JEREMIAH 13:25 - Hakcipta - Biatah Bidayuh

²⁵ Ayŭh mbŭh nang anŭ inŭh re pinŭbŭn mu. Anŭ inŭh kayuh adi Ayŭh mbŭh natu an ndai di tunduh mu sabab kuu mbŭh kambŭt Ayŭh ka mbŭh bisangan di tapa tapa kadong.

JEREMIAH 13:25 ပူးပေါင်းရင်းမြစ်များ

JOB 20:29

Anŭ inŭh nasip daya adi ginaka, nasip adi Tapa nitah yŭn ngara.

MAZMUR 11:6

Ayŭh buan bam apui ka apui mirirang di tunduh daya adi ginaka; Ayŭh ngukum ngara ngga sabak paras.

MAZMUR 9:17

Pinyikabŭs inŭh pimungan sopŭrŭg daya ginaka, pimungan sopŭrŭg adi tirawan Tapa.

ISAIAH 17:4

TUHAN nang, “Andu-i re mandŭg kan bās Israel re mungan, ka kaya raja-i re manyap.

ISAIAH 28:15

Angān ngangŭn adŭp ngan mbŭh ndai simanya ngga pinyikabŭs ka ndai janji ngga ong daya adi mbŭh kabŭs. Angān nang adŭp ngan tatu re dŭh dog nyatŭk pinyusah kan-i mandŭg, sabab angān bisangan di pinganang kadong ngga tipu ngga nyiramat adŭp ngan.

ISAIAH 34:17

TUHAN inŭh adi re kutung tarun tana yŭn ngara ka nggen di barang pŭrŭng ndi utung. Ngara re adu adu rŭŭ di tarun tana anŭ, so turap ndi ndŭg turap andi.

ISAIAH 65:7

dosa ngara ngga dosa tayung-babuk ngara. Ngara mbŭh badang kimanyan di bari-sambah adat karŭm di sandah ka ngamun Aku. Ngapŭi Aku re ngukum ngara nanyam patut yŭn pingandai adŭp ngara.”

JEREMIAH 10:14

Kiris kayuh anŭ, manusia rada adŭp-i budo buang bawa; ngara adi ndai tibudo re kinyam adŭp-i asa, sabab tapa tapa adi ngara ndai inŭh tapa kadong ka adi dŭh udip.

JEREMIAH 18:15

Pak daya Ku kambŭt Aku; ngara badang kimanyan ka tibudo. Ngara mbŭh sikak sikakong di aran adi ngara mien, ngara dŭh tia kadŭg aran adi amba; ngara panu di aran adi bayuh dog pirata.

JEREMIAH 2:13

amai daya Ku mbŭh ndai duwŭh dosa: ngara mbŭh tagan Aku, atak piin bisig, ka ngara mbŭh kareh pagong, pagong adi siret ka adi dŭh adŭ dapŭd nyikŭn piin.

JEREMIAH 2:32

Mbŭh kah dayung bujang kambŭt pimakai mas-i, bait pingaten dayung kambŭt piraka adi nēn-i di tika sawan? Pak daya Ku mbŭh kambŭt Aku, ka mbŭh kambŭt Aku rabis tui so tungang dog kira.

JEREMIAH 3:21

Agi sirŭŭn dog dingah di tibung tibung sandah, anŭ inŭh sirŭŭn daya Israel sien mite turung, sabab ngara mbŭh udip darŭm dosa ka mbŭh kambŭt TUHAN adi Tapa ngara.

EZEKIEL 23:35

Jadi ati inŭh kayuh adi TUHAN Raja nang: “Sabab kuu kambŭt Aku ka mbŭh nyipunok Aku, kuu re sangsara amai pinyiripong pŭrŭng mu ngga kraja nyundar mu.”

MICAH 3:11

Bara pimritah kupo mritah ngga dapŭd suap, bara imam nggen rati Ukum-adat ngga dapŭd upah, bara nabi kidaan pinandŭng ngga dapŭd duit; ka sopŭrŭg ngara samah nang TUHAN agi ngga ngara. “Ata dŭh re dog nyatŭk pinyirusag,” ngara nang. “TUHAN agi ngga ata.”

ZEPHANIAH 3:2

Kupo anŭ abah dingah pinganang pitayan TUHAN bait tunda ajar-I. Kupo anŭ abah na pinyabah-i di TUHAN bait mite turung so Ayŭh.

MATTHEW 24:51

Tuan anŭ re nŭtŭb ayŭh ka bada ayŭh kinyam nasip daya pingadong. Diginŭ ayŭh re sien buang sangsara.

ROME 1:25

Ngara nyambi ajar adi sawŭ pasar Tapa ngga pinyikadong; ngara nyambah ka bituan di kayuh adi Tapa ko napa, dŭh nyambah adŭp Tapa, adi patut dog muji ndŭg situi tui! Amen.