JEREMIAH 11:7 - Hakcipta - Biatah Bidayuh

⁷ Di andu Aku taban tayung-babuk ngara ngga ruah so Egypt, Aku mbŭh pari pari bakan ngara bada nundok di Aku. Ndŭg andu ati Aku babŭ bakan daya Ku di kayuh anŭ.

JEREMIAH 11:7 ပူးပေါင်းရင်းမြစ်များ

2 RAJA 17:13

TUHAN mbŭh pait bara pinyisung-I ngga bara nabi bada bakan Israel ngga Judah: “Dŭh tia udip ginaka pak tunda pesan Ku, adi agi darŭm Ukum-adat adi Aku muko nggen di tayung-babuk ngan ka adi Aku mbŭh nggen di angān so urun urun Ku adi bara nabi.”

2 KRONIKEL 36:15

TUHAN, adi Tapa tayung-babuk ngara, muko ari pait bara nabi bada bakan daya-I, sabab Ayŭh raan nyiramat ngara ngga Ramin TUHAN.

PINYIRUAH 15:26

Ayŭh nang, “Kambŭi angān an tunda pinganang Ku ngga ndai anŭ adi Aku nang batur ka sita pesan Ku, Aku dŭh re ngukum angān ngga tadŭ mun andam anŭ adi Aku ko bada dog daya Egypt. Aku ati TUHAN adi pibua angān.”

JEREMIAH 11:4

Anŭ inŭh simanya adi Aku mbŭh ndai ngga tayung-babuk ngara di andu Aku taban ngara ngga ruah so Egypt, tarun tana adi keya ka buwang apui di ngara. Aku bada ngara tunda pinganang Ku ka ndai sopŭrŭg kayuh adi Aku mbŭh pesan. Aku kidaan di ngara nang kambŭi ngara tunda pinganang Ku, ngara bisa jadi daya Ku ka Aku jadi Tapa ngara.

JEREMIAH 25:3

“Sitŭkŭd duwŭh puru-taruh sawa, so sawa adi simŭng taruh Josiah anak Amon jadi raja Judah ndŭg andu ati, TUHAN mbŭh minyu ngga aku, ka aku bŭn dŭh kidaan di angān kayuh adi-I nang. Pak angān dŭh mbit piduri.

JEREMIAH 25:4

Angān abah dingah bait mbit piduri, pŭn ka TUHAN marar pait ka angān urun urun-I adi bara nabi.

JEREMIAH 31:32

Anŭ re dŭh mun simanya amba adi Aku ndai ngga tayung-babuk ngara kan Aku taban ngara ngga tangan adŭp Ku ruah so Egypt. Sunggu Aku mbŭh keya ka banŭh di ngara, ngara dŭh sita simanya anŭ.

JEREMIAH 32:23

Pak kan ngara mŭrŭt tarun tana ati ka dapu-i, ngara dŭh tunda pesan Mai bait udip nanyam ka ajar Mai; ngara dŭh ndai kayuh adi Kaam bada ngara ndai. Ngapŭi meh Kaam bada masam masam pinyirusag ati nyatŭk ngara.

JEREMIAH 34:14

barang ju sawa, pirupas tadŭ tadŭ urun ngara adi daya Jahudi adi mbŭh bituan di ngara nŭm sawa. Pak tayung-babuk ngan dŭh an dingah Aku ka dŭh mbit piduri di pinganang Ku.

JEREMIAH 35:14

Bara sesang Jonadab tunda pinganang-i ka dŭh nok wain, ka ndŭg andu ati mating ngara nok wain. Aku minyu gŭh ngga angān, pak angān bŭn tunda pinganang Ku.

JEREMIAH 35:15

Aku babŭ ari pait ka angān bara urun Ku adi bara nabi, ka ngara mbŭh kidaan di angān bada pasan aran pimudip ngan adi arap anŭ ka ndai kayuh adi batur. Ngara bakan angān bada dŭh nyambah tibudo bait bituan di tapa tapa bŭkŭn, isa angān dapŭd tui rŭŭ di tarun tana adi Aku mbŭh nggen di tayung-babuk ngan. Pak angān dŭh raan dingah Aku bait mbit piduri di pinganang Ku.

JEREMIAH 7:13

Angān mbŭh ndai sopŭrŭg dosa anŭ, ka sunggu Aku pari pari minyu ngga angān, angān abah dingah. Angān abah nam kan Aku bagan angān.

HOSEA 4:1

TUHAN nyarah daya adi rŭŭ di tarun tana ati. Dingah Israel, kayuh adi-I nang, “Mating pinyitŭtŭd bait kah pinyirindu di tarun tana ati, ka daya dŭh ngaku Aku ati Tapa.

HOSEA 5:1

“Dingah ati, angān bara imam! Nakit dingah, daya Israel! Dingah, angān adi so rawang raja! Sipatut-i angān nyarah daya ngga pinyitŭnggŭn; ngapŭi meh ukum re nyatŭk angān! Angān mbŭh jadi jarat di Mizpah, jaring adi dog tŭŭn di Darŭd Tabor,

ZECHARIAH 1:4

Dŭhnyah mun tayung-babuk ngan. Ndun jah bara nabi nggen di ngara pinganang Ku, bada ngara ko bidosa. Pak ngara abah dingah Aku bait nundok di Aku.

EPHESUS 4:17

Ngga adŭn Tuhan meh aku bakan angān: dŭhnyah tia udip mun daya adi dŭh puan Tapa, adi pikir kira-i au-tarun.

DITRONOMI 12:32

“Ndai sopŭrŭg kayuh adi aku muko pesan di angān. Dŭhnyah nambah tadŭ tadŭ kayuh, puan kah kadi tadŭ tadŭ kayuh so pesan anŭ.

DITRONOMI 30:20

Rindu TUHAN adi Tapa ngan, tunda ka tŭtŭd di Ayŭh, ka angān ngga bara sesang ngan re tui udip di tarun tana adi Ayŭh mbŭh bijanji an nggen di babuk ngan, Abraham, Isaac ngga Jacob.”

DITRONOMI 4:6

Sita-i ngga atin tŭtŭd, ka simŭnŭ angān re kiren di bangsa bangsa bŭkŭn munki masam bijak angān. Kan ngara dingah sopŭrŭg ukum-adat anŭ, ngara re nang, ‘Sawŭ bijak ngga mirati bangsa adi bās anŭ!’

DITRONOMI 5:29

Kasi kah kambŭi ngara ari mun anŭ! Kasi kah kambŭi ngara ari stabi di Aku ka tunda sopŭrŭg pesan Ku, isa ngara ngga bara sesang ngara adu adu sanang.

DITRONOMI 6:2

Sitŭkŭd angān udip, angān ngga sesang ngan an stabi di TUHAN adi Tapa ngan, ka tunda sopŭrŭg ukum adat-I adi aku nggen di angān, isa angān udip tui di tarun tana anŭ.

DITRONOMI 8:6

Ngapŭi meh, ndai nimun TUHAN mbŭh pesan: udip nanyam ka ukum adat-I ka tunda pinganang-I.

2 THESSALONICA 3:12

Ngga adŭn Tuhan Jesus Kristus kieh bakan ngara buang bada ngara panu aran pimudip adi tirase buang nyiraja ngga nyiran adŭp-i.

1 SAMUEL 8:9

Ngapŭi-i meh, dingah nŭh pinganang ngara, pak bakan ngara ka kidaan munki raja re ngga ngara.”