JEREMIAH 14:21 - Hakcipta - Biatah Bidayuh

²¹ Ingat janji Mai ka dŭhnyah ngamun kieh; dŭhnyah ngamun Jerusalem, tarun yŭn takta bragah Mai. Dŭhnyah miranggar simanya adi Kaam mbŭh ndai ngga kieh.

JEREMIAH 14:21 ပူးပေါင်းရင်းမြစ်များ

MAZMUR 106:40

Jadi TUHAN baji di daya-I; ka sidot di ngara.

MAZMUR 106:45

Yŭn kana ngara Ayŭh ingat simanya-I, ka sabab pinyirindu bās-I Ayŭh masi di ngara.

MAZMUR 145:11

Ngara re minyu pasar bragah kuasa-raja Mai ka kidaan pasar kuasa Mai,

MAZMUR 25:11

Digŭng janji Mai, TUHAN, ka apun dosa ku, amai dosa ku bagŭ.

MAZMUR 51:11

Dŭhnyah bada aku miyap so yŭn Mai; dŭhnyah kadi roh kudus Mai so aku.

PINYIRUAH 32:13

Ingat urun urun Mai Abraham, Isaac, ka Jacob. Ingat janji adi Kaam muko ndai di ngara, an nggen di ngara sikiang kiang bagŭ sesang, bagŭ keya ka bitang di rangit, ka nggen di sesang ngara tana adi Kaam muko bijanji re jadi bisaka ngara adu adu.”

ISAIAH 62:6

Di tunduh sindung mu, Jerusalem, aku mbŭh na daya adi tukang jaga; ngara dŭh siŭn pajam sandu ngga singarŭm. Ngara dŭh siŭn dŭh bada TUHAN ingat janji-I ka dŭh tandah Ayŭh kambŭt-i.

JEREMIAH 14:19

TUHAN, Kaam mbŭh batur batur tirawan Judah kah? Kaam tiru di daya Zion kah? Mani Kaam bandar bandar kijera kieh ndŭg ka kieh dŭh dapŭd dog pibua? Kieh jiroh damai, pak mating dapŭd ami; kieh harap adŭp ami dog pibua, pak adi agi kaŭs-i pinyitaru.

JEREMIAH 14:7

Daya Ku bagan buang nang di Aku, ‘Sunggu dosa ami nyarah kieh, turung kieh, TUHAN, nimun adi mbŭh Kaam janji. Kieh ari tagan Kaam; kieh mbŭh bidosa rawan Kaam.

JEREMIAH 17:12

Ramin TUHAN ta inŭh keya ka takta adi bibragah, mijog di tunduh darŭd adi bigatung so sibungas-i.

JEREMIAH 3:17

Kan tika anŭ mandŭg, Jerusalem re dog kadŭn ‘Takta TUHAN’, ka sopŭrŭg bangsa re tikuruk diginŭ nyambah Aku. Ngara re dŭh tia ndai kayuh adi atin tangek ngga atin arap ngara bada ngara ndai.

PUĀS 1:10

Pinganyu-i mirupak sopŭrŭg pinyikaya-i. Ayŭh kiris ngara mŭrŭt Ramin TUHAN, adi TUHAN nagah daya adi dŭh daya Jahudi mŭrŭt.

PUĀS 2:20

Tingga, O TUHAN! Mani Kaam ngukum kieh mun ati? Bara dayung man anak anak adi ngara rindu! Bara imam ngga bara nabi dog siŭ di Ramin TUHAN!

EZEKIEL 20:22

Pak Aku dŭh jadi ndai simŭnŭ, amai anŭ bisa taban arap di adŭn Ku di dupan bangsa bangsa adi mbŭh kiris Aku taban Israel ruah so Egypt.

EZEKIEL 24:21

taban agah ati ka angān adi daya Israel: angān mingangŭn di pinyitagap Ramin TUHAN. Angān gagā tingga-i ka muah tudu-i, pak TUHAN re nyembar-i. Ka ngara adi mara darŭm rawang ngan adi dog tingge di Jerusalem re dog siŭ darŭm perang.

EZEKIEL 39:25

TUHAN Raja nang, “Pak madin Aku re masi di sesang Jacob, adi daya Israel, ka bada ngara pari mujur. Aku re grindung adŭn kudus Ku.

EZEKIEL 43:7

“Manusia, ati inŭh takta Ku. Aku re rŭŭ digiti di ruang daya Ku Israel ka mritah ngara ndŭg situi tui. Daya Ku Israel bait tadŭ tadŭ raja ngara re dŭh tia nyembar adŭn kudus Ku ngga urah ngara adi nyambah tapa tapa bŭkŭn bait kubur tadang tadang raja ngara di tarun ati.

DANIEL 9:7

Kaam, TUHAN, ari ndai kayuh adi batur, pak kieh mbŭh ari nggen mangŭh di adŭp ami. Kayuh ati inŭh sawŭ pasar sopŭrŭg ami adi rŭŭ di Judea ngga di Jerusalem, simŭnŭ gŭh pasar bara daya Israel adi Kaam mbŭh bada papar sasah di barang yŭn di rais rais adi sindŭk ngga adi jo sabab ngara dŭh tŭtŭd di Kaam.

LEVITICUS 26:11

Aku re rŭŭ di ruang ngan darŭm Bari Ku, ka Aku dŭh re tagan angān.

AMOS 6:8

TUHAN Raja adi Bisa-pŭrŭg mbŭh nggen pinyibakan ati: “Aku dŭh rindu uap-sambuh daya Israel; Aku ngamun ramin grua ngara. Aku re nggen sindŭ kupo ngara samŭn sopŭrŭg kayuh adi agi dieh di pinganyu ngara.”

LUKE 1:72

Ayŭh nang Ayŭh re kiren masi-I di tayung-babuk ta ka ingat simanya kudus-I.

LUKE 21:24

Kada re dog siŭ ngga pedang, ka adi bŭkŭn re dog taban bu jadi daya-takap ka rais daya bŭkŭn. Ka daya adi dŭh bangsa Jahudi re digang Jerusalem ndŭg ka tipuh ngara mbŭh ripuan.

EPHESUS 2:7

Ayŭh ndai anŭ ngga-I kiren yŭn adu adu pinyirasi mandis-I adi raru bās darŭm pinyirindu-I adi-I kiren di ata darŭm Kristus Jesus.

DITRONOMI 32:19

“Kan TUHAN kiris kayuh anŭ, Ayŭh raru baji ka tirawan bara anak dari ngga anak dayung-I.

PINANDŬNG 11:2

Pak dŭhnyah ngŭkŭd awah, sabab-i mbŭh yŭn daya adi dŭh puan Tapa, adi re bidigang di Kupo Kudus anŭ sitian pat puru-duwŭh buran.

1 SAMUEL 12:22

TUHAN mbŭh bipayu, ka Ayŭh dŭh re tagan angān, amai Ayŭh mbŭh natu re bada angān jadi daya-I.