JEREMIAH 15:14 - Hakcipta - Biatah Bidayuh

¹⁴ Aku re bada ngara bituan di bara pinganyu ngara di tarun tana adi dŭh ngara puan, sabab baji Ku mbŭh keya ka apui adi bijagu adu adu.”

JEREMIAH 15:14 ပူးပေါင်းရင်းမြစ်များ

MAZMUR 21:9

Mun apui bijagu Ayŭh re pirabur ngara kan Ayŭh tatŭng. TUHAN re man ngara ngga baji-I, ka apui re man ngara.

ISAIAH 42:25

Jadi Ayŭh baji ka ngukum ata ka bada ata sangsara bada perang. Mun apui baji-I badang Israel, pak ata bŭn puan kayuh adi mbŭh jadi; ata dŭh birajar ani ani so dieh.

JEREMIAH 14:18

Kan aku ruah ka sapa tarun, aku kiris tadang tadang daya adi kabŭs biperang; kan aku mŭrŭt kupo kupo, aku kiris daya sindŭk re kabŭs amai sikirau. Bara nabi ngga bara imam babŭ ndai kraja ngara, pak ngara dŭh mirati kayuh adi ngara ndai.”

JEREMIAH 15:4

Aku re bada sopŭrŭg daya di ong tikaran kiris ngara sabab kayuh adi Manasseh anak Hezekiah ko ndai di Jerusalem kan ayŭh jadi raja Judah.”

JEREMIAH 16:13

Ngapŭi meh, Aku re taran angān so tarun tana ati di ka tarun tana adi angān bait tayung-babuk ngan bŭn puan. Ka diginŭ angān re bituan di tapa tapa bŭkŭn sandu ngga singarŭm, ka Aku dŭh re masi di angān.’ ”

JEREMIAH 17:4

Angān an dŭh an pasan tana adi Aku mbŭh nggen di angān, ka Aku re bada angān bituan di pinganyu ngan di tarun tana adi angān dŭh puan, sabab baji Ku mbŭh mun apui, ka-i bijagu adu adu.”

JEREMIAH 4:4

Sita simanya adi angān ndai ngga Aku adi TUHAN ngan, ka nitah adŭp ngan ka Aku, angān daya Judah ngga daya Jerusalem. Kambŭi dŭh, baji Ku re bijagu mun apui adi dŭh tungang dog mura, sabab pingandai arap ngan.”

JEREMIAH 52:27

di utung tarun tana Hamath. Diginŭ raja bada ngara dog mukong ka dog siŭ. Ka daya Judah dog taban ngga bu dog taran ka rais tami.

AMOS 5:27

kan Aku taban angān yŭn dog taran ka rais jo so Damascus,” nang TUHAN, adi Adŭn-I Tapa Bisa-pŭrŭg.

DITRONOMI 28:25

“TUHAN re bada pinganyu ngan manang rawan angān. Angān re nyerang pinganyu ngan so ndi parad pak angān re bu mangān ngara so barang parad, ka sopŭrŭg bangsa di ndi ong ong re kimŭtŭr taru kan ngara kiris kayuh adi jadi di angān.

DITRONOMI 28:36

“TUHAN re taban angān ngga raja ngan ngga bu ka tarun tana tami, adi taŭn gi-bŭn angān ngga tayung-babuk ngan yŭn rŭŭ dawŭ-i; diginŭ angān re bituan di tapa tapa adi dog ndai so kayuh ngga batuh.

DITRONOMI 28:64

“TUHAN re bada angān papar sasah di ruang sopŭrŭg bangsa di ndi ong ong, ka diginŭ angān re bituan di tapa tapa adi dog ndai so kayuh ngga batuh, tapa tapa adi angān ngga tayung-babuk ngan bŭn nyambah dawŭ-i.

DITRONOMI 29:23

Tana ŭmŭh ngan re matung, dog nutu mirirang ka garo; mating kayuh bisa dog purun, ndŭg ka uduh abah gŭh timbu dieh. Tarun tana ngan re keya ka kupo Sodom, kupo Gomorrah, kupo Admah ngga kupo Zeboiim, adi TUHAN ko pirabur kan-I mbŭh raru baji.

DITRONOMI 32:22

Baji Ku re bijagu mun apui, ka sigot barang masam kayuh di tunduh tana. Baji Ku re ndŭg ong di sagān ka nyau uat dudu darŭd.

HEBREW 12:29

sabab Tapa ta taŭn-I sawŭ keya ka apui adi pirabur.