JEREMIAH 11:4 - Hakcipta - Biatah Bidayuh

⁴ Anŭ inŭh simanya adi Aku mbŭh ndai ngga tayung-babuk ngara di andu Aku taban ngara ngga ruah so Egypt, tarun tana adi keya ka buwang apui di ngara. Aku bada ngara tunda pinganang Ku ka ndai sopŭrŭg kayuh adi Aku mbŭh pesan. Aku kidaan di ngara nang kambŭi ngara tunda pinganang Ku, ngara bisa jadi daya Ku ka Aku jadi Tapa ngara.

JEREMIAH 11:4 ပူးပေါင်းရင်းမြစ်များ

TIBIRIK 17:8

Aku re nggen di kuu ka di sesang mu tana ati adi yŭn mu madin jadi daya pinami. Ndi tarun tana Canaan re adu adu dog dapu bara sesang mu, ka Aku re jadi Tapa ngara.”

1 RAJA 8:51

Ngara inŭh daya Mai, adi Kaam mbŭh taban ruah so Egypt, buwang rubang apui adi bijagu anŭ.

2 RAJA 18:6

Ayŭh tŭtŭd di TUHAN ka bŭn-i nyibireu Ayŭh; ayŭh nakit sita sopŭrŭg pesan adi TUHAN muko nggen di Moses.

PINYIRUAH 20:6

Pak Aku kiren pinyirindu Ku di biribu ribu turap manusia adi rindu di Aku ka tunda ukum-adat Ku.

ISAIAH 30:6

Ati inŭh agah so Tapa pasar dāng di parad siratan tarun tana-pajam: “Pingarun pingarun panu mutas rais adi yŭn pinyusah bisa timbur, di yŭn singah rŭŭ ka agi dudu jippŭh ngga naga adi bisa mikabur. Ngara na pinganggen adi brega di tunduh kaldi ngga onta an ngara taban ka bangsa adi dŭh dapŭd turung ngara.

ISAIAH 48:10

Aku mbŭh suba angān ngga apui sangsara, mun pirak dog suba ngga apui. Pak Aku mbŭh dapŭd angān dŭh biguna.

JEREMIAH 11:7

Di andu Aku taban tayung-babuk ngara ngga ruah so Egypt, Aku mbŭh pari pari bakan ngara bada nundok di Aku. Ndŭg andu ati Aku babŭ bakan daya Ku di kayuh anŭ.

JEREMIAH 24:7

Aku re nggen di ngara pinyiraan an puan nang Aku ati TUHAN. Komŭnŭ ngara re jadi daya Ku, ka Aku re jadi Tapa ngara, sabab ngara re pari ka Aku ngga siabo atin ngara.

JEREMIAH 26:13

Angān dŭh siŭn dŭh ngubah aran pimudip ngan samŭn kayuh adi angān ndai, ka dŭh siŭn dŭh nundok di Tapa ngan. Kambŭi angān ndai simŭnŭ, Ayŭh re nukar pikir-I pasar pinyirusag adi Ayŭh nang re bada nyatŭk angān.

JEREMIAH 32:28

Aku re nggen kupo ati ka Nebuchadnezzar adi raja Babylonia ka di tibaran bara soldadu-i; ngara re sirabut-i

JEREMIAH 38:20

Aku nang, “Kuu dŭh re dog nggen ka darŭm tangan ngara. Aku mite kuu tunda pinganang TUHAN; ka sopŭrŭg kayuh re siramat, ka kuu dŭh re dog siŭ.

EZEKIEL 11:20

Komŭnŭ ngara re sita ukum ukum-adat Ku ka tŭtŭd sita sopŭrŭg pesan Ku. Ngara re jadi daya Ku ka Aku re jadi Tapa ngara.

EZEKIEL 14:11

Aku re ndai simŭnŭ ngga bada daya Israel dŭh tagan Aku ka nyembar adŭp ngara ngga dosa. Ngara re jadi daya Ku, ka Aku re jadi Tapa ngara.” TUHAN Raja mbŭh minyu.

