matah.

LUKE 21:36

Bijaga meh ka ari simayang isa angān bake buang siramat darŭm nura sopŭrŭg kayuh anŭ adi re tambus; ka angān meh re dapŭd mijog di sirung jawin Anak Manusia.”

PINGANDAI 20:27

Amai aku bŭn abah kidaan di angān sopŭrŭg kayuh adi Tapa raan angān puan.

2 CORINTH 5:16

Ata dŭh tia tingga daya so ka gaya atur manusia. Sunggu agi bait kani ata tingga Kristus nunda ka gaya atur manusia, ata mbŭh dŭh tia simŭnŭ madin.

GALATIA 1:10

Darŭm aku minyu sakanŭ, agi kah aku sak adi jiroh daya nyibandar adŭp ku? Taŭn aku dŭh! Kayuh adi aku raan inŭh pinyibandar so Tapa! Agi kah aku ati sak adi suba an pimunos asŭng daya? Kambŭi mun anŭ, aku dŭh urun Kristus.

GALATIA 2:5

pak ngga ami bada ajar Agah Kana adi sawŭ anŭ pagŭng yŭn ngan, kieh taŭn sikari kari dŭh nundok di ngara.

HEBREW 5:14

Tubi, taŭn-i yŭn daya adi tuuh, daya adi mbŭh tungang natŭng so pikanyet adŭp-i, ani adi kana ngga ani adi arap.

JUDE 1:24

Jugan puji ka Tapa adi Pinyikudip ta sabab Tuhan ta Jesus Kristus! Tapa sadi adŭ adi tungang kingat angān isa angān dŭh rabu, ka bada angān bisig ka gaŭn di sirung jawin bragah-I. So jah diŭ so sopŭrŭg kayuh jadi, madin ka ndŭg situi tui, ka Tapa inŭh bragah, stabi, bisa-pŭrŭg, ngga kuasa. Amen