JEREMIAH 13:16 - Hakcipta - Biatah Bidayuh

¹⁶ Stabi di TUHAN, adi Tapa ngan, diŭ so Ayŭh taban pinyikarŭm, ka angān sikak sikakong di darŭd; diŭ so Ayŭh bada jadi karŭm patŭ' jawa adi angān harap.

JEREMIAH 13:16 ပူးပေါင်းရင်းမြစ်များ

JOB 3:5

Bada-i jadi andu adi nyabūk ka karŭm patŭ'; nutu-i ngga abun, ka kadi jawa so batŭh andu.

MAZMUR 107:10

Kada udip darŭm susah ngga darŭm karŭm, daya-takap sangsara dog muak ngga parik basi,

MAZMUR 107:14

Ayŭh pirupas ngara adi udip darŭm susah ngga darŭm karŭm ka matŭd parik basi ngara.

MAZMUR 29:2

Muji adŭn bragah TUHAN; mutu di sirung jawin Ayŭh adi Kudus kan Ayŭh nandŭng.

MAZMUR 44:19

Pak Kaam tagan kieh adi rumuh di dupan dāng tarun; Kaam tagan kieh di darŭm karŭm patŭ'.

PINYIRUAH 10:21

Komŭnŭ TUHAN nang di Moses, “Pakat tangan mu tiju rangit, ka karŭm adi karŭm patŭ' re kinarŭm ndi tarun tana Egypt.”

PITAS 4:19

Aran adi daya ginaka kadŭg, inŭh karŭm mun singarŭm. Ngara rabu, pak dŭh dapŭd kiris kayuh adi ngara sikak.

EKLISIASTIS 11:8

Nggen trima kaseh yŭn barang sawa nŭŭh udip. Munki masam tui nŭŭh udip, nŭŭh re rabis tui kabŭs. Ani meh re nŭŭh harap.

ISAIAH 5:30

Kan andu anŭ mandŭg, ngara re ngāb bana sak jawŭn girumbang di rawŭt, darŭm ngara nyerang Israel. Tingga meh, ndi rais rais anŭ dog marut karŭm ngga pinyusah! Jawa dog tŭrŭn karŭm!

ISAIAH 59:10

ka ata kāp tarun mun daya karak. Ata sikak sikakong ngga yun kumbeng, mun di tika karŭm, keya ka ata mbŭh darŭm ong daya adi mbŭh kabŭs.

ISAIAH 59:9

Bara daya anŭ nang, “Madin ata puan mani Tapa dŭh nyiramat ata so daya adi kinanyuh ata. Ata harap sekar jawa ngga ta panu, pak karŭm adŭ agi,

ISAIAH 60:2

Bangsa bangsa bŭkŭn re dog nutu karŭm, Pak di tunduh mu jawa TUHAN re nyekar; Jawa bragah-I re agi ngga kuu.

ISAIAH 8:22

puan kah tingga tana, ngara dŭh kiris ani ani adŭ-i pinyusah ngga pinyikarŭm; pinyikarŭm adi sipŭ adi ngara dog takan bada mŭrŭt.

JEREMIAH 14:19

TUHAN, Kaam mbŭh batur batur tirawan Judah kah? Kaam tiru di daya Zion kah? Mani Kaam bandar bandar kijera kieh ndŭg ka kieh dŭh dapŭd dog pibua? Kieh jiroh damai, pak mating dapŭd ami; kieh harap adŭp ami dog pibua, pak adi agi kaŭs-i pinyitaru.

JEREMIAH 2:6

Ngara dŭh piduri Aku, sunggu Aku pirupas ngara so Egypt ka taban ngara mutas tarun tana-pajam: tana sumat ngga sandah sumat, tarun adi badŭh buang rapā yŭn kayuh adi arap adi mating daya rŭŭ dieh ka mating daya raan mutas.

JEREMIAH 23:12

Aran adi ngara kadŭg re jarŭh ka karŭm; Aku re bada ngara sikak sikakong ka rabu. Aku re taban pinyirusag bada nyatŭk ngara; tika ukum ngara mbŭh sindŭk. Aku, adi TUHAN, mbŭh minyu.

JEREMIAH 4:23

Aku tingga ong, ka mating ani ani dieh buang matung. Aku tingga rangit, ka mating sekar jawa dieh.

