JEREMIAH 14:12 - Hakcipta - Biatah Bidayuh

¹² Sunggu kambŭi ngara bipusa, Aku dŭh re dingah sirŭŭn ngara mite turung; ka kambŭi ngara jugan sadis badang ngga sadis ruwang kayuh ka Aku, Aku dŭh re munos asŭng di ngara.”

JEREMIAH 14:12 ပူးပေါင်းရင်းမြစ်များ

JOB 27:9

Kan pinyusah mandŭg, re Tapa dingah kah sien ngara mite turung?

PITAS 1:28

Nganŭ angān re bagan pinyibijak, pak aku re dŭh nam. Angān re jiroh aku di barang yŭn, pak angān dŭh re dapŭd aku.

PITAS 15:8

TUHAN munos asŭng kan daya adi kana bidua, pak tiru di sadis adi daya ginaka taban ka Ayŭh.

PITAS 21:27

TUHAN tiru di sadis adi daya ginaka jugan, rabis-i kambŭi ngara jugan-i ngga pinŭtŭn adi sarah.

PITAS 28:9

Kambŭi kuu dŭh sita ukum-adat, dua mu re abah gŭh Tapa dingah.

ISAIAH 58:3

Daya nang, “Re ngga mani ata bipusa kambŭi TUHAN dŭh kiris? Re ngga mani ata dŭh man kambŭi Ayŭh dŭh mbit piduri?” TUHAN nang di ngara, “Di tika angān bipusa, angān mbit bat di har adŭp ngan ka kinanyuh daya adi nyiraja yŭn ngan.

JEREMIAH 11:11

Jadi madin, Aku, adi TUHAN, bakan ngara nang Aku re bada pinyirusag nyatŭk ngara, ka ngara dŭh re dapŭd pirupas adŭp ngara. Ka kan ngara bagan mite turung so Aku, Aku dŭh re dingah ngara.

JEREMIAH 11:14

Jeremiah, dŭhnyah bidua ka Aku bait mite turung so Aku ngga ngarun ngara. Kan ngara darŭm pinyusah ka bagan mite turung so Aku, Aku dŭh re dingah ngara.”

JEREMIAH 15:1

Komŭnŭ TUHAN nang di aku, “Sunggu kambŭi Moses ngga Samuel agi mijog digiti mite masi so Aku, Aku dŭh re masi di bara daya ati. Bada ngara bu; bada ngara bu so sirung jawin Ku.

JEREMIAH 16:4

Ngara re kabŭs bada andam adi bisā, ka mating daya re tukang ngurid ngara bait kubur ngara. Tadang ngara re prigure mun tamŭh di tunduh tana. Ngara re dog siŭ darŭm perang bait kabŭs sikirau, ka tadang ngara re jadi pinguman yŭn manuk ngga dāng dāng tarun.

JEREMIAH 21:6

Aku re siŭ sopŭrŭg daya adi rŭŭ darŭm kupo ati; manusia ngga dāng sopŭrŭg re kabŭs dog andam adi bisā.

JEREMIAH 24:10

Aku re bada agi perang, udip sikirau, ka andam di yŭn ngara ndŭg ka ngara mating tia dŭm di tarun tana adi Aku mbŭh nggen di ngara ka di tayung-babuk ngara.”

JEREMIAH 32:24

“Daya Babylonia mbŭh nugung tana ngga nyikapung kupo ka sirabut-i, ka ngara mbŭh nyerang madin. Perang, udip sikirau, ka andam re bada kupo ati rabu ka darŭm tangan ngara. Kaam dapŭd kiris sopŭrŭg kayuh, adi Kaam mbŭh nang, jadi bitŭtŭk.

JEREMIAH 6:20

Re Ku ngga mani kimanyan adi ngara taban so Sheba, bait rapah rapah so tarun tana adi jo? Aku dŭh re trima pinganggen ngara bait re munos asŭng di sadis ngara.

JEREMIAH 8:13

“Aku raan nguruk daya Ku, mun tukang teya nguruk buwa pingatŭm; pak ngara keya ka tŭngŭn anggor adi mating buwa-i, keya ka tŭngŭn ara adi mating buwa-i; ndŭg ka dawŭn dawŭn-i gŭh mbŭh rayu. Anŭ meh sabab Aku mbŭh bada daya sapa tambit tarun tana anŭ.”

JEREMIAH 9:16

Aku re bada ngara papar sasah di dupan bangsa bangsa adi dŭh ngara bait tayung-babuk ngara puan, ka Aku re pait bara tibaran soldadu bada nyerang ngara ndŭg ka Aku mbŭh batur batur pirabur ngara.”

EZEKIEL 14:19

“Kambŭi Aku pait sesak-andam ka rais anŭ, ka darŭm baji Ku siŭ bagŭ daya ka dāng,

EZEKIEL 14:21

Ati inŭh kayuh adi TUHAN Raja nang: “Aku re pait pat ukum Ku adi bisā bada nyatŭk Jerusalem, anŭ inŭh perang, apag, dāng tarun, ka andam, ngga pirabur manusia ka dāng.

EZEKIEL 8:18

Ngara re kinyam bisā baji Ku. Aku dŭh re tandah bait masi di ngara. Ngara re nyirais ngga situngang ngara nang dua ka Aku, pak Aku dŭh re dingah ngara.”

HOSEA 5:6

Ngara tambit biri ngga sapi an ngara jugan ka TUHAN, pak pingandai anŭ dŭh biguna. Ngara dŭh tungang dapŭd Ayŭh, amai Ayŭh mbŭh tingge ngara.

AMOS 5:21

TUHAN nang, “Aku tiru di gawai adat ngan; Aku dŭh tan tingga-i!

MICAH 3:4

Tika-i re mandŭg kan angān re sien bagan TUHAN, pak Ayŭh dŭh re nam angān. Ayŭh dŭh re dingah dua ngan, amai angān mbŭh ndai arap.

ZECHARIAH 7:13

Sabab ngara abah dingah kan Aku minyu, Aku dŭh nam kan ngara bidua.

MALACHI 1:10

TUHAN Bisa-pŭrŭg nang, “Kana dŭ inŭh ndi naan so angān tŭŭp adŭ tiban Ramin Ku isa angān dŭh ndai apui adi dŭh biguna di tunduh mija-sambah Ku. Aku dŭh munos asŭng di angān; Aku dŭh re trima sadis sadis adi angān taban ka Aku.

MALACHI 2:13

Ati ndi dinge kayuh adi angān ndai. Angān pirŭnggŭd mija-sambah TUHAN ngga randang batŭh, muās buang sien bana sabab Ayŭh mbŭh dŭh tia trima sadis adi angān taban ka Ayŭh.

PINANDŬNG 6:8

Aku tingga ka kiris kuda adi pusat. Pinunggang-i inŭh dog kadŭn Pinyikabŭs, ka Sibayan agi tunda, sindŭk di punok. Ngara dog nggen kuasa di tunduh ndi utung darŭm pat so ong ati, da siŭ daya ngga biperang, ngga apag, ngga andam, ka ngga dāng tarun.