JEREMIAH 14:2 - Hakcipta - Biatah Bidayuh

² “Judah inŭh ngurid; kupo kupo-i sindŭk re kabŭs, bara daya-i guring di tana buang susah, ka Jerusalem bagan mite turung.

JEREMIAH 14:2 ပူးပေါင်းရင်းမြစ်များ

JOB 34:28

Sitagar ngara daya sirata sien ka Tapa, ka Ayŭh dingah ngara bagan mite turung.

MAZMUR 144:14

Isa-i sapi ta biranak bagŭ ka dŭh bubu puan kah manyap. Isa-i mating sien susah dog dingah di aran ta.

PINYIRUAH 2:24

adi dingah ka ingat simanya-I ngga Abraham, Isaac, ka Jacob.

ISAIAH 15:5

Aku masi kiris Moab! Daya adi rŭŭ diginŭ mbŭh bu ka kupo Zoar ngga kupo Eglath Shelishiyah. Agi adi maad aran ka Luhith, sien buang ngara panu; agi adi bu ka Horonaim, sien bana.

ISAIAH 24:11

Daya nyirais di aran raya amai wain mbŭh mating. Pinyigaŭn mbŭh manyap adu adu so ong.

ISAIAH 24:4

Ong badŭh ka rayu; ndi ong ong re jadi ramah; ong ngga rangit re madam.

ISAIAH 24:7

Tŭngŭn anggor rayu, ka wain mbŭh makin kurang. Barang naan adi ko pawŭn dawŭ-i mbŭh susah madin,

ISAIAH 3:26

Tiban-bās kupo re muās ka sien; kupo re jadi keya ka dayung guru di tana, sitabet.

ISAIAH 33:9

Tarun tana dŭh dog sita ka mating daya dieh. Tuān Lebanon mbŭh rayu, rubān Sharon adi damŭn mbŭh mun tarun tana-pajam, ka di Bashan ngga di Darŭd Carmel dawŭn dawŭn kayuh mbŭh ruruh so tŭngŭn-i.

ISAIAH 5:7

Israel inŭh teya anggor TUHAN Bisa-pŭrŭg; daya Judah inŭh tŭngŭn-i adi-I purun. Ayŭh harap ngara ndai kayuh adi kana, pak ngara siŭ daya. Ayŭh harap ngara ndai kayuh adi batur, pak sirŭŭn daya adi ngara kisiis dog dingah mite pinyitŭnggŭn.

JEREMIAH 11:11

Jadi madin, Aku, adi TUHAN, bakan ngara nang Aku re bada pinyirusag nyatŭk ngara, ka ngara dŭh re dapŭd pirupas adŭp ngara. Ka kan ngara bagan mite turung so Aku, Aku dŭh re dingah ngara.

JEREMIAH 12:11

Ngara mbŭh bada-i jadi tarun tana-pajam; ka-i matung di sirung jawin Ku. Ndi tarun tana mbŭh jadi tarun tana-sumat, ka mating daya mbit piduri.

JEREMIAH 12:4

Ndŭg sinde tarun tana ami badŭh, ka kupai di barang tarun tana barŭm rayu? Dāng ngga manuk kabŭs sabab pingandai ginaka daya ami, daya adi nang, ‘Tapa dŭh kiris pingandai ta.’ ”

JEREMIAH 18:22

Pait pirupak bada nyirŭgŭh pirinda ramin arŭn ngara; ka ngara re nyirais darŭm taru. Ngara mbŭh kareh rubang isa aku rabu ka darŭm-i ka mbŭh tŭŭn jarat ngga kudog aku.

JEREMIAH 4:28

Ong re ngurid; rangit re karŭm. TUHAN mbŭh minyu ka re dŭh nukar pikir-I. Ayŭh mbŭh matŭd pikir-I ka re dŭh pari.

JEREMIAH 46:12

Bangsa bangsa mbŭh dingah arap ngan; barang naan mbŭh dingah sien ngan. Ndi naan soldadu sikak soldadu adi bŭkŭn, ka soduwŭh ngara rabu ka tana.

JEREMIAH 8:21

Atin ku mbŭh asur sabab daya ku mbŭh asur; aku ngurid; aku mbŭh raru asa.

PUĀS 2:8

TUHAN mbŭh natu adŭp-I an nyirubuh sindung Zion; Ayŭh muko nakit kira yŭn sopŭrŭg pinyirusag-i. Madin tawā ngga sindung mbŭh sopŭrŭg-i rubuh.

PUĀS 2:9

Tiban tiban rubuh, parang parang-i mbŭh asur. Madin raja ngga bara daya adi bās mbŭh dog taran ka rais tami. Ukum-adat mbŭh dŭh tia dog ngajar, ka bara nabi mbŭh dŭh tia kiris keya ka darŭm pŭmŭh kayuh so TUHAN.

PUĀS 5:10

Sibŭrŭk mbŭh bada kieh sungoh, ndŭg ka kurit ami mbŭh paras mun oven-tana.

HOSEA 4:3

Tarun tana re badŭh, ka barang masam kayuh dieh re kabŭs. Sopŭrŭg dāng ngga manuk, ndŭg ka iken, re kabŭs.”

JOEL 1:10

Tana mbŭh mating pimuruh dieh; tana muās sabab gandom mbŭh dog pirusak, buwa anggor mbŭh pisŭk, ka tŭngŭn kanā mbŭh rayu.

JOEL 1:11

Susah, angān adi biteya; sien, angān adi jaga teya anggor, sabab gandom, jari, sawŭ, sopŭrŭg pimuruh mbŭh dog pirusak.

JOEL 1:14

Nggen ukum isa daya bipusa; bagan daya bagŭ bada tikuruk! Bagan bara pinguru samŭn sopŭrŭg daya Judah ka darŭm Ramin TUHAN adi Tapa ngan, ka bagan mite turung so Ayŭh!

JOEL 2:6

Darŭm ngara mandŭg, sopŭrŭg daya mbŭh tikaran; raŭn barang naan daya mbŭh pusat.

HAGGAI 1:11

Aku mbŭh taban raga di ndi tarun tana ati ndŭg ka sandah sandah, ŭmŭh gandom, teya anggor, risŭn kanā, ngga barang masam buwa pimuruh adi tana piruah mbŭh jadi pisŭk. Manusia, dāng dāng, ngga masam masam pimuruh mbŭh sangsara bada tipuh raga.”

ZECHARIAH 7:13

Sabab ngara abah dingah kan Aku minyu, Aku dŭh nam kan ngara bidua.

1 SAMUEL 5:12

Ngara adi dŭh kabŭs gŭh dog andam pirakis ndŭg ka bara daya di kupo anŭ mbŭh mite turung so tapa tapa ngara.

1 SAMUEL 9:16

“Sipagi ngga arong munti andu Aku re pait ka yŭn mu ndi naan daya so tibaran-asar Benjamin; nginyo ayŭh ngga nandā ayŭh adi jadi raja daya Ku. Ayŭh re pirupas ngara so daya Philistine. Aku mbŭh kiris daya Ku sangsara ka mbŭh dingah sien ngara mite turung.”