JEREMIAH 12:11 - Hakcipta - Biatah Bidayuh

¹¹ Ngara mbŭh bada-i jadi tarun tana-pajam; ka-i matung di sirung jawin Ku. Ndi tarun tana mbŭh jadi tarun tana-sumat, ka mating daya mbit piduri.

JEREMIAH 12:11 ပူးပေါင်းရင်းမြစ်များ

EKLISIASTIS 7:2

Kana dŭ di ka ramin daya ngurid so di ka ramin daya bigawai, sabab daya adi udip patut bada ata ingat pinyikabŭs taŭn ari kajŭn ata.

ISAIAH 42:25

Jadi Ayŭh baji ka ngukum ata ka bada ata sangsara bada perang. Mun apui baji-I badang Israel, pak ata bŭn puan kayuh adi mbŭh jadi; ata dŭh birajar ani ani so dieh.

ISAIAH 57:1

Daya adi kana kabŭs, ka mating daya mirati bait mbit piduri. Pak kan ngara kabŭs, mating pinyusah re tia nyatŭk ngara.

JEREMIAH 10:22

Dingah! Agah mbŭh mandŭg! Agi ndi bangsa di utara adi taban pito bās; tibaran bara soldadu-i re pirabur kupo kupo Judah bada jadi tarun tana-pajam, tarun adi yŭn kasong kasong tarun udip.”

JEREMIAH 10:25

Taran baji Mai di bangsa bangsa adi dŭh nyambah Kaam ka di tunduh daya adi tirawan Kaam. Ngara mbŭh siŭ daya Mai; ngara mbŭh bandar bandar pirabur kieh ka bada rais ami jadi tibawang.

JEREMIAH 14:2

“Judah inŭh ngurid; kupo kupo-i sindŭk re kabŭs, bara daya-i guring di tana buang susah, ka Jerusalem bagan mite turung.

JEREMIAH 19:8

Aku re bada pinyirusag adi bisā nyatŭk kupo ati ndŭg ka daya adi murah re gŭgŭh ka nginga.

JEREMIAH 23:10

Tarun tana rais mbŭh puno bada daya adi dŭh tŭtŭd di TUHAN; ngara udip ginaka ka pakai kuasa ngara ngga aran adi sarah. Sabab pangu TUHAN tana ngurid ka tarun tana kupai badŭh.

JEREMIAH 25:11

Ndi tarun tana rais ati re jadi tibawang ka re jadi kayuh adi sipŭ ka adi gŭgŭh daya kiris, ka bangsa bangsa adi maning-i re bituan di raja Babylonia sitŭkŭd ju puru sawa.

JEREMIAH 4:20

Pinyirusag ndi dog tunda pinyirusag andi; ndi tarun tarun tana rais mbŭh rabur. Gŭgŭh bari bari ami mbŭh dog pirusak; dudu tabir-i mbŭh tiratak.

JEREMIAH 4:27

(TUHAN mbŭh nang ndi ong ong re jadi tarun tana-pajam, pak Ayŭh dŭh re kubo pirabur-i.)

JEREMIAH 4:28

Ong re ngurid; rangit re karŭm. TUHAN mbŭh minyu ka re dŭh nukar pikir-I. Ayŭh mbŭh matŭd pikir-I ka re dŭh pari.

JEREMIAH 6:8

Daya Jerusalem, tandah pinyusah anŭ jadi pinyibakan di angān, kambŭi dŭh Aku re tagan angān; Aku re bada kupo ngan jadi tarun tana-pajam, tarun adi mating daya rŭŭ dieh.”

JEREMIAH 9:10

Aku nang, “Aku ngurid darŭd ka muās tarun tana kupai, sabab ngara mbŭh badŭh pisŭk, ka mating daya panu mutas-i. Jawŭn dāng kudip mbŭh mating tia dog dingah; manuk ngga dāng tarun mbŭh bu ka mating tia.”

JEREMIAH 9:11

TUHAN nang, “Aku re bada Jerusalem jadi tugung rakang tibawang, tarun yŭn kasong tarun rŭŭ; kupo kupo Judah re jadi tarun tana-pajam, tarun adi dŭh daya yŭn rŭŭ.”

JEREMIAH 9:9

Re dŭh kah Aku ngukum ngara amai sopŭrŭg anŭ? Re dŭh kah Aku maras dendam di tunduh bangsa adi mun anŭ? Aku, adi TUHAN, mbŭh minyu.”

JOEL 1:10

Tana mbŭh mating pimuruh dieh; tana muās sabab gandom mbŭh dog pirusak, buwa anggor mbŭh pisŭk, ka tŭngŭn kanā mbŭh rayu.

LEVITICUS 26:32

Aku re kubo pirusak tana ngan ndŭg ka bara pinganyu adi ngisi-i re gŭgŭh kiris pinyirusak-i.

ZECHARIAH 7:5

Ayŭh nang, “Kidaan di bara daya tarun tana rais ati ngga bara imam nang kan ngara bipusa ka ngurid darŭm buran rimŭh ngga buran ju darŭm tipuh ju puru sawa ati, dŭh-i ngga stabi di Aku.

MALACHI 2:2

Angān dŭh siŭn dŭh stabi di Aku ngga pingandai ngan. Kambŭi angān dŭh tunda pinganang Ku, Aku re mangu angān. Aku re mangu kayuh adi angān dapŭd adi ngga angān kudip adŭp ngan. Sawŭ, Aku muko mangu kayuh kayuh anŭ, sabab angān dŭh mbit bat di pesan Ku.

ROME 8:22

Amai ata puan nang ndŭg tipuh ati sopŭrŭg kayuh adi ko dog napa mbŭh nyidaing naman sarang andam, nimun sarang andam re biranak.