JEREMIAH 14:16 - Hakcipta - Biatah Bidayuh

¹⁶ Daya adi dingah pinganang ngara re dog siŭ mun anŭ gŭh. Tadang ngara re dog taran di aran aran di Jerusalem, ka mating daya adi re tukang kubur ngara. Kayuh anŭ re jadi di sopŭrŭg ngara, sawŭn ngara, anak anak dari ngara, ngga anak anak dayung ngara. Aku re bada ngara dapu tanggong udip ginaka ngara.”

JEREMIAH 14:16 ပူးပေါင်းရင်းမြစ်များ

PITAS 1:31

Jadi meh, angān re trima nasip adi situgu ngga kraja pingandai ngan, ka gŭh re kinyam serang kraja pingandai adŭp ngan anŭ.

ISAIAH 51:20

Di sikuh barang aran daya mu tumbang amai ramah; ngara mbŭh keya ka peyu rakat di jarat pingasū. Ngara mbŭh kinyam baji Tapa.

ISAIAH 9:16

Daya adi nguru ngara kinanyap ngara ka bada ngara riruk.

JEREMIAH 16:4

Ngara re kabŭs bada andam adi bisā, ka mating daya re tukang ngurid ngara bait kubur ngara. Tadang ngara re prigure mun tamŭh di tunduh tana. Ngara re dog siŭ darŭm perang bait kabŭs sikirau, ka tadang ngara re jadi pinguman yŭn manuk ngga dāng dāng tarun.

JEREMIAH 18:21

Pak madin, TUHAN, tandah anak anak ngara kabŭs sikirau; tandah ngara dog siŭ darŭm perang. Tandah bara dayung ngara dŭh biyŭn banŭh ngga anak, amai mbŭh abo kabŭs. Tandah bara dari ngara kabŭs mandam ka dari adi mara dog siŭ darŭm perang.

JEREMIAH 20:6

Ka kuu, Pashhur, kuu ngga sopŭrŭg di rawang mu re dog nakap ka dog taban ngga bu ka Babylonia. Diginŭ kuu re kabŭs ka dog kubur, samah ngga sopŭrŭg dingan mu adi ko dingah pinganang kadong mu.’ ”

JEREMIAH 27:15

TUHAN mbŭh nang adŭp-I mating pait ngara; ka ngara mbŭh kadong angān ngga adŭn-I. Ngapŭi Ayŭh re pibu angān, ka angān re dog siŭ, angān ngga nabi nabi anŭ adi kadong angān.”

JEREMIAH 4:18

Judah, kuu mbŭh bada kayuh anŭ nyatŭk adŭp mu so pimudip mu ngga kayuh adi kuu mbŭh ndai. Dosa adŭp mu mbŭh taban sangsara anŭ, ka-i mbŭh tabŭk atin mu.

JEREMIAH 5:31

Sopŭrŭg kayuh adi bara nabi nang inŭh pinganang kadong; bara imam mritah so ka pesan bara nabi anŭ, ka daya Ku mating matah. Pak ani re ngara ndai kan sopŭrŭg-i mungan?”

JEREMIAH 7:33

Tadang re jadi pinguman yŭn manuk ngga dāng tarun, ka re mating daya adi re tukang kasig-i.

JEREMIAH 8:1

“Di tika anŭ turang turang bara raja ngga bara pinurung pritah Judah, samŭn turang turang bara imam, bara nabi, ngga daya daya bŭkŭn adi rŭŭ di Jerusalem, re dog kadi so kubur ngara.

JEREMIAH 8:2

Turang turang anŭ re dŭh dog kubur, pak re mingare di tunduh tana mun tamŭh. Turang turang anŭ re mingare yŭn batŭh andu, buran, ka bitang bitang, adi dog rindu ka adi yŭn ngara anŭ bituan, ka adi yŭn ngara bisiken ka nyambah.

JEREMIAH 9:20

Aku nang, “Dingah pinganang TUHAN, angān adi bara dayung, ka mbit bat di pinganang-I. Ngajar bara anak dayung ngan munki muās, ka bara dingan ngan munki nang ragu nyikubur.

JEREMIAH 9:22

Tadang ngara mbŭh di barang yŭn, mun tugung tamŭh di tana, mun tŭngŭn gandom adi dog japa ka dog tingge daya adi ngatŭm, gandom adi dŭh dog sun. Anŭ inŭh kayuh adi TUHAN bada aku kidaan.”

EZEKIEL 39:14

Kan ju buran anŭ mbŭh ripuan, kudu kudu naan daya re dog mien bada kudak ndi tarun tana da jiroh ka kubur tadang tadang adi dŭm di tunduh tana, isa tarun tana ngara jadi bisig.

AMOS 7:17

Ngapŭi meh, Amaziah, TUHAN nang di kuu, ‘Sawŭn mu re jadi dayung sundar di aran kupo, ka bara anak mu re dog siŭ darŭm biperang. Tana mu re dog kutung ka dog nggen di daya bŭkŭn, ka adŭp mu re kabŭs di rais daya adi dŭh puan Tapa. Ka daya Israel taŭn re dog taran jo so rais adŭp ngara.’ ”

MATTHEW 15:14

“Dŭhnyah piduri ngara! Ngara anŭ pinguru adi karak yŭn bara adi karak; kan ndi naan daya karak kayak ndi naan daya karak, soduwŭh-i re rabu darŭm parit.”

PINANDŬNG 16:1

Komŭnŭ aku dingah sirŭŭn bana so Ramin Tapa minyu di ju naan malaikat anŭ: “Panu angān di ren ju makuk baji Tapa anŭ di ong!”