EZEKIEL 36:28

Komŭnŭ angān re rŭŭ di tarun tana adi Aku mbŭh nggen di tayung-babuk ngan. Angān re jadi daya Ku, ka Aku re jadi Tapa ngan.

EZEKIEL 37:23

Ngara re dŭh tia nyembar adŭp ngara ngga tibudo tibudo adi sipŭ anŭ bait kinais adŭp ngara ngga dosa. Aku re pirupas ngara so sopŭrŭg aran pimudip adi bada ngara bidosa ka adi bada ngara dŭh tŭtŭd di Aku. Aku re pibisig ngara; ngara re jadi daya Ku, ka Aku re jadi Tapa ngara.

EZEKIEL 37:27

Aku re rŭŭ diginŭ ngga ngara; Aku re jadi Tapa ngara, ka ngara re jadi daya Ku.

DANIEL 3:26

Jadi Nebuchadnezzar di ka tiban buwang apui adi bijagu apui dieh ka bagan, “Shadrach! Meshach! Abednego! Urun Tapa adi Siabo Bigatung! Ruah!” Ka ngara rasu ruah.

LEVITICUS 26:12

Aku re agi ngga angān; Aku re jadi Tapa ngan, ka angān re jadi daya Ku.

LEVITICUS 26:3

“Kambŭi angān udip nanyam ka ukum-adat Ku ka tunda pesan Ku,

ZECHARIAH 13:9

Ka Aku re suba utung adi taruh adi siramat ka re pibisig ngara mun pirak dog pibisig ngga apui. Aku re suba ngara mun suba mas. Ka ngara re bidua ka Aku, ka Aku re nam ngara. Aku re kidaan di ngara nang ngara inŭh daya Ku, ka ngara re ngaku Aku ati Tapa ngara.”

ZECHARIAH 6:15

Daya so tarun adi jo re mandŭg ka turung pari pijog Ramin TUHAN. Ka kan-i mbŭh kamas dog pijog, kuu re puan nang TUHAN Bisa-pŭrŭg inŭh adi pait aku ka kuu. Kayuh anŭ re sawŭ jadi kambŭi kuu ngga siabo asŭng mu tunda pesan TUHAN adi Tapa mu.

ZECHARIAH 8:8

ka re taban ngara ngga pari so timor ngga barat bada rŭŭ di Jerusalem. Ngara re jadi daya Ku, ka Aku re jadi Tapa ngara, mritah ngara ngga tŭtŭd ka ngga pinyitŭnggŭn.

MATTHEW 28:20

ka ngajar ngara da sita sopŭrŭg kayuh adi Aku ko pesan di angān. Aku re ari agi ngga angān, ndŭg Andu Sikasŭn.”

2 CORINTH 6:16

Simuki yŭn pinyirŭŭ Tapa re bisa biyŭn gagit-i ngga tibudo? Amai ata inŭh yŭn pinyirŭŭ Tapa adi udip! Nimun adi adŭp Tapa ko nang, “Yŭn pinyirŭŭ Ku inŭh bara daya Ku ka Aku bigaur ngga ngara; Aku re jadi Tapa ngara, ka ngara re jadi daya Ku.”

DITRONOMI 11:27

berkat, anŭ inŭh kambŭi angān tunda sopŭrŭg pesan TUHAN adi Tapa ngan adi aku nggen di angān andu ati;

DITRONOMI 4:20

Pak angān inŭh daya adi Ayŭh mbŭh piruah so Egypt, buwang apui adi bijagu anŭ. Ayŭh taban angān ruah, yŭn bada angān jadi daya adŭp-I, mun angān madin.

DITRONOMI 5:6

‘Aku ati TUHAN adi Tapa ngan, adi pirupas angān so Egypt, adi yŭn ngan ko jadi urun.

HEBREW 5:9

Kan Ayŭh mbŭh jadi sukup kana, Ayŭh jadi atak pinyiramat adi tan adu adu yŭn sopŭrŭg daya adi tunda pinyiraan-I,

1 SAMUEL 15:22

Samuel nang, “Aki ndi TUHAN raan: nurut pinganang TUHAN kah pinganggen ngga sadis? Kana dŭ nurut pinganang-I so nŭŭh jugan biri adi gamu ka Ayŭh.