JEREMIAH 12:14 - Hakcipta - Biatah Bidayuh

¹⁴ TUHAN nang, “Aku agi kayuh an Ku nang di bangsa bangsa adi maning Israel adi mbŭh pirusak tarun tana adi Aku mbŭh nggen di daya Ku Israel. Aku re kadi bangsa bangsa adi ginaka anŭ so rais rais ngara mun dimbut anak kayuh-udip, ka Aku re nyiramat Judah so tangan ngara.

JEREMIAH 12:14 ပူးပေါင်းရင်းမြစ်များ

MAZMUR 105:15

“Dŭhnyah ida ida ngga bara urun Ku adi Aku mbŭh mien; dŭhnyah bada bara nabi Ku kinaman.”

MAZMUR 106:47

Nyiramat kieh, O TUHAN Tapa ami, ka taban kieh pari so dupan dudu bangsa, isa kieh bisa nggen trima kaseh ka muji adŭn kudus Mai.

JEREMIAH 2:3

Israel, kuu dog dapu Aku sadi; kuu inŭh rata kudus Ku. Aku pait udip sangsara ngga pinyirusag di barang naan adi bada kuu kinaman. Aku, adi TUHAN, mbŭh minyu.”

JEREMIAH 25:9

‘Aku re bagan sopŭrŭg daya di utara samŭn urun Ku, Raja Nebuchadnezzar so Babylonia. Aku re bada ngara rawan Judah ngga sopŭrŭg adi rŭŭ dieh samŭn bangsa bangsa adi rŭŭ maning-i. Aku re pirabur bangsa ati samŭn ngara adi maning-i ka tandah-i adu adu jadi tibawang. Anŭ re kayuh adi sipŭ ka adi gŭgŭh daya kiris. Aku, adi TUHAN, mbŭh minyu.

JEREMIAH 3:18

Israel re jadi ndi ngga Judah, ka samah ngara re mandŭg so rais adi yŭn ngara dog taran ka pari ka tarun tana adi Aku mbŭh nggen di tayung-babuk ngara ndu bisaka.”

JEREMIAH 32:37

Aku re nguruk bara daya so sopŭrŭg rais adi yŭn Ku mbŭh bada ngara papar sasah amai baji ngga bangok Ku, ka Aku re taban ngara ngga pari ka tarun yŭn ati ka bada ngara rŭŭ digiti ngga siramat.

JEREMIAH 48:1

Ati inŭh kayuh adi TUHAN Bisa-pŭrŭg nang pasar Moab: “Tadah gŭh daya Nebo kupo ngara mbŭh dog pirabur! Kiriathaim mbŭh dog sirabut, kuta kuta-i adi tagap mbŭh rubuh. ka daya-i mbŭh dog pimangŭh;

JEREMIAH 48:47

Pak di tika adi re mandŭg TUHAN re bada Moab mujur dinge. Sopŭrŭg anŭ inŭh kayuh adi TUHAN mbŭh nang re jadi di Moab.

JEREMIAH 49:1

Ati inŭh kayuh adi TUHAN nang pasar Ammon: “Diki bara dari Israel? Mating kah daya re ngibān rais-i? Mani ngara bada daya adi nyambah Molech tambit tarun tana tibaran-asar Gad ka rŭŭ dieh?

JEREMIAH 49:7

Ati inŭh kayuh adi TUHAN Bisa-pŭrŭg nang pasar Edom: “Daya Edom mbŭh manyap pinyibijak kah? Mbŭh dŭh dapŭd kah bara tukang pitayan ngara kidaan di ngara kayuh adi patut ngara ndai? Mbŭh miyap kah pinyibijak ngara?

EZEKIEL 28:25

TUHAN Raja nang, “Aku re taban ngga pari daya Israel so rais rais adi yŭn Ku ko bada ngara papar sasah, ka sopŭrŭg bangsa re puan nang Aku ati kudus. Daya Israel re rŭŭ di tana adŭp ngara, ka di tarun tana adi Aku mbŭh nggen di urun Ku Jacob.

EZEKIEL 28:26

Ngara re rŭŭ diginŭ ngga siramat. Ngara re pijog ramin ramin ka ndai teya anggor. Aku re ngukum sopŭrŭg rasū ngara adi ko ngamun ngara, ka Israel re udip darŭm pagŭng. Ka ngara meh re puan nang Aku ati TUHAN adi Tapa ngara.”

EZEKIEL 36:24

Aku re tambit angān so barang bangsa ngga rais ka taban angān pari ka tarun tana adŭp ngan.

EZEKIEL 36:5

“Aku, adi TUHAN Raja, mbŭh minyu so atin baji Ku pasar bangsa bangsa anŭ, ka rabis-i pasar Edom. Ngga pawŭn ka tiru, ngara sirabut tarun tana Ku ka tambit tarun tana kupai-i.

EZEKIEL 37:21

Komŭnŭ kidaan di ngara nang Aku, adi TUHAN Raja, re tambit sopŭrŭg daya Ku so bangsa bangsa adi ka ngara mbŭh bu, nguruk ngara, ka taban ngara ngga pari ka tarun tana adŭp ngara.

HOSEA 1:11

Daya Judah ngga daya Israel re jadi ndi. Ngara re mien yŭn adŭp ngara ndi naan adŭ pinguru, ka ngara re pari bitambah bagŭ ka udip mujur di tarun tana ngara. Sawŭ, andu Jezreel inŭh re andu adi bās!

ZECHARIAH 1:15

ka Aku raru baji di bangsa bangsa adi kinyam sanang buang bamai. Amai darŭm Aku nyijŭn baji Ku di daya Ku, bangsa bangsa anŭ bada daya Ku rabis sangsara.

ZECHARIAH 2:8

Daya adi nyerang angān inŭh nyerang kayuh adi siabo brega di Aku.” Jadi TUHAN Bisa-pŭrŭg pait aku ngga pinganang ati yŭn bangsa bangsa adi ko pirinda daya-I:

DITRONOMI 28:63

Nimun ka TUHAN ngga sanang asŭng-I bada angān mujur, ka bada gŭh angān papah bagŭ, simŭnŭ gŭh Ayŭh re ngga sanang asŭng-I pirabur angān ndŭg ka rŭpŭg. Angān re dog dimbut so tarun tana adi angān re ngisi.

DITRONOMI 30:3

TUHAN adi Tapa ngan re masi di angān. Ayŭh re taban angān ngga pari so bangsa bangsa adi yŭn-I mbŭh bada angān papar sasah, ka Ayŭh re bada angān mujur dinge.