JEREMIAH 14:19 - Hakcipta - Biatah Bidayuh

¹⁹ TUHAN, Kaam mbŭh batur batur tirawan Judah kah? Kaam tiru di daya Zion kah? Mani Kaam bandar bandar kijera kieh ndŭg ka kieh dŭh dapŭd dog pibua? Kieh jiroh damai, pak mating dapŭd ami; kieh harap adŭp ami dog pibua, pak adi agi kaŭs-i pinyitaru.

JEREMIAH 14:19 ပူးပေါင်းရင်းမြစ်များ

2 KRONIKEL 36:16

Pak ngara napat bara pinyisung Tapa, dŭh tambit piduri di pinganang-I ka tawŭh bara nabi-I, ndŭg ka pinŭbŭn-i TUHAN mbŭh raru baji di daya-I ka mating aran ngara re tungang pirupas adŭp-i so ukum-I.

JOB 30:26

Aku harap di pinyanang ngga jawa, pak gŭt-i pinyusah ngga karŭm mandŭg.

MAZMUR 78:59

Tapa baji kan Ayŭh kiris pingandai ngara, ka Ayŭh tirawan ngara.

MAZMUR 89:38

Pak Kaam baji di raja adi Kaam mbŭh mien; Kaam mbŭh tingge ka tirawan ayŭh.

PITAS 29:1

Kambŭi kuu bitambah baking tiap kari kuu dog nyara, agi andu kuu re binasa ka re dŭh dapŭd makat.

JEREMIAH 12:7

TUHAN nang, “Aku mbŭh tagan Israel; Aku mbŭh tirawan bangsa adi Aku mbŭh mien. Aku mbŭh nggen daya adi Aku rindu ka darŭm tangan pinganyu ngara.

JEREMIAH 12:8

Daya adi Aku mbŭh mien rawan Aku; mun singah di darŭm tarun ngara mbŭh ngŭr Aku, ngapŭi Aku tiru di ngara.

JEREMIAH 15:1

Komŭnŭ TUHAN nang di aku, “Sunggu kambŭi Moses ngga Samuel agi mijog digiti mite masi so Aku, Aku dŭh re masi di bara daya ati. Bada ngara bu; bada ngara bu so sirung jawin Ku.

JEREMIAH 15:18

Mani aku babŭ sangsara? Mani tawan ku abah bua? Kaam re piasa aku kah mun anak sungi adi badŭh di tipuh paras?”

JEREMIAH 30:12

TUHAN nang di daya-I “Tawan ngan dŭh tikuri; angān biragan ka dŭh dapŭd bua.

JEREMIAH 30:13

Mating daya kingat angān, mating uri yŭn pirakis ngan, mating pingarap yŭn ngan re bua.

JEREMIAH 51:5

Aku, adi TUHAN Tapa Bisa-pŭrŭg, bŭn tagan Israel ngga Judah, sunggu ngara mbŭh bidosa rawan Aku, adi Tapa Kudus Israel.

JEREMIAH 6:30

Ngara re dog kadŭn taki basi, sabab Aku, adi TUHAN, mbŭh tirawan ngara.”

JEREMIAH 7:29

“Ngurid meh, angān daya Jerusalem; kapŭg ubok ngan ka taran-i. Nang ragu nyikubur di tibung sandah, sabab Aku, adi TUHAN, mbŭh baji, ka mbŭh tirawan daya Ku.

JEREMIAH 8:15

Ata harap udip damai ngga tika pinyibua mandŭg, pak mating guna-i amai gŭt-i pinyitaru adŭ adi mandŭg.

JEREMIAH 8:22

Mating kah uri di Gilead? Mating kah doktor diginŭ? Mani meh, garang, daya ku dŭh dog pibua?

PUĀS 2:13

O Jerusalem, kupo adi dog rindu, ani bisa ku nang? Aku dŭh dapŭd nyaduh kuu. Gi-bŭn daya sangsara mun kuu. Pinyirusag mu raru bayah mun rawŭt; mating pingarap mu tia.

PUĀS 2:22

Kaam bagan pinganyu ku bada ndai gawai pinyiganas maning aku, ka mating daya dapŭd pirupas adŭp-i di andu anŭ so baji Mai. Ngara siŭ anak anak ku, adi aku nyiran ka rindu.

PUĀS 4:17

Kajŭn pinurung adi bŭn mandŭg, kieh tingga ndŭg ka kieh mbŭh dŭh dapŭd tingga. Kieh kajŭn pinurung so bangsa adi sibatur-i dŭh biyŭn ani ani re-i nggen.

PUĀS 5:22

Kadŭ-i Kaam mbŭh tirawan kieh adu adu? Dŭh arang arang kah baji Mai?

MICAH 1:12

Daya Maroth kajŭn pinurung buang susah, sabab pinyirusag adi TUHAN taban mbŭh sindŭk Jerusalem.

1 THESSALONICA 5:3

Kan daya nang, “Ati tika damai, ka mating ani ani pito,” nganŭ gŭh pinyusah re gŭgŭh timbur ka nyatŭk ngara! Pinyusah anŭ re nyirŭgŭh mandŭg keya ka dayung adi bite nyirŭgŭh naman sarang re biranak, ka mating daya re tungang pirupas adŭp-i so pinyusah anŭ.