JEREMIAH 50:6

“Daya Ku mbŭh keya ka kaban biri adi pingingat-biri mbŭh bada manyap di arong darŭd. Ngara mbŭh bigandon mun kaban biri so darŭd ndi di ka darŭd andi, ka ngara mbŭh kambŭt tarun yŭn ngara rŭŭ.

JEREMIAH 6:21

Ngapŭi Aku re bada bara daya anŭ sikak ka rabu. Pimas ngga anak-anya re kabŭs, ka simŭnŭ gŭh jerā ngga rasū.”

JEREMIAH 8:15

Ata harap udip damai ngga tika pinyibua mandŭg, pak mating guna-i amai gŭt-i pinyitaru adŭ adi mandŭg.

PUĀS 4:17

Kajŭn pinurung adi bŭn mandŭg, kieh tingga ndŭg ka kieh mbŭh dŭh dapŭd tingga. Kieh kajŭn pinurung so bangsa adi sibatur-i dŭh biyŭn ani ani re-i nggen.

EZEKIEL 21:15

Pedang anŭ bada pinyipagan daya Ku manyap ka bada ngara tiparak rabu. Aku natang kupo ngara ngga pedang adi mikirab mun kijat ka sidia re siŭ.

EZEKIEL 34:12

nimun pingingat-biri kingat biri ngara adi mingare ka dog nguruk dinge. Aku re taban ngara ngga pari so barang yŭn di yŭn ngara mbŭh mingare di andu adi karŭm ka adi arap anŭ.

EZEKIEL 36:15

Tarun tana ati re dŭh tia dingah bangsa bangsa ngamun adŭp-i bait kiris daya nyirimbe adŭp-i. Tarun tana ati re dŭh tia kinanyap daya adi rŭŭ darŭm adŭp-i. Aku, adi TUHAN Raja, mbŭh minyu.”

JOEL 2:2

Andu anŭ re karŭm buang pajam andu anŭ singŭt ka kruman Bara tibaran kadis masang mun karŭm nutu darŭd. Gi-mating kayuh mun anŭ, ka re mating mun anŭ dinge.

AMOS 4:13

Tapa inŭh adi ndai sopŭrŭg darŭd ka adi napa sabak. Ayŭh bada pikir kira-I dog puan manusia; Ayŭh ngubah sandu jadi ngarŭm. Ayŭh panu di tibung tibung ong. TUHAN Tapa Bisa-pŭrŭg, anŭ inŭh adŭn-I!

AMOS 5:18

Munki masam sipŭ-i re di angān adi gruwŭn andu TUHAN! Ani kana-i andu anŭ di angān? Di angān anŭ re andu adi karŭm ka dŭh-i andu adi jawa.

MALACHI 2:2

Angān dŭh siŭn dŭh stabi di Aku ngga pingandai ngan. Kambŭi angān dŭh tunda pinganang Ku, Aku re mangu angān. Aku re mangu kayuh adi angān dapŭd adi ngga angān kudip adŭp ngan. Sawŭ, Aku muko mangu kayuh kayuh anŭ, sabab angān dŭh mbit bat di pesan Ku.

JOHN 12:35

Jesus nam, “Dŭm nyitiro adŭ jawa agi ngga angān. Panu meh darŭm jawa san angān biyŭn-i, sibia-i angān sidatan karŭm, amai daya adi panu darŭm karŭm dŭh puan kamaki-i panu.

JOSHUA 7:19

Joshua nang di ayŭh, “Nak, kidaan ngga sawŭ digiti, di sirung jawin TUHAN, adi Tapa Israel, ka kidaan di aku madin kayuh adi ko mu ndai. Dŭhnyah miman so aku.”

1 PETER 2:8

Agi gŭh dog nuris sakati darŭm Surat-kudus, “Ati inŭh batuh adi re bada daya sikak, tibande batuh adi re bada ngara rabu.” Ngara sikak sabab ngara dŭh sabah di pinganang anŭ; simŭnŭ inŭh pingatur Tapa di ngara.

1 SAMUEL 6:5

Angān dŭh siŭn dŭh ndai suto-gayŭn pirakis ngga suto-gayŭn babu anŭ adi nyerang rais ngan, ka angān dŭh siŭn dŭh nggen stabi di Tapa Israel. Kadŭ Ayŭh an ko ngukum angān, tapa tapa ngan ngga tana ngan.