JEREMIAH 13:10 - Hakcipta - Biatah Bidayuh

¹⁰ Bara daya adi arap anŭ abah nundok di Aku. Ngara baking ka babŭ ginaka, ka mbŭh nyambah ka bituan di tapa tapa bŭkŭn. Ngapŭi meh, ngara re jadi mun sinjang rajut anŭ adi mbŭh dŭh tia biguna.

JEREMIAH 13:10 ပူးပေါင်းရင်းမြစ်များ

MAZMUR 78:8

Ngara dŭh re mun tayung-babuk ngara adi an birawan ka adi dŭh an dingah pinganang, adi dŭh sukup sabah di Tapa ka adi dŭh tui tŭtŭd di Ayŭh.

EKLISIASTIS 11:9

Angān adi babŭ mara, pimunos adŭp ngan ngga udip mara ngan. Nyipawŭn adŭp ngan darŭm angān gibabŭ mara. Ndai kayuh adi angān raan, ka tunda pinyiraan atin ngan. Pak ingat Tapa re tingga arap kana ngan di barang kraja pingandai ngan.

ISAIAH 3:24

Madin ngara pakai wangi, pak te ngara re buuh madam; abŭt kupong ngara adi duduh re dog gati ngga taris baga ka kasar; ubok ngara adi ramus re ruruh ndŭg ka ubak ngara badu; piraka grua ngara re dog gati ngga jamut; jawin ngara adi ramus re puno bada arit!

JEREMIAH 11:10

Ngara ndai dosa adi tayung-babuk ngara mbŭh ndai jah; ngara abah ndai kayuh adi Aku bada; ngara mbŭh nyambah tapa tapa bŭkŭn. Israel ngga Judah mbŭh miranggar simanya adi Aku mbŭh ndai ngga tayung-babuk ngara.

JEREMIAH 11:18

TUHAN nggen puan di aku pasar pekat adi bara pinganyu ku ndai rawan aku.

JEREMIAH 13:7

Jadi aku pari, ka kan aku mbŭh ndŭg tarun yŭn aku sukan-i, aku kiris-i mbŭh rusak ka dŭh tia biguna.

JEREMIAH 16:12

Ka angān mbŭh ndai kayuh adi rabis arap so adi mbŭh tayung-babuk ngan ndai. Sopŭrŭg ngan baking buang arap, ka angān abah dingah pinganang Ku.

JEREMIAH 16:4

Ngara re kabŭs bada andam adi bisā, ka mating daya re tukang ngurid ngara bait kubur ngara. Tadang ngara re prigure mun tamŭh di tunduh tana. Ngara re dog siŭ darŭm perang bait kabŭs sikirau, ka tadang ngara re jadi pinguman yŭn manuk ngga dāng dāng tarun.

JEREMIAH 20:4

Adŭp TUHAN mbŭh nang, ‘Aku re bada kuu jadi pinyitaru di adŭp mu ka di bara dingan mu, ka kuu re kiris sopŭrŭg ngara dog siŭ pinganyu pakai pedang. Aku re na sopŭrŭg daya Judah di ribo kuasa raja Babylonia; ayŭh re taban ngga bu kudu kudu naan jadi daya-takap ka rais adŭp-i ka adi bŭkŭn ayŭh bada dog siŭ.

JEREMIAH 22:21

TUHAN minyu ngga angān di tipuh angān mujur ka kaya, pak angān abah dingah. Simŭnŭ inŭh angān sitŭkŭd udip ngan; angān abah nundok di TUHAN.

JEREMIAH 23:17

Di daya adi abah dingah pinganang Ku, ngara ari nang ngara re siramat. Ka ngara kidaan di barang naan daya adi baking nang pinyirusag dŭh re dog ngara.”

JEREMIAH 3:17

Kan tika anŭ mandŭg, Jerusalem re dog kadŭn ‘Takta TUHAN’, ka sopŭrŭg bangsa re tikuruk diginŭ nyambah Aku. Ngara re dŭh tia ndai kayuh adi atin tangek ngga atin arap ngara bada ngara ndai.

JEREMIAH 35:15

Aku babŭ ari pait ka angān bara urun Ku adi bara nabi, ka ngara mbŭh kidaan di angān bada pasan aran pimudip ngan adi arap anŭ ka ndai kayuh adi batur. Ngara bakan angān bada dŭh nyambah tibudo bait bituan di tapa tapa bŭkŭn, isa angān dapŭd tui rŭŭ di tarun tana adi Aku mbŭh nggen di tayung-babuk ngan. Pak angān dŭh raan dingah Aku bait mbit piduri di pinganang Ku.

JEREMIAH 44:16

“Kieh dŭh an dingah kayuh adi kuu nang ngga adŭn TUHAN.

JEREMIAH 44:5

Pak angān dŭh an dingah ka abah mbit piduri. Angān abah pasan kraja pingandai arap ngan anŭ adi jugan sadis ka tapa bŭkŭn.

JEREMIAH 5:23

Pak angān! Angān baking ka an birawan; angān mbŭh miriseu ka tagan Aku.

JEREMIAH 7:13

Angān mbŭh ndai sopŭrŭg dosa anŭ, ka sunggu Aku pari pari minyu ngga angān, angān abah dingah. Angān abah nam kan Aku bagan angān.

JEREMIAH 7:6

Dŭh tia kinanyuh daya saruh, anak tumang, ka dayung uban. Dŭh tia siŭ daya adi dŭh sarah di tarun tana ati. Dŭh tia nyambah tapa tapa bŭkŭn, amai anŭ re pirabur angān.

JEREMIAH 8:5

Mani meh garang, daya Ku, angān bu tagan Aku ka dŭh pari ka Aku? Angān rakat di tibudo ngan ka abah pari ka Aku.

JEREMIAH 9:13

TUHAN nam, “Kayuh mbŭh jadi simŭnŭ amai daya Ku mbŭh tagan ajar adi Aku mbŭh nggen di ngara. Ngara dŭh dingah pinganang Ku bait ndai kayuh adi Aku bada ngara ndai.

JEREMIAH 9:14

Ngara baking buang mbŭh nyambah tibudo Baal nimun adi dog ngajar tayung-babuk ngara.

PINYIKIANG 14:11

TUHAN nang di Moses, “Ndŭg sinde bara daya ati babŭ tirawan Aku? Ndŭg sinde ngara abah bisaya di Aku, sunggu Aku mbŭh ari ndai pingandai-nginga di ruang ngara?

PINGANDAI 7:51

“Angān daya adi paŭh baking! Nimun ngara adi dŭh biguna di Tapa, angān dŭh an kuka atin ngan di pinganang Tapa! Angān mbŭh mun tayung-babuk ngan, ari rawan Roh Kudus!

HEBREW 12:25

Ingat meh garang, dŭhnyah abah dingah sianŭ adi minyu. Daya adi abah dingah pinganang sianŭ adi mandŭg ka ong di piagah agah so Tapa, dŭh tungang nyiramat adŭp-i. Ata rabis dŭh tungang nyiramat adŭp ta kambŭi ata nyipunok Ayŭh adi minyu so shorga!