JEREMIAH 13:17 - Hakcipta - Biatah Bidayuh

¹⁷ Kambŭi angān abah dingah, Aku re sien darŭm bisukan sabab uap-sambuh ngan; Aku re nyisakuk sien, ka randang batŭh ku re pripasog ruah sabab daya TUHAN mbŭh dog taban ngga bu jadi daya-takap.

JEREMIAH 13:17 ပူးပေါင်းရင်းမြစ်များ

MAZMUR 119:136

Randang batŭh ku aman mun piin sungi, sabab daya dŭh tunda ukum-adat Mai.

MAZMUR 80:1

Dingah kieh, O Pingingat Israel; dingah kieh, pinguru kaban biri Mai. Guru di takta Mai di tunduh cherubim,

ISAIAH 63:11

Pak komŭnŭ ngara ingat kayuh adi mbŭh jadi jah, jaman Moses, adi urun TUHAN, ka ngara siken, “Diki TUHAN madin, adi ko nguru bara pinguru daya-I mutas rawŭt ngga siramat? Diki TUHAN, adi nggen roh-I ka Moses?

JEREMIAH 14:17

TUHAN pesan aku bada kidaan di daya pasar pinyusah ku. Aku patut nang: “Isa-i randang batŭh ku pripasog ruah sandu ngga singarŭm, isa-i aku dŭh ko muās, amai daya ku mbŭh biragan ka mbŭh bana sangsara.

JEREMIAH 15:17

Aku dŭh bigaur ngga daya adi nguruk adŭp-i, yŭn pawŭn ka rami. Sabab aku nundok di Kaam aku nyadi adŭp ku buang aku raru baji.

JEREMIAH 17:16

Pak, TUHAN, aku bŭn ngasu Kaam taban pinyirusag ka ngara; Aku dŭh mite tika pinyusah yŭn ngara. TUHAN, Kaam puan kayuh anŭ; Kaam puan kayuh adi aku nang.

JEREMIAH 22:5

Pak kambŭi angān dŭh tunda pesan Ku, Aku bipayu di angān nang istana ati re rubuh. Aku, adi TUHAN, mbŭh minyu.

JEREMIAH 23:1

Munki masam bisā-i re ukum TUHAN di tunduh bara pimritah anŭ adi pirabur ka bada papar sasah daya-I!

JEREMIAH 23:2

Ati inŭh kayuh adi TUHAN, adi Tapa Israel, nang pasar pimritah adi sipatut-i kingat daya-I: “Angān dŭh kingat daya Ku; angān bada ngara papar sasah ka mbŭh pibu ngara. Madin Aku re ngukum angān amai arap adi angān muko ndai.

JEREMIAH 9:1

Kasi ka ubak ku keya ka prigi adi puno ngga piin, ka batŭh ku keya ka sumbur adi mirasit piin-i, isa aku bisa sien sandu ngga singarŭm yŭn daya ku adi mbŭh dog siŭ.

PUĀS 1:16

“Anŭ inŭh sabab randang batŭh ku pripasor ruah. Mating daya dapŭd nyaduh aku; mating daya dapŭd ngatat aku. Pinganyu mbŭh ngarah aku; daya ku mbŭh dŭh biyŭn ani ani tia.

PUĀS 1:2

Ndi ngarŭm ngarŭm ayŭh sien; randang batŭh misa paŭp-i. Ndi naan so bara jerā-i mating gŭh an nyaduh ayŭh. Bara pambit-i mbŭh tagan ayŭh ka sopŭrŭg mbŭh rawan ayŭh madin.

PUĀS 1:9

Pinyikais-i tungang dog kiris, pak ayŭh dŭh mbit piduri. Pinyirabu-i re bisā; mating daya re dapŭd nyaduh ayŭh. Pinganyu-i mbŭh manang, ka ayŭh sien mite masi so TUHAN.

PUĀS 2:18

O Jerusalem, bada sindung mu nyirais bagan TUHAN! Bada randang batŭh mu aman mun sungi sandu ngga singarŭm; pirarah adŭp mu ngga puās ka susah.

PUĀS 3:48

Randang batŭh ku aman mun sungi, kiris pinyirusag daya ku.

EZEKIEL 24:16

“Manusia,” Ayŭh nang, “ngga ndi pukong Aku re tambit sianŭ adi kuu ruai rindu. Kuu dŭh siŭn mingungut bait sien puan kah ngurid.

EZEKIEL 34:31

“Angān biri Ku, kaban biri adi Aku paan, inŭh daya Ku, ka Aku inŭh Tapa ngan,” nang TUHAN Raja.

EZEKIEL 36:38

Kupo kupo adi rubuh madin re puno ngga dudu daya nimun Jerusalem ko dawŭ-i puno ngga biri biri adi dog jugan ndu sadis di tika gawai. Nŭ ngara re puan nang Aku ati TUHAN.”

EZEKIEL 9:4

“Panu ka barang yŭn darŭm kupo Jerusalem ka na tandā di arŭ barang naan daya adi susah ka adi bipito sabab sopŭrŭg kayuh sipŭ adi dog ndai darŭm kupo.”

MALACHI 2:2

Angān dŭh siŭn dŭh stabi di Aku ngga pingandai ngan. Kambŭi angān dŭh tunda pinganang Ku, Aku re mangu angān. Aku re mangu kayuh adi angān dapŭd adi ngga angān kudip adŭp ngan. Sawŭ, Aku muko mangu kayuh kayuh anŭ, sabab angān dŭh mbit bat di pesan Ku.

1 SAMUEL 15:11

“Aku nyesar aku bada Saul jadi raja; ayŭh nyipunok aku ka mbŭh nyibireu pesan ku.” Samuel baji ka ndi ngarŭm ngarŭm ayŭh bidua ka TUHAN.

1 SAMUEL 15:35

Sitŭkŭd Samuel udip, ayŭh bŭn tia kiris Saul; ayŭh susah amai TUHAN nyesar ko bada Saul jadi raja Israel.