6 Ndŭg ka bara madis mu, bara adi darŭm rawang mu, mbŭh tirawan kuu; ngara sua ngga daya adi nyerang kuu. Dŭhnyah sabah ngara, sunggu pinganang ngara mandis.”
TUHAN nang di aku, “Munki masam pingingat-biri prikiak nyirais, ngara dŭh dapŭd kasig singah bada bu so dāng adi ko-i siŭ; simŭnŭ gŭh kayuh re mating dapŭd matŭn Aku, adi TUHAN Bisa-pŭrŭg, grindung Sandah Zion.
Aku mbŭh keya ka anak biri adi re dog siŭ, ka aku dŭh puan ngara mbŭh bisatur kayuh adi arap ngga rawan aku. Ngara nang, “Ja ata tabŭng tŭngŭn kayuh anŭ darŭm-i gibabŭ biyŭn pŭtŭk-i; ja ata siŭ ayŭh isa daya mating ingat ayŭh tia.”
Aku dingah barang naan daya sigayas, “Pinyitaru mbŭh di barang yŭn! Ja di ripot ayŭh di ngara adi bikuasa!” Ndŭg ka bara jerā ku kajŭn pinyirabu ku. “Kadŭ ayŭh dapŭd dog ngarah pakai aran tipu,” ngara nang; “ka ata dapŭd nakap ayŭh ka maras dendam.”
Ngara ari sidia an kadong; di ndi tarun tana rais, anŭ adi sawŭ dŭh bikuasa, pak atin bidikok mbŭh mritah. TUHAN nang, “Daya Ku dŭh ko ko ndai arap, ka dŭh ngaku Aku Tapa ngara.”
Barang naan an jaga adŭp-i so dingan-i, ka jurud pasid dŭh gŭh bisa dog sabah; amai barang naan mbŭh pinipu mun Jacob, ka barang naan kinarap dingan-i.
Sopŭrŭg ngara nipu dingan-i, ka mating adi nang kayuh adi sawŭ; ngara mbŭh pikanyet jura ngara minyu kadong ka dŭh re ko bidosa. Ngara dŭh ko ko ganas, ka dŭh ko ko ndai pingandai tipu. TUHAN nang daya-I mbŭh tirawan adŭp-I.
Bara pingibās bangsa Jahudi suba an nakap Jesus, sabab ngara puan Ayŭh mbŭh nyidundan upama anŭ pasar ngara. Pak ngara taru bara daya, jadi ngara bu tingge Ayŭh.